Panimalay ni Josiah Stowell

Si Josiah Stowell mao ang unang agalon ug sa kataposan tigpaluyo ni Joseph Smith. Sugod niadtong 1825, si Joseph Smith Jr. usahay nagtrabaho isip mag-uuma dinhi sa panimalay ni Josiah ug Miriam Stowell. Niadtong Enero 1827, sa gabii human sa kaminyoon nila ni Joseph ug Emma Smith sa Habagatang Bainbridge, New York, nagpuyo sila dinhi uban ang pamilya ni Josiah ug Miriam Stowell. Mitabang usab si Josiah ni Joseph ug Emma nga mobalhin ngadto sa Manchester, New York, aron mopuyo uban sa mga ginikanan ni Joseph sa ilang panimalay didto.

Natawo niadtong 1770, si Josiah Stowell usa ka mag-uuma ug tag-iya sa galingan sa Chenango County, New York. Iyang gipatrabaho kadiyot si Joseph Smith aron motabang niya sa pagpangita sa bahandi sa Espanyol, nga gikataho nga anaa sa Harmony, Pennsylvania nga dapit. Samtang ang panahon nga gigahin ni Joseph isip usa ka empleyado ni Josiah mubo lang, mao kini ang panahon nga si Joseph nagpuyo sa pamilya Hale ug nahimamat si Emma Hale. Si Josiah Stowell kauban sa nag-unang mga tigsuporta ug mga tumutuo sa mga pagpadayag ni Joseph Smith ug kanunay nga mitabang ni Joseph ug Emma human sila naminyo niadtong Enero 1827.

Basaha og dugang ang mahitungod ni Josiah Stowell diha sa Mga Santos Volume 1, Kapitulo 4.

Unsa ang Mapaabot

Ang boluntaryo nga mga tiggiya [docents] mohatag og giniyahan nga paglibot sa panimalay.