Otutel a Ulaoch

Rodam my rodos er ngak, ng dmeu a renguk el me mengedecheduch er tial klou el ongdibel el outkeu er sera Joseph Smith lesang a Kot el Ues er a Chedam el Dios me a Ngelekel Sechal, el Jesus Kristo, el mla er sel Sacred Grove. Tial Ues a mle ongasireng el uchelel a Oltel a ebangkelio me a ikel mlocholt, el mla er a Babier er a Mormon el mersel olutel a klisichel a priesthood me a kiis, me a urebetellel a merang el Ikelesia er a Rubak, me a re profet me a re apostol el omekrael er a tial ureor er aikal uriul klebesei.

Ngokiu a chedaol omeruul, ea re profet er a Dios el mla er a chuodel el taem, sel bo el omelchesuar er a Chedaol Reng, a ulumlaoch el kirel a Oltel e ngerang a mo er ngii er aikal sils er kid, er tial uriul klebesei me a cherrengelel a taem. El ngii a ureor el “ulmekllomes a reng” er tirkel chad er a ulaoch er a uchei.¹ Ngokiu a telcheroll, e te uluuchais, omerous, omes, ulemlaoch er a ngarmedal el rengedel a Dios el ngara beluulechad, el Isaia a ulmekdong el kmo ng mo “chemas a rengrir er a bek el tekoi.”²

A ulaoch el mla mo taut el okiu a Oltel a cherrungel el ebangkelio er a Jesus Kristo, a uldimukl er a Ikelesia er a Jesus Kristo er a Uriul-klebesei el Santo, a kmal betok. Chelecha el sils, eng di, soak el mo ouchais a bebil er a ikel el kmal soak. Aikang a ble lolsisechakl el merngak a sensei er ngak er a Primary me a kedung el delak.

A Daniel, a mle tomer a ikel lion meng dimlak el kelii eleng okiu a klamuernag er ngii er a Rubak el Jesus Kristo me a reanghel er a Dios a ulngeseu er ngii, el ngii al milsang a temed er a chelsel a ues. Nguleliuid er a berusel a King er a Babilon el Nebuchadnezzar, ea Daniel a ulemlaoch el kmo a Ikelesia er a Rubak a mo er ngii er a uriul el klebesei el uai a kekerei el bad er a “ lobached er a tkul a rois el dimlak a chad el mechedii.”³ “Dimlak a chad el mechedii,” e ng belkul a kmo ngokiu a chedaol omeruul, ea Ikelesia er a Rubak a mo mesisiich el di merekmo bo el lokekii a beluulechad “el mo diak [a] ulebengelel … [e di] medechel el mo cherechar.”⁴

Ng mesisiich el sioning el kmo a tekingel a Daniel a mla tmaut sel derechedal a Ikelesia, el meliuekl er tial beluulechad, el omes e orrenges er a ongdibel er a chelelchal sils.

A Apostol Petrus a silodii sel “belsechel a le mukbeches a rokui el tekoi … er a ngara mong.”⁵ A Apostol el Paulus a milluches el kmo chelsel a cherrengelel a taem, ea Dios a mo “oldak … a ikel rokui a Kristus ,”⁶ “sel mesisiich el bad el lorreked er ngii a rokir a Kristus Jesus el, di ngii el tang.”⁷ Ak kulmechelsuar aikal ulaoch el kmal mle mesisiich serak ngara oterkeklel sel Rome Italy Templo. A rokui el re profet me a re apostol a mla er sei el ouchais a klaumerang er a Jesus Kristo, el Osebelel a beluulechad,el di mle uai a Petrus me a Paulus. A Ikelesia a okesiul sel mukbeches, el rodam me a rodos, me a rechedal ikelesia a sioining aikel chedaol ulaoch er a ngaramong.

A Joseph er a Egypt a ulemlaoch el kmo a ikel uriul klebesei: “A chad er a ulaoch a bo lokedbechii a Rubak el Dios er Ngak el ngii a mo ngaruche el chad er a ulaoch er a mo redechel a delek.”⁸ “El bo moruul a urellel [a Rubak].”⁹ A Joseph Smith, el profet er a Oltel, a mle ngkel chad er a ulaoch.

A Johanes el Chad er a Ocholt a ulemlaoch er a anghel er a Dios el olab a klisiich el oldak a meklou a ututelel telengtengil a Oltel el melkoi aikang el tekoi : “E sola e ak milsa kuk tara anghel el suebek ra milidiul el oba a diak a ulebengelel ebangkelio el kirel omerk er ngii el mor tirikel kiei er a beluulechad, el bek el renged, ma kebliil rar chad, ma chomelekoi, ma bliongel rar chad.”¹⁰ A Moroni a mle ngkel anghel. Ngmiles a temed el llechukl er a chelsel a Babier er a Mormon. Ngara omelekl el omeruul, e ngii a mle kudmeklii a Joseph Smith el kirel a urerel, el uldimukl er a oidel a Babier er a Mormon: Tiang A Dirrek el Ouchais El Kirel a Jesus Kristo.

A rebebil er a re profet a uluuchais er a temed. A Malakai uluuchasi el kirel a Elias el mo sumechokl “a telemall el deleuill er a delongelir a re chedam me a re ngalek.”¹¹ A Elias a mla mei, sei a uchul, e a chelechal taem, eng ngarii a 168 el templo el ngara beluullechad. A bek el templo a mui er a reklikiid el rechedal a ikelesia el meruul a chedaol telbiil e mo melai a klengeltengat er a chedaol ruoll el kirir me a re mla mad el beldekir. Tiang el chedaol el ureor el lulsaod er ngii a Malakai a “chedul sel moktel a Ulemeob el kirel a diak a ulebengelel omerollel a Rengelekel.”¹²

Ke de kiei er a taem el ulemlaoch el kirel: kid a tirekel chad el mo oungerachel el mo oked er sel Ongeru Lemei a Jesus Kristo; kid a mo mengideb er a rengelekel a Dios, el tirkel el mo orrenges e oumerang a klemerang, telbiil, me a yaksok er a diak a ulebengelel ebangkelio. A President Nelson a omekedong er ngii “el kote el ngarbab elomelasm, e kot el ngarbab elomeruul, e kot el ngarbab elureor el ngar tial beluulechad er a chelechal taem.”¹³ Ngar tia el ongasireng e ak ouchais a sioning er ngak.

Ng mle ngerachel el bilskak a President Russell M. Nelson, e ser a Ongerung el buil er tia el rak, e ak mlo oterkeklii a sel Durban South Africa Templo. Ng sils el meral diak bo kubes er ngii er a klengar er ngak. Ak kulbengterir tirkel rechedal a ikelesia el mlei er a ebangkelio el uai a Jeremia a ulemlaoch er a ngara mong el taem—“re derta el chad er a bek el beluu, el derterung er a bek el klebliil.”¹⁴ A osisecheklel a Jesus Kristo a oldak er kid el rokui—el meliuekl er a beluulechad—el ngelekel a Dios el sechal me a redil, el rodam e rodos er a ebangkelio. Meng diak iior er a osenged malechub eng biled, e kid a ta el chad el obengkel a Chedam er a Bableuades el moktel er a uchelel a mle e mo er a Telungalek er Ngii el mo dmak el meruul e oltirakl a chedaol telbiil er a templo.

Ng mo er a kekerei el ongdibel er tirkel obang a priesthood el mla er ngii er a skuul el ngara Kirtland, Ohio, sera 1834, e a Profet el Josep a ulemlaoch el kmo, “Meng di kekeri el ongdibel er a re Priesthood el mesterir er a chelechal kesus, engdi tia el Ikelesia a mo omdois er a Diluches me a Dimes er a Merikel—e mo mekekii a beluulechad.”¹⁵

Aikal dirk mlo merek el rak e ngak a mla omais el meliuekl er a beluulechad el mo mesterir a rechedal a Ikelesia. A Rodam er ngak er a Chelechad er a Teruich me a terung a mla er ngii a osisiu el ngerchelir. Ma leuaisei, ngtechang a sebechel el meruul er a osisiu el iotei er a betik er a rengud el profet, el President Nelson, el omerelel er a chelsel aikel kot el eru el rak el President er a Ikelesia a mla nguu el mo mesterir a re Santo “er a okedei me a eru el beluu me a beluu er a Merikel”¹⁶el mo sioning er a ngar el Kristo.

Ak dobedebekii serak ngeasek el sechal e ngiluu a okedong el mo er a mision. Ng mle soak el mo mesiou er a Germany, el uai a demak, ochedak, me a ngisumech er ngak. Ng dimlak kungiil er a ngii dil chad el me remei, e ulereched el mo er a mailbox e mekengii tial okedong. Ak chiliuii el kmo ak mla mukedong el mo er sel Eastern States Mision headquarter el ngara New York City. Ng mlo mekngit a renguk, me ak mlo er a chelsel a blai e mekengii a chedaol llechukl me bo el ungil a renguk. Ak ulmechelang el menguiu er a Doctrine and Covenants el kmo a Rubak a mo ngarngii a rebetok el chad el mo orrenges er a re Mesiungel e mo oltirakl er Ngii e mo ochotii a teletael el mo merekui a Urerel el mo bedul a ongos er tial beluu.”¹⁷ Tiang el ulaoch, el mlo er a Joseph Smith sera 1833, a mle ocholt el merngak. Ak mlo medengei el kmo, ak mla mokedong el mo er sel mision el Rubak a soal bo kusiou er ngii. A kullisechakl el kirel a Oltel me a uchelel sera Chedam er a Babeluades a milngedecheduch el mo er a Joseph Smith e dilung, “Ngika a Betik er a Renguk el Ngelekel el Sechal. Mrengesii!”¹⁸

Mesel klou a ututelel el mo er a rokir el Ikelesia sel ulemlaoch er ngii a Isaia , e ra betok er a euid el dart el rak er a uchei er a cherellel a Jesus Kristo: “A ngar medal sils, e sel rois el le dechor er ngii a Templo a kot el mo metongakl er a rokuil rois, … ng betok el beluu a mei el ua lomaoch omoachel el mor ngii.”¹⁹

Ngara chelsel a udesuek er a chelechal sils, e ak mesterir a re million el rechedal a ikelesia me a resechelid el omes aika el ongdibel el okiu a tibi, internet, malechub eng bebil er a teletael. Ng uoi a dedak el dengchokl er a “ kot el metongakl el rois.”²⁰ Ng mle Brigham Young el milekoi a ulaoch el tekoi “Tiaikid a mera el basio.”²¹ A re Santo, el bebil er tir a mle rebeldekek, a ureor el mo meleketek er a Zion el ngara Rocky Mountain “el okiu a ongtil me a soal a rengul ngkel ngii a mengedereder a beluu er a beluulechad.”²²

Chelechal sils e ak dechor er tial chedaol el chutem el betok el million el rechad a me oldingel er ngii. Sera 2002, ea Salt Lake City a ulngerachel er sel Winter Olympic Games. A Tabernacel Choir a milngitakl er a uchelel tia el klaiuengadel, ea Ikelesia a milruul a concert me a brokuram el mo er a rechad el mlara betok el beluu. Ak blechoel lotkii el mesang a templo el chemolt sel temel a osengel a chais el tuobed el meliuekl er a beluulechad.

Chelsel a mla memong el rak, e a re president er a beluu er a Merikel, me a re king, rechad er a kerkeriil, re prime minister, re ambassador, me a re official er a betok el beluu a mla mei er a Salt Lake City el mo kebetech el obengterir a remerredeled. A President Nelson a ulereor obengterir a remerredel er a Nationa Association el mo er a Advancement er a Colored People, el chelechad er a Merikel el oltaut a tabesul llemalt el diak el a iior a klekakerous el rasech el omngarngii. Ak melatk el dechor kaiukeid er a tirka el sechelik ma roungerachelam e President Nelson a mlo dmak el obengterir el olngik er a bek el chad el mo ta rengud er a tekoi er a talreng el mora rechad er a tara beluu. ²³

A lmuut el betok a mlei er tial Temple Square el me kebetech e mengedecheduch el obengterir a remerredel er a Ikelesia. El ua tia el okesiu, er tial mlo merek el rak, mak di mo ouchais a bebil, e a ki mle mengemedaol er sel ongdibel er a United Nations 68th Civil Society, el beluulechad el mlo keldibel, el mle kot el meruul er a ikrel a beluu er a New York. Aki dirrek el mla mo kebetech el obengkel sel Vietnam’s Committee for Religious Affairs, re ambassador er a Cuba, Philippines, Argentina, Romania, Sudan, Qatar, me a Saudi Arabia. Aki dirrek el mle mengemedaol er a secretary general er a Muslim World League.

Aika el kusaod a otutel a ulochel a Isaia el kirel a uriul klebesei, ea a betok el beluu a mo omaochel el “el mo er sel rois el le dechor er ngii a Templo.”²⁴ Tial klebokel el Salt Lake Templo a dechor er a belngel tial klisiich me a klebkall.

Ng diak el chetemel a uchul a rechad a mei, engdi meral klebokel a chetemel; ng sel meral bliochel el klechelid el chemolt er a chedaol reng, omenglou, klungiaol, me a blekokuii er a Ikelesia er a Jesus Kristo er a Uriul-klebesei el Santo me a rechedal; a beltkil a rengud el ua Dios el oubeltik el reng me a dechal a rengud el mo kot el ngarbab el omeruul, el Joseph Smith a omekedong el, “omerollel a Kristo.”²⁵

Kid a diak dodengei el kmo ng oingerang ea Osobel a lmuut el mei, engdi ngbai tiakid a dodengelii. Ng kired el mo keldmokl er a reng me a uldasu, el klikiid el mo Nguu, e mo oldanges el mo telengtengil aikel rokui el ulaoch el mildung er a ngara mong el taem.

Ak ouchais el kmo a President Russell M. Nelson a profet er a Dios el ngar tia el beluulechad, ea ngara bitang er ngii a re Apostol el mlokedong er a Dios, sel mlodubech el re profet, chad er a ulaoch, me a chad er a ocholt. E, rodam my rodos er ngak, a Olutel a melemolem.

Ak mo mengesimer el obang a ulochel a Joseph Smith, el tekoi el ngak a ouchais el kmo ngmerang: “Ng diak a chelsechusem el chim el mo torbengii a omerolel tial ureor; klaudechelakl mocha kelsibreng, remekngit el chad a mo dmak, re soldau a mo dmak, e mocha oltuub er a rechad, engdi a klemerang er a Dios a di melemolm merael el di mesiich, e chetengakl, e mimokl, el di merekmo bolsisb er a bek el beluu, oldingel a bek el cheltel a beluu, e mo er a bek el basio, e oderngesall el mo er a bek el ding, el di merekmo a moktel a Dios a mo mekedmokl, ea Ngarbab el Jehovah a mo dmung el uasei a ureor a mla mo merek.”²⁶ Ak ouchais el kmo a ulochel a Joseph Smith a mla mo taut.

Ak yaksok er kemiu el mo oltirakl a mellomes el omelkingel a betik er a rengud el profet er kid, er a President Russell M. Nelson, me a recounselor ngii, me a re Apostol, me a rebebil er a merredel er a Ikelesia, me sel ungil orrenges er tirkel re profet er a ngara mong el taem el ulemlaoch el kirel a temed, e mo mui, a rengmiu me a bedengiu, er a chedaol reng me a urerel a Oluut. Ak yaksok er kemiu el kmo ko mo mesang a chimal Dios er a chelsel a klengar er kemiu, e mo remenges a Odbechel, e mo omelchesuar a Betlkil a Rengul. El obang a ngklel a Jesus Kristo, el obengkel a omereng el saul el kire a Oltel a ebangkelio er Ngii me a Iklesesia er Ngii, el olechotel a klou el Beltkil a Rengul, boluaisei.