Bain Te Tama are i Karawa ni Kairi ni Katoabong

Teuana ana bwai ni mwakuri te Tama are i Karawa ae moan te tangiria ni kairakiia Natina bon tibu aika raoiroi. Tinan kainnabau bon te aine ae aekakin anne. Te bwai teuana ae riki ngke I rangin ni uarereke, e katuaeai tamau. Taraakin te mwakuri aei, e taku tibu te aine, “Monte, I kakoaua bwa ko katuaeia n ae rangin ni matoatoa.”

E kaeka tamau, “Tinau, N na kaetiia au ataei n aron ae I tangiria.”

Ao tibu te aine ae wanawana e taekinna ma te karaurau, “Ao ngai naba.”

I taku bwa I koaua raoi bwa tamau e ongo ana kairi tinana ae tamaroa n te bong anne.

Ngkana ko iangoa te kairi, ti kona n iangoa te anene ae ti bane n ataia ao n tangiria—“Ngai natin te Atua.” N te korati ti kunei taeka “Kairirai, ao kawakinai, kaota te kawai.”

Ni karokoa te tai aei, I ataa te korati bwa te kaetieti mai ieta nakoia kaaro. Ngkai I iangoi raoi taeka aikai, I kunea bwa ngkai iai inanona te kaetieti anne, iai nanona ae nano riki. Ngaira n tatabemaniira nako, ti tataro ni katoabong bwa te Tama are i Karawa e na kaeti kawaira, e na kairiira, ao ni kaota te kawai.

Beretitenti Dieter F. Uchtdorf e kabwarabwara: “Tamara are i Karawa e atai kainnanoia Natina riki nakoia tabeman. Bon Ana mwakuri ao mimitongina ni buokiira n tainako, n anganiira Ana mwakuri ao kakatongana ni buokiira n tainako, n anganiira bwaai n ibuobuoki aika kamimi n rabwata ao n tamnei ni buokiira ni kawaira n oki nako Ina.”

Kakauongo nakon taeka aikai: Te Tama are i Karawa e ataa te bwai ae ti kainnanoia riki nakoia tabeman. N tokina, E a tia ni karaoa te bakete ibukiia kainnano ao ibukira n tatabemaniira nako. Iai mwakorokorona aika mwaiti. Are e ikotaki iai Natina ao te Mwakuri ni Kamaiu, te Tamnei ae Raoiroi, tuua, koroboki aika tabu, te tataro, burabeti, abotoro, kaaro, bakatibu, taan kairiiri n te Ekaretia n te mwakoro, ao a mwaiti riki—a na bane ni buokiira n oki ni maeka ma Ngaia n te bong teuana.

I tangiria n tibwauaia n te bong aei tabeua kanoan te bakete n nabenabe are I a kona iai n ataia bwa te Tama ae tangira e kairi, e kaeti, ao e nakonako irarikiu ma au utu? Au kantaninga e kangai ngkami ni kabane kam na kinaa n ami taneiai bwa te Tama are i Karawa e kairiko, e kaetiko, ao e nakonako irarikim ao, ma te atatai anne, ko na waaki ma te aki nanokokoraki, n ataiko bwa ko aki kona n tiku n ti ngkoe.

Ana tua te Tama are i Karawa bon kanoan te bakete n nabenabe aika kakawaki. E taekinna Aramwa “Te aro ae buakaka e bon aki kona ni karekea te kakukurei.” Kariaiakan katei aika aki riai n akea tangiran kaetakiia e boni kairua are e na kakorakora te iango ae taabangaki bwa te buakaka e kona n riki bwa te kukurei. Tamuera te Reimwanaite e kaitara raoi te iango aei: “Kam ukoukora te kukurei ma ni karaoan te bure, are bon te bwai ae kaitara aron te raoiroi are e mena iroun ara Mataniwi ae kakannato ae Akea Tokina.”

Rinanoia Ana burabeti, e teimatoa te Tama are i Karawa ni kauringiira bwa te raoiroi bon te kukurei. Te Uea Beniamina, n te katooto, e reirei bwa te Tama are i Karawa “e kantaningaia bwa kam are e a tia n tua nakoimi, bwa ngkana kam karaoia, ao e na waekoa ni kakabwaiai ngkami.” Man te anene riki teuana e roko te aekaki naba ni kauring anne:

Tao n au ka 14 ni koro n ririki, I reiakin tabeua kakabwaia aikai. I noori katei aika kaokoro mai irouia au karo. Iangoa te bwai ae I nooria, I titiraki, “Ti na nako n ara mition?” Te bwai ae oti ni moan tinau e kakoaua te bwai ae I kakoaua. Imwiina, n ara marooro inanon ara utu, au utu ao ngai ti reiakinna bwa a tia au karo ni weteaki bwa a na tararua te mition.

Ti maeka iaon te tabo ni man ae tikiraoi i Wyoming. Man au taratara, te maiu e rokoraoi. I kona n oki nakon mweengara man te reirei, katiai au mwakuri aika kabotu, ao n nako ni katiman, akawa, ke n neweaba ma au kamea.

E aki maan imwiin reiakinan te nakoa, I kunea bwa N nang aki tabe ma au kamea ae arana Blue. I reitaki ma tamau, n tuangnga bwa tera ae N na karaoia ma Blue. I tangiria ni kamataata aki etin te bwai ae tangiria te Atua. N na aki mwaninga te kaeka aei. E taku, “I aki koaua. E aki kona n iriira, ngaia ae ko na tuanga te Tama are i Karawa.” Tiaki te kaeka anne ae I kantaningaia mairoun tamau.

I moana warekan Ana Boki Moomon. I tataro mwaaka ni kan ataia ngkana N na kanakoa au kamea. E aki roko au kaeka n te tai anne, ma, I teimatoa ni karekea te aekaki n iango ae onoti: “Tai riki bwa te bwai ni karawawata nakoia am karo.”

I ataa te bwai ae kainnanoia te Tama are i Karawa. Te atatai anne e aki kakerikaaka te maraki n anganako au kamea. E ngae n anne, rinanon te karea ae uarereke, e kamarauraua nanou ao I kunea te rau n ukoukoran ana kantaninga te Tama are i Karawa.

I kaitaua Tamau are i Karawa ibukin kakabwaia ao kakukurei aika I kunei rinanon booki aika tabu, te tataro, te Tamnei ae Raoiroi, ao te karo n aon te aba ae kororaoi ae kariaia tabena bwa te tia reirei irouia natina n te euangkerio. A kairai, kawakinai, ao ni kaota te kawai—riki ngkana n na karaoa te bwai teuana ae kaangaanga.

Irarikin are karekean te bakete ibukiia kainnano are I a tia n taekinna, ti kakabwaiakaki ma taan kairiiri n te nakoanibonga ni kairiira ao ni kawakiniira.

E taku Beretitenti Boyd K. Packer: “A kairaki mai ieta Bitiobi! Ngaira ni kabane iai inaomatara ni butimwaea ke n totokoi reirei mai irouia ara taan kairiiri, ma tai kakeaa bonganan ana reirei am bitiobi, ni kanakoaki tao iaon te tabo n taetae ke temanna n onoti.”

Mwaane aikai a kekeiaki n tei ibukin te Uea. Tao ngkana ti a kara ke ti kairake, ngkana e tangiriira Tatan n iangoia bwa ai akea te kantaninga, a mena ikanne bitiobi bwa taan kairiira. Ngkana ti taetae ma bitiobi, I a tia ni kunea te rongorongo ae okioki ni kaineti ma kaotan te aki ongotaeka ke karawawata man kairua aika kakaiaki. A waekoa Bitiobi n tangiria ni kaota ana tangira te Tama are i Karawa ibukira n tatabemaniira ao te nano ni kan nakonako irarikin teuanne ke neienne ngkai teuanne ke neienne e kunea te kawai nakon te mweenga.

Tao e na kabwarabwaraaki kanoan ana bakete n nabenabe te Tama are i Karawa n taeka aikai: “E tangiriia aomata te Atua n te aro are E anga Natina ae te Rikitemanna.”

N reireiniira te bwai ae ti riai ni karaoia, e kaira te kawai Iesu Kristo man kaotan te banna ni katooto ae kororaoi ae ti riai ni katotonga. E bubuti ma ngaira n arora baina bwa tina nakoina, n Iriria. Ao ngkana ti kabwaka, are e bon riki nakoira ni kabane, E kauringiira bwa e a tia ni karawawataaki ni bwai aikai ibukiia aomata ni kabane, bwa ti na aki karawawataaki ngkana ti rairi nanora.

Aio te bwaintituaraoi ae tamaroa! Te rairannano tiaki te katuua; bon te kabwaia. Bon te kabwaia are e kairiira ao e kawakiniira. Tiaki te bwai ae kamiimi bwa e taekinaki ni booki aika tabu bwa a na akea te bwai ae ti na reiakinna ma ti te rairannano.

Te Tama are i Karawa iai ana boutoka aika mwaiti, ma E kabonganaia aomata tabeman bwa a na Buokia. Ni katoa bong ao E anganiira taai ni kairi, kawakin, ao ni kaota kawain te aomata ae kainnanoia. Ti riai n ira ana katooto te Tia Kamaiu. Ti riai naba ni karaoi ana mwakuri te Tama are i Karawa.

N tabera ae te Beretitentii n Aia Bootaki Ataeinimwaane ni Kabuta, ti ataia ae a kakabwaiaki kairake ngkana iai aia karo ao taan kairiiri aika a tei ibukin te Tama are i Karawa ni kairiia, ni kawakiniia, ao ni kaota te kawai nakoia. Teniua reirei aika a na buokiira n riki bwa mwakoron ana bakete n nabenabe te Tama are i Karawa ibukiia tabeman bon:

Te moan, raoniia kairake. Beretitenti Henry B. Eyring e kamataata te iango aei: “Iai bwai aika ti kona ni karaoi aika a na kona ni kaangaanga riki. N raka riki korakorana nakon kabonganakin taeka n ara anga reirei iaon te reirei a na riki bwa ara banna ni katooto ni maiuakina te reirei.” Kairakiia kairake e kainnanoa raonakiia. Kabanean te tai bon kaotan te tangira are e kariaira bwa ti na anga reirei n te taeka ao te banna ni katooto.

Te kauoua, ni kairakiia raoi kairake, ti riai n reitiia ma karawa. E aki toki n roko te tai ngkana a na bon tei irouia aomata n tatabemaniia nako. Ti te Tama are i Karawa ae kona ni mena ikekei ni kairiira n taai nako ao n taabo ni kabane. A riai ara kairake n ata aroia ni ukoukora ana kairiiri te Tama are i Karawa.

Te Kateniua, ti riai ni kariaia bwa a na kairiiri kairake. N aroia kaaro aika tangira ake a taua bain te ataei n reireinna n nakonako, ti riai ni kanakoia bwa aonga ni waaki nako. Kariaiakaia kairake bwa a na kairiiri e tangira te taotaonaki n nano ao te tangira. E kaangaanga ao e kainnanoa riki te tai nakon karaoakina i bon iroura. A kona ni bwaka inanon kawaia, ma ti nakonako irarikiia.

Tariu ao mwaneu, e na iai taai inanon maiura ngkana kakabwaia n te kairiiri a taraa n raroa ke ni kabwaka. Ibukin taai ni kaangaanga aikanne, e berita Unimwaane D. Todd Christofferson: “Kariaia ami berita aika tabu bwa a na riki bwa aika moan te kakawaki nakoim ao ongotaeka n ira te kaetieti. Ngkanne ko kona ni bubuti ma te onimaki, n aki tataninga, ni kaineti ma kainnanom, ao te Atua e na kaekaa. E na boutokaiko ngkana ko mwakuri ao n taratara. N oin Ana tai ao ana kawai E arora baina nakoim, n taekina, ‘Aio Ngai.’”

N te tai teuana, I ukoukora ana reirei te Tama are i Karawa rinanon te tataro ae teimatoa ao n riinga te nano inanon te maan ae raka riki nakon teuana te ririki ni kakaea katokan te kaangaanga ae moan te korakora. I ataia ni koaua bwa e kaekai tataro ni kabane te Tama are i Karawa. E ngae n anne ao I kaitarai ma te aeka ni kaangaanga anne teuana te bong are I a nakon te tembora ma teuana te titiraki: “Te Tama are i Karawa, ko bon tabe raoi ibukiu?”

I tekateka irarikin te ruu n tataninga i buki n te Logan Utah Tembora ngke, ni mimiiu, riniu n te ruu n te bong anne bon te beretitenti n te tembora Vaughn J. Featherstone, raoraou ae I rangin ni kinaa. E tei imoaia kaain te taromauri ao ni butimwaira ni kabane. Ngke e norai ibuakoia taan ibuobuoki n te tembora, e katoka ana taetae, n taraai ni matana, ao e taku, “Tari Brough, I rangin ni kukurei n noriko n te tembora n te bong aei.”

N na bon aki mwaninga te namakin n te tai anne. Ti tebo ma ae ngkana—n te butimwaai anne—te Tama are i Karawa e arora baina man taetae nakoia aomata ni kangai, “Aio Ngai.”

Te Tama are i Karawa e tabeaianga ao e kakauongo nakon ao e kaekai aia tataro ataei ni kabane. Ngkai temanna mai ibuakoia Natina, I ataa kaekaakin au tataro e roko n ana tai te Uea. Ao rinanon te atatai anne, I a mataata riki bwa ngaira natin te Atua ao E a tia ni kanakomaira ikai bwa ti aonga n namakina Rokona ngkai ao n oki ni maeka ma ngaia n te bong teuana.

I kakoaua ae te Tama are i Karawa e kairiira, e kawakinikiira, ao e nakonako irarikira. Ngkana ti ira Natina ao n ongo nakoia Ana toro, abotoro ao burabeti, ti na kunea te kawai nakon te maiu ae akea tokina. N aran Iesu Kristo, amen.