“Wala Nay Labaw ka Talagsaon ug Makapahimuot ingon sa Akong Hingpit nga Kalipay,” Alang sa Kalig-on sa mga Kabatan-onan, Hunyo 2024.
Mga Pulong nga Naggiya og Maayong Kinabuhi
Wala Nay Labaw sa ka Talagsaon ug Makapahimuot ingon sa Akong Hingpit nga Kalipay”
Gipahiangay gikan sa usa ka pakigpulong sa Abril 2023 nga kinatibuk-ang komperensiya.
Ang hingpit nga kalipay usa ka diosnong hiyas. Kini mas tulukibon, makapabayaw, makapalahutay, ug makapausab sa kinabuhi kay sa bisan unsa nga kalingawan o kahupay nga ikatanyag niining kalibotan.
Ang katubsanan, tungod ug pinaagi sa Manluluwas nga si Jesukristo, nakahimo sa hingpit nga kalipay nga posible.
Mga paghulagway pinaagi ni Katy Dockrill
Hingpit nga Kalipay Moabot pinaagi sa Sinsero nga Paghinulsol
Ang paghinulsol nagdala og hingpit nga kalipay tungod kay kini nag-andam sa atong mga kasingkasing sa pagdawat sa impluwensiya sa Espiritu Santo. Ang mapuno sa Espiritu Santo nagpasabot nga pagapun-on sa hingpit nga kalipay. Ug ang mapuno sa hingpit nga kalipay nagpasabot nga pagapun-on sa Espiritu Santo.
Hingpit nga Kalipay Moabot pinaagi sa Pagtabang sa Uban sa Paghinulsol
Human kita mibati sa hingpit nga kalipay nga naggikan sa sinsero nga paghinulsol, kita natural lamang nga gustong mopakigbahin niana nga hingpit nga kalipay ngadto sa uban. Sa atong pagbuhat, ang atong hingpit nga kalipay mapilo-pilo.
Hingpit nga Kalipay Moabot pinaagi sa Pagduol ngadto ni Kristo
Ang nagbinugtong nga gitutokan ni Jesukristo, ang Iyang “buhat ug ang [Iyang] himaya,”(Moises 1:39) mao ang pagtabang kanato sa pagdawat og usa ka kahingpitan sa hingpit nga kalipay uban Kaniya.
Ang paghinulsol sa kada adlaw ug pagduol ngadto ni Jesukristo mao ang dalan sa pagsinati og hingpit nga kalipay—hingpit nga kalipay nga molabaw pa sa atong mahunahuna. Mao kana ang hinungdan nganong ania kita dinhi sa yuta.