Fale o Iosia Stowell

O Iosia Stowell sa o se pule muamua ma na iu ina lagolagoina Iosefa Samita. E amata mai i le 1825, sa faigaluega ai Iosefa Samita le Itiiti i nisi taimi o se faifaatoaga iinei i le fale o Iosia ma Miriam Stowell. Ia Ianuari 1827, i le afiafi ina ua uma ona faaipoipo Iosefa ma Ema Samita i Bainbridge i Saute, Niu Ioka, atonu sa la nonofo ai iinei ma le aiga o Iosia ma Miriam Stowell. Sa fesoasoani foi Iosia ia Iosefa ma Ema e siitia atu i Manaseta, Niu Ioka, e nonofo faatasi ma matua o Iosefa i lo latou fale iina.

Sa soifua mai i le 1770, o Iosia Stowell o se faifaatoaga ma sa anaina se fale laupapa i le Itumalo o Chenango, Niu Ioka. Sa ia faafaigaluegaina mo se taimi puupuu ia Iosefa Samita e fesoasoani ia te ia i le sailia o oa Sipaniolo, lea sa feaveai ai tala sa i ai i le eria o Haramoni, Penisilevania. E ui ina sa puupuu le taimi na faaalu e Iosefa o se tagata faigaluega ia Iosia, ae o le taimi lea na nofo totogi ai Iosefa i le aiga o Hale ma feiloai ai ma Ema Hale. O Iosia Stowell o se tasi o uluai tagata na lagolagoina ma talitonu i faaaliga a Iosefa Samita ma sa masani ona fesoasoani ia Iosefa ma Ema ina ua uma ona la faaipoipo ia Ianuari 1827.

Faitau atili e uiga ia Iosia Stowell i le Au Paia Voluma 1, Mataupu e 4.

O Mea e Faamoemoe i Ai

O le a tuuina atu e Docents ia te oe se maimoaga taamilo i le fale.