Taeka ni Kainii

I ataia bwa kam karekea te kakabwaia anne: “Ana rau, kimwareirein, te Tia Kamaiu, ao te tangira ae mairoun te Atua." Ao ana riki akeanne bwa ami bwai. Ao ko na karaoi mwakuri ake a na uota anne nakoim—ni karokoi kakabwaia akanne ni kawai aika mwaiti.

I katawano ma Beretitenti Oaks n te Kanimabong, ao ti marooro iaon te bootaki aei. Ao I taku—ko ataia, I ataa te rongorongo, te berita are e na angani ngkami—ao I titirakinna bwa tera riki ae e kan taekinna nakoimi. Ao e taku bwa kam na iangoa te aeka n aonaaba are kam na katikua nakoia natimi. Te titiraki ae tamaroa. I aki ataia bwa iraman mai buakomi ae e iangoa anne n te tai aei, ma anne bon ana titiraki te burabeti. Ao I tataro bwa baike ti maroroakin n te tairiki aei e katauraoiko ni katauraoa te aonaaba ae tamaroa ibukiia natimi aika a na roko, are e taekinna bwa e na rangi ni korakora te kairoro iaona.

Ngkai i iangoa ana berita Beretitenti Oaks’s nakoimi, I uringiia burabeti ake tabeman. Ao I uringa Aramwa te Teei, are e korakora te kangaanga nakon ana onimaki. Eng, e maiuakina maiuna n ae ea rangi ni buakaka ao n aki toki ni kakaitara te Ekaretia, ni karokoa n te bong teuana e bitaki ae te bitaki ae moan te korakora te onikaki iai are e taekinaki ni koroboki aika tabu. Ao e taku, ibuakon ana taeka tabeua n te tai anne, “Te kimwareirei teraa, ao te oota ae tamaroa teraa are I a nooria; eng, tamneiu e a onrake n te kimwareirei ae rianako [nanona e a tia, e riki] n aron marakiu.” E raka tamaroana ngkana ko iangoa anne. Ao ni iangoa aron onikakina ao imwina tera ae karaoi ao e kanga ni mwakuri ao antai ae e kakabwaiia.

E taetae ibukiia naake tamneia—aio bon rimwi riki—e taetae ibukiia naake tamneia e a rababanako ao “anenea kunan te tangira ni kabomwi.” I tangira te kibu n taeka anne. “Anenea kunan te tangira ni kabomwi.” Ao e tangiriia ana aomata bwa a na ataia bwa tera ae a kabuaa ngkana aki anenea kunan te tangira ni kabomwi. Ngaia are e kataia ao ni kataia riki ao ni mwakuri ao ni mwakuri riki bwa E na buokiia ni mataata n anne. E anganiia titirake ake e na kairiia nakon te kawai are e na buokiia ni mataata iai. E titiraki, “[Ko] atia ni bungiaki n te tamnei mai iroun te Atua?” Iangoia bwa ko mena ibuakoia koraki akanne. “Kam taratara ma te kantaninga ma te mata n onimaki?” e titiraki. Moan te tamaroa iangoana ae ti mena ikekei. Ao imwiina, n ae rangi n tamaroa, e titiraki, “Ngkana kam a tia n rinanon te bitaki n nano, ao ngkana kam a tia n namakina te kan anenea kunan te tangira ni kabomwi, I kan titirakiningkami, kam kona n namakinna ngkai?” Auee. “Kam namakinna ngkai?”

I aki ataia bwa tera ae kam iangoia, ma I a tia ni iangoia bwa I mena ibuakoia te koraki anne, te kurubu, are e titirakiniia titirake akanne ao n reirei ao ni kariaria ni buokiia bwa a na mataata nakon baike e atai rinanon onikakina ae moan te tamaroa ao rairakina ae moan te tamaroa. I iangoia inanon te tai anne n taratara nako nakon te kurubu ae korakora anne, anne ae I kantaningaia. Tabeman ake e kinaiia—ao tao e boni bane ni kinaiia—ao n taku, “Kam namakinna ngkai?” A roko tamnei n au iango aika mwaiti. Iai teuana i aon temanna te kairake ae katea baina ao n taekina ae kangai, “Enga, aramwa, I korakai ibukina bwa, ko noria, ngke e bong n tain te angibuaka, e ubaranako au uma n riana.” Kanga e kamanga anne. E bon kakamaaku. Eng, e ubaranako ana uma n riana.

Ngaia are ti a oki rikaaki bwa mwaitira riki ae kona n riki. Te bootaki ae kaokoro, te bong ae kaokoro, e anga te titirake anne Aramwa, “Ko kona n namakinna ngkai?” A I a manga iango are teuana. I iangoa te kairake ni mwaane, temanna ae tao 20 tabun ana ririki, N a aranna bwa Tamuera, are e katea baina n ara marooro ae I katamneia n au iango. Ao e taku nakon Aramwa, “I rinanon te korakai. I maaku bwa ae a na aki maeu au kai n amwarake.” Ao, e a manga kaku, “Ko kinaa Rebeka.. Ko ata aron tangiran Rebeka irou. Ma I aki raoi koaua bwa tera ana namakin ibukiu.” Ao e a ongora Aramwa irouna. Ao imwina e taku, “Ao ae a rangi ni kaan taian Remwanaite.”

Ao tera ae e iangoia Aramwa, e taraia ma, n ae I ataia, ma te tangira ae korakora ao n taku nako Tamuera, “Eng, aikai bon raraoma ni koaua, Tamuera. A a rangi n rootiko. Ma Tamuera, ko ataia bwa antai ngkoe. Ko ataia bwa antai ngkoe. Ko ataia bwa antai am Tia Kamaiu. Ko ataia bwa Tamam are i Karawa ae tatangira e na kanakoa Ana Tia Kamaiu ni kamaiuko. Ao ko na katobibiaki ni bain te Tia Kamaiu. Tamuera, ko ataa aron te bwai ae riki.” Ao imwina ma te kairoro ae korakora. “Tamuera, aio bon te onimaki. Tamuera, aio bon te onimaki.” Ao eng, i buakoia kaain te bootaki anne iai tabeman ak a bon “namakina ngkai” ni koaua. Ma iai tabeman n aron Tamuera—aika tao a mwaiti, I aki ataia. “Tamuera, aio bon te onimaki. Tamuera taiaoka anenea kunan te tangira ni kabomwi.” Ao man anne, I nora Aramwa bwa e taraia bwa kanga e tangiria bwa e na taunroute aio nakon Tamuera, bwa I bon koaua bwa aio nanona ae e kani karaoia. “Tamuera, anenea kunan te tangira ni kabomwi.”

Eng, raou aika kam tangiraki, aio teuana riki te bwai ae ti bane ni kona ni kataneiai i aona. Ngkami ni kabane—angiia ibuakomi—kam atai koaua aika moan koaua are e reirei i aona Aramwa nakon Tamuera ao ake tabeman. Kam atai koaua aikai. Ao kam ataa riki ae mwaiti, ibukina bwa tiaki bubua n ririki imwain rokon te Tia Kamaiu, aio bon bubua n ririki, ngaa n ririki, i mwiin rokon te Tia Kamaiu. Ao bon iai ibuakora te burabeti ae maiu, ao iai te burabeti ae maiu ni boong aikai are e berita nakoim Ana rau te Tia kamaiu, kimwareirei, ao ao te tangira ae mai karawa, ao ko ataia bwa ko na karekea iia. Ma e tangiriko bwa ko na uota aio, n uota te mataata n te koaua, nako nanon tarakim ae otara mai moa. Tarakim ae otara n nanom ao tarakim ae otara n am iango. Katikia ni kaniia bwa e aonga ni mena i moaia naake a raraoma n aia kai n amwarake, te rao ae tangira are e tuai raoi koaua, ao Reimwanaite aika a kaoti. Ma iai ara onimaki ae e tei imoa, ae e otara mai moa. Tiaki n aekan matatan Tamuera n te tai arei, are e tiku mai buki ke e tei i buki. E na tei i moara bwa anne at ti tangiria iai. Ao ti kainanoia ni kataneiai n aane. Ti kainanoia ni kataneiaira iai ni katoa bong—n te kawai are ko a tia n reiakinna, ngkami ake kam a tia n nako ni mitinare, ke ngkami ake kam rinanon te kaiangatoa n reiakinaki n aanga riki tabeua. Ma ti kainanoa ara koaua n otara mai moa ngaia are, tera ae ti na karaoia? Eng, ti na uaia n anenea kunan te tangira ni kamaiu.

Te anene ni kainiin n te tai aei bon “Let Us All Press On”” n aron are e koreaki iroun ae rangi ni kinaaki ae Richard Elliott, are ti rangi ni kakabwaiaaki bwa e katanga te aokan n te bong aei, ni kairaki iroun Marshall McDonald ma te kuaea ae tamaroa. Ma te bwai ae ti na karaoia ti na katitaboan ara anene imwain ae a anene ni motina bwa ti na roko ni mataata ni koaua aikai, te mwananga, ngkana ko tangiria, n anenea kunan te tangira ni kamaiu, ni butimwaia n ae bwanin bwa ti tuai n roko raoi ikanne, ma ti kona ni kekeiaki i aon te kawai anne bwa ae ti kainanoia bon ara onimaki mai imoa ao n ae otara mai moa ao bwaai ni kabane ake imwina mai buki. Ngaia are te bwai ae ti na karaoia bwa ti na bane n anenea moa te moan raain ake uoua n te kuna aei. Ngkami ma kaain te kuaea. Ao ngkai kam karao aei, ti na bon ataia ae e na bure teutana ami too, bwa kam mangao, ngkana ko bon tangira anne n riki. Ni koauana, ti na kaungai ngkami bwa kam na karaurau n aron ae riki n tabetai, kanga ni katoatai, ngkana ko rin i buakoia kaain te taromauri ao e aki rangi n reke raoi i rouia.

I tuai n rinanon anne. Ma ko kona ni karaoa anne? N te moan tai, ti na karaoia kanga ai aron ae te kabanea n aki raoiroi ae ko rinanona. Ao ti na karao anne—ti nakon moan raain ake uoua. Ao ae e na kaoti taekana i eta ikai, I taku. Tabeua te teekan mangkai.

[Taan taromauri ao kaain te kuaea a nene n te aro ae karaurau “Let us all Press On”]

Kainanoa te Bwai Teuana. Aio te kuna n taromauri ae mamaten nanou, ao n ataakina, bon te anene n taromauri, te kuna n te tangira ni kamaiu. Ma, n tabetai ti bon aneneia n aron anne. I a tia ni kairoroa, ni butiia, Richard Elliot bwa e na katangnga n aron anne. E taku, “Eng, ma tera aia iango taan aokan ni katobibia te aonaaba? Tao a na raraoma bwa I—” I taku, “A na aki, ti bubutiiko bwa bwa ko na karaoia n aron aei. Tiaki taekan te tia aokan. Tiaki taekan ae e karaoaki n ae aki rangi n nakoraoi. Bon taekan arora n onikaki ngkai ti reirei n anene ma te tangira ni kamaiu. Ngkai ti kaota i moa ara onimaki ni waekoa i bon iroura bwa e aonga n taonanako takiakian bwaai ni kabane, n te oota.”

Eng, ngaia are tii anganiira teutana norakina bwa e kanga arona, ao ti na manga kataia inanon tabeua te tekan, ti na kanakoa te kuaea bwa a na anene—are e kanga ngkoa, uoua rainin te koorati? Ko rabwa, Marshall.

[A anene kaain te kuaea n rangi ni korakora n anenea “Let us all press On”]

E uara anne? E tamaroa, bon ti anne ae ti na karaoia. Ngaia are, uringnga riki. Ao n te anene aio, iai taekana, iai kibu n taeka, ao ti karina kanakoana, te korakora, ao te oota, ao te ang i nanon taeka ao kibu n taeka ake a taekinaki. Ao ko kakorakora atongakiia. E aki tabe te aba ngkana e buakaka bwanaam n anene ma, ani bon taiaoka, anene. Ao aio riki, bon bwaai aika ti tearona ibukim ni katuka te katuruturu n are e kainanoaki i nanon am kakoaua. Katuka te katuruturu n are e kainanoaki bwa e na mena iai n te kawai are e kantaningaia iai Aramwa ao n te kawai are e nanonna iai Beretitenti Oaks ngke e berita nakoim te rau, te kimwareirei, ao te tangira ae mairoun te Atua ngkana ko kaea te intitute ao ngkana ko kaea—eng n reitinako—ni botakin te toa ao bwaai ni kabane ake a tabu ao n tamaroa. Ma ti riai ni mwakuri ao ni katuka te korakora ikanne.

I taku bwa ae ti na karaoia ngkai ti na uaia n anenea te kateniua ni kibu ao te korati. Kam a tauraoi ni karaoa anne? E tamaroa, n te tai aei ko riai ni kabanea nanom nako iai.

[Kaain te taromauri ao kaain te kuaea anenea: “Let us all Press On”]

E bon rangi, ni koro, tamaroana. E rangi n tamaroa. Ma uringnga bwa te tera ae ti kanakoa nakoim ikai.But remember what we’re representing here. Ti na bon karikia raoi bwa ara onimaki a na otara n oti mai moa. Ao ko na bon karaoa raoi katuruturuan taeka ake a taekinaki. I taku bwa ti katereterei uoua, ma ko kona ni kabuburai nako bwaai ake a riinga nanom. E raoiroi? Aei arora n anene ao arora ni bubuti nakoimi bwa kam na anene ngkana e aki rangi ni korakora te anene, e ngae ngkana ti ngkoe. Ma uringnga, aio ae e tei ibukin rikiraken am onimaki. Ao ni katuka ami onimaki ni katuruturua n otara i moa n aki tabe ma baika a katabeaiangako, raraomam, ao maaku, ma te kantaninga are kam na riaoi ni kabane.

E raoiroi, ti a uaia ni kataia teuana riki te tai.

[Kaain te taromauri ao kaain te kuaea anenea: “Let us all Press On”]

Tera ae ko namakinna? E raoiroi. E anaa te mwakuri, e anaa te iango, e anaa rineakin katukan bwaai ake ti kainanoi ni katuruturui nakon norakira ae ootara i moa ni maiun tamneira bwa ti aonga n riaon maaku, raraoma akanne, aika a mwaiti aika a bon ririki. Ma I bubuti ngkami bwa kam na kataneiai n aio. Te botaki n toa bon te kakao teuana ike ko kona ni kataneiai ni karikia bwa e na tamaroa. Te anene n taai nako bon teuana naba. Ma aio te tabo ao aron ae ti na katuka te katuruturu iai, ao aio aron uotakin ara onimaki n ae otara i moa ao te kawai are Aramwa ao Beretitenti Dallin H. Oaks a kaoira nako iai.

Raoraou aika kam tangiraki, kam rabwa ibukin raoiroimi. Kam na kakabwaiaaki ngkai kam ukoria ni katuka katuruturuan maiumi n te tabo are e riai ni mena iai. Kam rabwa ibukin tamaroami. I kakaitau ibukin te tai aei ma ngkami. Ao I rangi ni kakaitau bwa I kunea au onimaki ngke ai 20 tabun au ririki ao ni kona ni mena ikai ma ngkami n te bong aei n te bootaki ae ti ikotaki iai ike ti marooro iaon te onimaki, te oota, ao te kimwareirei, ao riki i aon, Ana berita te Tia Kamaiu ae te rau, te kimwareirei, ao te tangira ae mairoun te Atua. Bwaai aikai ni kabane I kakoauai ma te tangira ao te kakaitau n aran Iesu Kristo, amen.