O Alasopo o le Faamoemoe

O le Alasopo o le Faamoemoe o le auala lava lea e tasi na faaaogaina e le Au Paia o Aso e Gata Ai ina ua latou tuua Navu ma amata la latou malaga i sisifo. O le alasopo na faailoa ai le faatuatua o tagata masani na faamaoni ma mulimuli i le Korama a Aposetolo e Toasefululua i se olaga fou i le vanu o Sate Leki Tele (ua taua nei o Iuta i le Iunaite Setete).

O le aso 4 Fepuari 1846, na tuua ai e le taavaletoso muamua ia Navu, ma malaga atu i le auvai o le vaitafe o le Misisipi e ui atu i le magaala o Parley, lea e feoai ai vaa laupasese e tatau ona avea i latou i le isi itu o le vaitafe i le Teritori o Iowa. Na faaauau pea le tuua e le Au Paia o Navu i lenei lava ala e tasi e oo atu ia Setema o le tausaga lava lea.

E silia ma le 14,000 Au Paia o Aso e Gata Ai na tuua Navu i lena valu masina. Sa latou o atu i se mea latou te le iloa ae na latou talitonu i taitaiga a o latou taitai. E toatele na faamaumauina o latou aafiaga i le tuua o Navu ia latou api talaaga, ao isi na manatunatu i lo latou o ese mai i tausaga na mulimuli mai. I se lauga na tuuina atu i le Aai o Sate Leki, Iuta, i le aso 21 Iulai, 1867, e le Aposetolo o Siaosi Q. Cannon na ia saunoa ai, “E manaomia se aofai tele atu o le faatuatua i se vaega o tagata, e o atu i se atunuu e lei suesueina ma toafa e toe taumafai e fausia fale, ma faia galuega ua tuuina mai ia i tatou e le Atua, lo tatou Tama Faalelagi.

Faitau e uiga i le amataga o le malaga ese atu mai Navu Au Paia, Voluma 1 Mataupu 46.

O Mea e Faamoemoe i ai

O le Ala o le Faamoemoe o se aafiaga o Alasopo o Paionia o se faasinoala mo oe lava. E mafai ona e savalia le ala ma faitau ia faailoga ua faamatalaina. Afai e te mulimuli i le Alasopo o le Faamoemoe, o le a e gata mai le Vaitafe o le Misisipi, e faapea foi ma le Maafaamanatu o Paionia ma le Malaga Ofoofogia.

I le aluga o masina o le taumafanafana, sa fesoasoani tagata fai tifaga e aumai leo o paionia mai le tuanai i se olaga fou i se faaaliga i le afiafi atoa ai ma le Alasopo o le Faamoemoe.