Sagradong Kakahoyan

Sa tingpamulak sa 1820, Ang Dios Amahan, ug ang Iyang Anak, si Jesukristo, nagpakita ngadto ni Joseph Smith Jr. sa kakahoyan duol sa iyang panimalay. Si Joseph 14 anyos sa dihang nakahukom siya nga kinahanglang mangutana siya sa Dios pinaagi sa pag-ampo human mabasa ang Santiago 1:5 “Kon aduna man kaninyoy nakulangan ug kaalam, papangayoa siya sa Dios nga nagapanghatag ngadto sa tanang mga tawo sa madagayaon gayud ug sa walay pagpamoyboy.” Si Joseph Smith nagdako sa usa ka lugar nga puno sa kahinam sa kainit sa relihiyon. Gikabalak-an ni Joseph ang mahitungod sa iyang kaugalingong kaluwasan ug gustong masayod asa nga simbahan ang magdala kaniya ngadto sa Dios. Sa sayong bahin sa tingpamulak, si Joseph miadto sa sagradong dapit sa kakahoyan duol sa iyang panimalay ug miluhod sa pag-ampo. Sa iyang katingala, gibisita siya sa Dios nga Amahan ug ni Jesukristo. Ang instruksiyon nga ilang gihatag kaniya isip tubag sa iyang pag-ampo midasig sa sinugdanan sa pagpahiuli sa simbahan ni Kristo dinhi sa yuta.

Ang mga 8 ka ektarya, nga karaang kalasangan sa kasadpang mga utlanan sa Makasaysayanong Dapit sa Sagradong Kakahoyan gitawag nga Sagradong Kakahoyan sukad pa sa sayong bahin sa 1905. Sa dihang ang pamilya Smith mibalhin ngadto sa 40 ka ektarya nga luna niadtong 1818, ang yuta kalasangan. Sa tingpamulak sa 1820, ang pamilya nakalimpyo na og mga 12 ka ektarya alang sa pagpanguma apan nagbilin og dagkong bahin sa produktibong kakahoyan sa silangan ug kasadpan nga dapit sa umahan. Karon, kining maayong pagkapreserbar nga lasang naglangkob sa sunod-sunod nga mga agianan aron mahatagan ang mga bisita og usa ka matinahoron nga lugar alang sa hilom nga pagpamalandong.

Magbasa pa og dugang mahitungod sa kasinatian ni Joseph didto sa Sagradong Kakahoyan sa Mga Santos, Volume 1, Kapitulo 2.

Unsay Malaoman

Ang imong pagbisita sa Sagradong Kakahoyan usa ka giniyahan sa kaugalingon, ug ikaw dapiton sa pagsuhid niini uban sa mga misyonaryo human ang paglibot sa mga panimalay sa Umahan sa Pamilya Smith. Mahimo kang mogahin kutob sa imong gusto sa Sagradong Kakahoyan, ug adunay mga lingkoranan bisan asa kon gusto kang molingkod alang sa hilom nga pagpamalandong. Ang mga agianan paingon sa Kakahoyan magdepende sa kondisyon sa panahon apan ang mga wheelchair sa gawas sa dalan anaa sa Welcome Center.

360° nga Pag-aninaw sa Tibuok Palibot