Mahimo Kitang Motubag sa Panawagan sa Dios sa Pag-atiman Niadtong Nanginahanglan
“Ug tan-awa, gisultihan ko kamo niining mga butanga nga kamo unta makakat-on og kaalam; nga kon kamo anaa sa pag-alagad sa inyong isig ka tawo kamo anaa lamang sa pag-alagad sa inyong Dios” (Mosiah 2:17).
Ang Pagpang-atiman Niadtong Nanginahanglan: Ania na ang Report sa tuig 2025!
Ang imong sama kang Kristo nga pagserbisyo mipanalangin sa kinabuhi niadtong nanginahanglan sa tibuok kalibotan. Tan-awa ang tibuok kalibotan nga epekto nga imong nahimo kauban sa Simbahan ug sa minilyon pang uban.
Atong mga Pakigsaad sa Pagpang-atiman sa Uban
Isip mga disipulo ni Jesukristo, naningkamot kita sa pagsunod sa Iyang ehemplo pinaagi sa pagpang-atiman sa mga tawo nga nagkinahanglan. Ang mga miyembro sa Ang Simbahan ni Jesukristo sa mga Santos sa Ulahing mga Adlaw nagsaad, o nakigsaad, nga moserbisyo sa ilang mga silingan nga nanginahanglan.
Sa Unsang Paagi Ako Makaserbisyo sa mga Tawo nga Nanginahanglan?
Isip mga disipulo ni Jesukristo, kita makatahod sa atong mga pakigsaad pinaagi sa pagsunod sa Iyang ehemplo sa pagserbisyo sa uban inubanan sa gugma ug katuyoan. Ania ang upat ka yanong mga lakang nga dinasig sa Iyang pangalagad:
Sa Unsang Paagi Kita Nagtambayayong sa Pagserbisyo isip usa ka Simbahan?
I-klik diha sa matag paningkamot sa ubos sa pagdiskobre kon sa unsang paagi ang Simbahan nagsuporta sa matag prayoridad ug unsaon nga ikaw usab makaapil.
Mga Kanunayng Ipangutana
Unsang mga kapanguhaan ang gitanyag sa Simbahan sa pagpang-atiman niadtong nanginahanglan?
Ang Simbahan nagtanyag og daghang serbisyo sa welfare ug kinaugalingong paningkamot ug mga produkto sa pagbayaw ug pag-atiman sa mga tawo nga nanginahanglan, lakip sa:
- Mga Serbisyo sa Pagpanarbaho: Alang sa mga nangita og trabaho
- Mga kurso sa pagbarog pinaagi sa kinaugalingong paningkamot: Alang niadtong gusto nga magkat-on og mga kahanas sa pagbarog pinaagi sa kinaugalingong paningkamot
- Ang Programa nga Pagpaayo gikan sa Pagkaadik: Alang niadtong mga nagkinahanglan og tabang aron maulian gikan sa pagkaadik
- Makanunayon nga Pundo sa Edukasyon [Perpetual Education Fund]: Alang niadtong nagkinahanglan og tabang aron makaangkon og mas taas nga edukasyon
Alang sa dugang pa, tan-awa ang kompleto nga lista sa mga Kapanguhaan sa Welfare ug Pagbarog pinaagi Kinaugalingong Paningkamot. Makigsulti sa imong lokal nga mga lider sa Simbahan kon gusto kang makonekta ngadto niini nga mga kapanguhaan ug sa daghan pa.
Sa unsang paagi ako makatabang sa uban sa ilang mga hagit sa kinabuhi?
Ang pagkahibalo unsay isulti ug unsaon sa pagtabang sa uban sa lisod nga mga sitwasyon posibling usa ka hagit, apan makahimo usab kini og dako, positibo nga kalainan. Suhira ang Tabang sa Kinabuhi sa pagkat-on kon sa unsang paagi ikaw makatabang sa uban sa paglatas sa mga hagit, lakip sa pagkaadik, abuso, kasubo, ug sa mga panlimbasog sa mental nga kahimsog.
Unsa ang anaa nga mga opsiyon sa pangserbisyo nga misyon?
Interesado ka bang moserbisyo og usa ka pangserbisyo nga misyon? Ang pangserbisyo nga mga misyon talagsaon kaayong oportunidad alang sa mga tawo, batan-on o tigulang, kinsa gustong moserbisyo og dili pangsangyaw nga mga misyon. Adunay nagkadaiyang mga misyon nga kapilian nga mohaom sa imong mga panginahanglan, ganahan ka man nga moboluntaryo gikan sa panimalay, sa usa ka lokasyon nga gipanag-iya sa Simbahan, o diha sa inyong komunidad.
Sama pananglit, mahimo kang moserbisyo diha sa mga Employment Services Centers, sa Bishop’s Storehouses [mga Balay Tipiganan sa Bishop], o sa mga buhatan og linata ug mga pasilidad sa produksiyon. Mahimo sab nga moserbisyo ka sa pagdumala og mga grupo sa Pagpaayo gikan sa Pagkaadik, pagtudlo og mga kurso sa Pagbarog pinaagi sa Kinaugalingong Paningkamot, o pagpalambo og lokal nga makitawhanong mga proyekto. Susiha ang mga oportunidad sa pangserbisyo nga misyonaryo sama niini ug daghan pa dinhi.
Sa unsang paagi ang akong mga donasyon makatabang sa uban?
Kon ikaw modonar ngadto sa Simbahan sa makitawhanong mga paningkamot, ang imong kwarta gamiton sa pag-atiman sa mga miyembro sa Simbahan ug sa temporal nga panginahanglan sa uban sa tibuok kalibotan, lakip ang paghatag og dihadiha nga kahupayan ug pagtakda og mga tawo alang sa mas molungtad nga pagbarog pinaagi sa kinaugalingong paningkamot.
Alang sa mas tataw nga pagsubay [breakdown], tan-awa kon giunsa sa Simbahan sa pagdumala ang mga donasyon.
Unsaon nako sa paghatag og donasyon ngadto sa makitawhanong mga paningkamot?
Kon ganahan kang modonar sa Simbahan aron sa pagpalambo sa buhat sa Ginoo sa pag-atiman niadtong nanginahanglan, bisitaha ang philanthropies.ChurchofJesusChrist.org. Hinumdomi lang nga wala ka magkinahanglan og kwarta aron makahimo og kalainan. Ang imong panahon ug mga paningkamot sa pagserbisyo sa inyong komunidad makapalig-on sa uban ug modala kanila ngadto sa dalan sa pagbarog pinaagi sa kinaugalingong paningkamot. Pangita og mga oportunidad nga makaserbisyo sa inyong komunidad diha sa JustServe.org
Sa unsang paagi ang Simbahan nakigtambayayong sa ubang mga organisasyon?
Ang Simbahan ni Jesukristo sa mga Santos sa Ulahing mga Adlaw nagsangkap og makitawhanong tabang sa tibuok kalibotan, nagtabang sa mga tawo gikan sa tanang tinuohan, kaliwatan, ug mga kagikan aron ipakita ang gugma sa Manluluwas ngadto sa tanang katawhan. Sa paghimo niini, nakigtambayayong kini sa ubang organisasyon, sama sa:
- Tibuok Kalibotan nga mga Organisasyon sa Kahupayan
- Mga Gobyerno
- Lokal nga mga komunidad
- Mga Boluntaryo
Ang pakigtambayayong sa uban magtugot sa Simbahan sa paghimo og mas dako nga epekto sa diha-diha nga panginahanglan ug sa molungtad og dugay nga pagbarog pinaagi sa kinaugalingong paningkamot sa tibuok kalibotan. Alang sa dugang nga impormasyon, basaha ang mahitungod sa pakigtambayayong sa Simbahan ngadto sa ubang mga organisasyon.