Pag-atiman Niadtong Nanginahanglan: 2024 nga Summary

Ang imong kontribusyon nakatabang kanamo aron sa pag-atiman niadtong nanginahanglan sa tibuok kalibotan.

Atol mortal nga pagpangalagad ni Jesukristo, Iyang gihatag kanato ang una ug ikaduhang dagkong mga kasugoan—sa paghigugma sa Dios ug sa atong silingan (Mateo 22:36–40). Dayon Siya “[n]agpangadto-adto sa paghimog kaayohan” (Mga Buhat 10:38), nagpakita kanato unsa gayod ang gipasabot sa pag-atiman niadtong nanginahanglan. Ang mga miyembro sa Ang Simbahan ni Jesukristo sa mga Santos sa Ulahing mga Adlaw naningkamot sa pagsunod sa ehemplo sa Manluluwas sa paghigugma ug sa pagserbisyo. Ang pormal nga programa sa welfare sa Simbahan, gipahibalo niadtong 1936, gihimo aron sa pagtabang sa mga miyembro nga nanginahanglan ug sa paglig-on sa ilang abilidad nga mahimong makabarog pinaagi sa kinaugalingong paningkamot. Niadtong 1984, ang Simbahan milusad sa makitawhanong pagtabang niini aron sa paghatag og kahupayan ngadto sa minilyon ka mga tawo sa tibuok kalibotan.

Karon, ang Simbahan nagpadayon sa makugihong mga paningkamot niini aron sa pag-atiman sa mga miyembro ug sa uban nga nagkinahanglan pinaagi sa welfare ug sa mga inisyatibo sa pagbarog pinaagi sa kinaugalingong paningkamot, tibuok kalibotan nga makitawhanong mga paningkamot, ug mga bulontaryo nga serbisyo.

Makitawhanong mga Paningkamot

Pinaagi sa pagpundo ug mga kagamitan, ang Simbahan nagsuporta og liboan sa makitawhanong mga proyekto. Kini nga mga proyekto nakahatag og kaayohan sa minilyon ka anak sa Dios sa tibuok kalibotan, nga walay paghunahuna sa kaliwat, nasyonalidad, o giapilan nga relihiyon.

Boluntaryo nga Serbisyo

Ang mapuangoron nga pagserbisyo sa mga miyembro sa Simbahan ug mga higala usa ka importante kaayong bahin sa welfare, pagbarog pinaagi sa kinaugalingong paningkamot, ug makitawhanong mga paningkamot. Ang boluntaryo nga pagserbisyo nakatabang usab niadtong anaa sa atong kaugalingong mga komunidad nga tingali nanginahanglan.

Mga Paningkamot sa Welfare ug Pagbarog pinaagi sa Kinaugalingong Paningkamot

Ang unang makabenepisyo sa welfare ug pagbarog pinaagi sa kinaugalingong paningkamot mao ang mga miyembro sa Simbahan ug maglakip sa suporta sa halad sa puasa, mga pag-order og pagkaon, mga programa sa edukasyon, mga serbisyo alang sa pagpanarbaho, suporta sa emosyonal nga kahimsog, ug daghan pa.

Ta-awa kon sa unsang paagi ang mga sakop sa Simbahan, mga misyonaryo, ug JustServe nga mga boluntaryo miserbisyo niadtong 2024.

Mapainubsanon kaming mopakigbahin niini nga summary sa atong mga paningkamot sa pagpadayon sa sagrado nga buhat sa pag-atiman niadtong nanginahanglan. Isip mga sumusunod ni Jesukristo, gikonsiderar nato kini nga katungdanan ug makapalipay nga pribilihiyo.

Mapasalamaton kaming mopasidungog sa dili hinakog nga serbisyo ug kontribusyon sa panahon ug kwarta gikan sa mga miyembro sa Simbahan, mga higala, ug ubang kasaligan nga mga organisasyon nga naghimo niini nga buhat nga mouswag ug molambo.

Basaha ang Tibuok nga mensahe

PDF nga Bersiyon ug Ubang mga Download

Ang summary sa Pag-atiman Niadtong Nanginahanglan anaa usab sa PDF nga format sa daghang mga pinulongan. Iklik ang mga link sa ubos aron sa pag-download sa summary niini nga tuig, nangaging mga summary, o usa ka pahina nga summary sa makitawhanong mga paningkamot sa 2024.

• 2024 nga PDF sa Summary sa Pag-atiman alang Niadtong Nanginahanglan
• 2023 nga PDF sa Summary sa Pag-atiman alang Niadtong Nanginahanglan
• 2022 nga PDF sa Summary sa Pag-atiman alang Niadtong Nanginahanglan
• 2021 nga PDF sa Summary sa Pag-atiman alang Niadtong Nanginahanglan
• PDF sa Ubang mga Pinulongan
• One Page Executive Summary (English Only)

Makakat-on usab kamo og daghan pa mahitungod sa mga paningkamot sa mga miyembro sa atong Simbahan sa pag-atiman niadtong nanginahanglan pinaagi sa pagsunod sa atong social media nga mga account @Caring.ChurchofJesusChrist.