Faatoaga a Matini ma Lusi Harisi

O le Faatoaga a Matini Harisi o se faatoaga e 320-eka e latalata i Palamaira, Niu Ioka. Sa fesoasoaniMatini Harisi ia Iosefa Samita o se tusiupu a o ia faaliliuina le Tusi a Mamona ma tuuina atu le lagolago tautupe e manaomia e lolomi ai le faaliliuga ua mae’a o le tusi. O Matini Harisi foi o se tasi o molimau e toatolu na vaai i papatusi auro ma le agelu o Moronae.

I le 1829, na mokesi ai e Harisi lana faatoaga ia Egbert B. Grandin ina ia mautinoa ai le totogiina o le tupe e lolomi ai kopi e 5,000 o le Tusi a Mamona. Sa ia faatauina atu mulimuli ane le 151 eka o le faatoaga ina ia lava ai se tupe e totogi ai le aitalafu.

I le 1937, e 88 eka o le uluai faatoaga a Matini Harisi e aofia ai le fale maa i le mea sa tu ai le uluai falefaatoaga, na faatauina e Willard Bean e fai ma sui o Le Ekalesia a Iesu Keriso o le Au Paia o Aso e Gata Ai.

Faitau e uiga ia Matini Harisi o loo faatupeina le lolomiina o le Tusi a Mamona i le Au Paia Voluma 1, Mataupu 8.

O Mea e Faamoemoe i ai

O le Faatoaga a Matini Harisi o se aafiaga e taialaina e le tagata lava ia i nofoaga e tafafao ai e mafai ona faaaoga e malo faaaloalogia.