Panimalay sa mga Taylor, Imprintahanan ug Post Office

Tulo ka dagko, duha ka andana nga bilding nga tisa buyon sa Main Street nga gipuy-an sa pamilya ni John ug Leonora Taylor, ang imprintahanan, ug ang Post Office sa Nauvoo niadtong 1845. Kining tulo ka bilding nagpakita kon sa unsang paagi ang Nauvoo nagsilbing sentro sa komunikasyon sa pagpakigbahin sa gipahiuli nga ebanghelyo ni Jesukristo ngadto sa mga miyembro sa Simbahan ug sa ilang mga higala ug pamilya sa tibuok kalibotan.

Si John ug Leonora Taylor ug ang ilang pamilya nagpuyo sa duha ka andana nga balay nga tisa nga wala pay usa ka tuig. Si James Ivins mitukod niini nga panimalay ug sa tapad nga tindahan sa uga nga mga palaliton, sama sa palaliton nga dili mapan-os ug mga sinina. Niadtong Mayo 1845, ang pamilya Ivins namalhin gikan sa Nauvoo ug gibutangan og pahibalo nga ibaligya ang duha ka bilding. Gipalit kini sa Simbahan ug gibalhin ang Times and Seasons nga mantalaan ngadto niana nga luna. Kay si John Taylor man ang editor sa mantalaan, ang iyang pamilya namalhin ngadto imprintahanan tupad nga panimalay. Si Elias Smith, ang porman sa imprintahanan ug postmaster sa Nauvoo, mibalhin usab sa dako nga balay. Gibalhin ni Elias ang post office ngadto sa imprintahanan samtang nagtrabaho si John sa tibuok ting-init sa ikatulo nga bilding nga tisa sa pikas kilid sa iyang panimalay nga magsilbing opisina sa tig-edit sa mantalaan ug post office.

Ang panimalay, imprintahanan, ug ang post office nahimong dapit sa kalihokan atol sa tinglarag sa tuig 1845. Ang mga mantalaan naglakip og mga tudling sa kasulatan ug mapanagnaong tambag uban sa mga giimprintang mga sulat nga ipadala sa mga misyonaryo nga nagserbisyo sa Estados Unidos, Canada, Uropa, ug gani sa French Polynesia. Ang mga mantalaan ipadala ngadto sa mga tigbasa sa lungsod ug sa tibuok nasod ug sa lagyong mga nasod. Ang mga sulat nga nagdapit sa mga miyembro sa pagpakigbahin sa mga ngalan sa patay nang mga kaliwat nga nagpuyo sa Nauvoo moagi sab sa Post Office. Ang mga miyembro sa Simbahan pwedeng mopahigayon og sagradong mga ordinansa alang sa ilang patay nang sakop sa pamilya didto sa Templo sa Nauvoo. Ang imprintahan ug ang post office parehong maoy paagi sa pagpadayon sa buhat sa pagtukod og Zion.

Unsay Malaoman

Ang Panimalay sa mga Taylor, Imprintahanan, ug ang Post Office tulo ka managlahing kasinatian. Ang paglibot sa imprintahanan mao ang paglibot sa usa ka kwarto ug maglakip og usa ka pasundayag sa pag-imprinta sa mantalaan. Ang paglibot sa panimalay mao ang paglibot sa duha ka kwarto nga mao ang sala ug kwarto nga kan-anan. Ang mga kwarto sa taas mahimo ra nga tan-awon kon ihangyo. Ang paglibot sa post office mao ang paglibot sa usa ka kwarto nga pwede lamang kon ihangyo. Human sa Imprintahanan sa mga Taylor ug Post Office, libre ka nang mosuroy bisan asa sa Nauvoo. Tingali mainteresado ka sa Calvin ug Sally Pendleton nga Panimalay ug Balay Tunghaan, lahi nga kasinatian sa negosyo sa Main Street.

360° nga Pag-aninaw sa Tibuok Palibot