« មាត្រានៃសេចក្ដីជំនឿ » ទស្សនាវដ្តី ប្រិយមិត្ត ។

មាត្រានៃសេចក្ដីជំនឿ

១៣. យើងខ្ញុំជឿលើការប្រព្រឹត្តដោយទៀងត្រង់ ត្រឹមត្រូវ បរិសុទ្ធ សប្បុរស គុណធម៌ ហើយលើការធ្វើល្អដល់មនុស្សទាំងអស់ ពិតមែនហើយ យើងខ្ញុំអាចនិយាយបានថា យើងខ្ញុំដើរតាមសេចក្ដីដាស់តឿនរបស់ប៉ុល — យើងខ្ញុំជឿដល់អ្វីៗទាំងអស់ យើងខ្ញុំសង្ឃឹមដល់អ្វីៗទាំងអស់ យើងខ្ញុំបានទ្រាំទ្រអ្វីៗជាច្រើន ហើយសង្ឃឹមថានឹងអាចទ្រាំទ្រអ្វីៗទាំងអស់បានដែរ ។ ហើយបើសិនជាមានអ្វីណាមួយ ដែលប្រកបដោយគុណធម៌ គួរស្រឡាញ់ ឬឈ្មោះល្អ ឬក៏គួរឲ្យសរសើរ នោះយើងខ្ញុំស្វែងរករបស់ផងទាំងនេះហើយ ។

មាត្រានេះមានន័យថា ៖

យើងជឿថា វាជារឿងដ៏សំខាន់ដើម្បីរស់នៅដូចព្រះយេស៊ូវគ្រីស្ទបានធ្វើ ។ យើងអាចធ្វើបែបនេះបាននៅពេលយើងមានចិត្តស្មោះត្រង់ បរិសុទ្ធ និងចិត្តសប្បុរស ។ ប៉ុល សាវកមួយរូបក្នុងចំណោមសាវកដើមដំបូងបានមានប្រសាសន៍ថា យើងគួរតែជឿ និងសង្ឃឹមនៅក្នុងព្រះយេស៊ូវគ្រីស្ទ ។ យើងគួរបំពេញជីវិតរបស់យើងដោយរឿងល្អ ដែលជួយយើងឲ្យដើរតាមទ្រង់ ។