Panimalay sa Umahan sa mga Smith

Niini nga panimalay, si Joseph Smith Jr. mitudlo sa iyang pamilya mahitungod sa iyang nakat-onan gikan ni anghel Moroni atol sa iyang matag tuig nga pagbisita didto sa Bungtod sa Cumorah samtang nangandam siya sa pagdawat sa bulawang mga palid.

Ang Pamilya Smith nagsugod sa pagtukod sa balay niadtong 1823 uban ni Alvin, kinsa bag-ong panday, nagsugod sa pagtukod og mas dakong balay alang sa iyang mga ginikanan. Human sa kamatayon ni Alvin niadtong Nobiyembre 1823, ang tibuok Pamilya Smith mitapos sa pagtukod sa balay. Niadtong 1825, si Joseph Smith Sr., ug Lucy Mack Smith mibalhin sa ilang pamilya ngadto sa panimalay.

Human sa ilang kaminyoon niadtong Enero 1827, si Joseph usab midala sa iyang bag-ong asawa, si Emma, niini nga panimalay diin didto sila mipuyo hapit sa tibuok tuig sa 1827. Dihang nadawat ni Joseph ang bulawang mga palid pagka Septiyembre 1827, gitago niya kini sa lainlaing mga lugar sa sulod ug sa palibot sa balay aron sa pagprotekta niini gikan sa tigpangita og bahandi nga nangita sa mga palid. Dinhi usab si Joseph Smith nasayod nga nawala ni Martin Harris ang manuskrito sa unang bahin sa Basahon ni Mormon (tan-awa sa Doktrina ug mga Pakigsaad 3).

Ang gibalik nga Kahoy nga Panimalay sa Pamilya Smith nagtindog gihapon sa orihinal niini nga pundasyon.

Magbasa pa og dugang mahitungod sa unsay nahitabo nianang kahoy nga panimalay sa Mga Santos Volume 1, Kapitulo 4.

Unsay Malaoman

Ang Panimalay sa Umahan sa Pamilya Smith usa ka bahin sa giniyahan nga paglibot nga ipahigayon sa mga misyonaryo sa mga panimalay sa Umahan sa Pamilya Smith. Sila mogiya kaninyo sa matag indibidwal nga mga lawak sa unang andana ug mosugilon sa mga istorya sa Pamilya Smith. Ang paglibot magsugod sa Welcome Center sa Sagradong Kakahoyan.

360° nga Pag-aninaw sa Tibuok Palibot