« មាត្រានៃសេចក្ដីជំនឿ » ទស្សនាវដ្តី ប្រិយមិត្ត ។

មាត្រានៃសេចក្ដីជំនឿ

១០. យើងខ្ញុំជឿចំពោះការប្រមូលដ៏ពិតប្រាកដនៃសាសន៍អ៊ីស្រាអែល និងចំពោះការសាងឡើងវិញនូវពូជទាំង១០ អំបូរ ថាក្រុងស៊ីយ៉ូន ( ក្រុងយេរូសាឡិមថ្មី ) នឹងត្រូវបានស្ថាបនានៅលើទ្វីបអាមេរិក ថាព្រះគ្រីស្ទនឹងគ្រងរាជ្យនៅលើផែនដីផ្ទាល់ ហើយថាផែនដីនឹងបានផ្លាស់ប្ដូរសារជាថ្មី ហើយនឹងទទួលសិរីល្អដ៏ប្រកបដោយភាពបរមសុខ ។

មាត្រានេះមានន័យថា ៖

ព្យាការីយ៉ាកុបមានកូនប្រុសដប់ពីរនាក់ ។ ក្រុមគ្រួសាររបស់ពួកគេ ត្រូវបានគេស្គាល់ថាជា កុលសម្ព័ន្ធទាំង ១២ នៃវង្សអ៊ីស្រាអែល ។ យូរៗទៅ កុលសម្ព័ន្ធទាំងនេះត្រូវបានខ្ចាត់ខ្ចាយនៅទូទាំងពិភពលោក ។ យើងជួយប្រមូលផ្តុំអ្នកដទៃទៀតឲ្យត្រឡប់ទៅសាសនាចក្ររបស់ព្រះយេស៊ូវគ្រីស្ទវិញតាមរយៈកិច្ចការផ្សព្វផ្សាយសាសនា និងកិច្ចការព្រះវិហារបរិសុទ្ធ ។ នៅពេលដែលកុលសម្ព័ន្ធទាំងអស់ត្រូវបានប្រមូលផ្តុំហើយព្រះអង្គសង្គ្រោះយាងមកម្តងទៀត នោះទ្រង់នឹងក្លាយជាស្តេចរបស់យើង ។ អស់អ្នកដែលស្រឡាញ់ព្រះនឹងរស់នៅជាមួយគ្នាដោយសុខសាន្ត ហើយផែនដីនឹងក្លាយទៅជាស្ថានបរមសុខ ។