Falegaosimea a Hawn

Na amata i le 1838, ona o ese tagata o Le Ekalesia a Iesu Keriso o le Au Paia o Aso e Gata Ai mai o latou fale le tumau e lata i le Itumalo o Clay ma o atu i le Itumalo o Caldwell faatoa faatuina. Sa maua ni galuega e nisi ma se lauelele avanoa e lata i le fanua o Iakopo Hawn, o le na alu ane i lea eria i ni nai tausaga na muamua atu, ma faatuina ai se falegaosimea i se pioga i le Vaitafe o Shoal. E ui e le o ia o se tagata o le ekalesia, ae sa tumau la latou faauoga ma ana tuaoi o le Au Paia o Aso e Gata Ai ma tagata faigaluega o le falegaosimea. E oo atu i le 1838, ua avea le Falegaosimea a Hawn ma totonugalemu o se nuu itiiti ua uluola.

I le aso 30 o Oketopa, 1838, sa osofaia ai e se vaega faaaupegaina mai se itumalo tuaoi ia le Au Paia o Aso e Gata Ai i le Falegaosimea a Hawn, ma fasiotia ai alii e 14 ma tama talavou e 3 ma faamanualia ai isi tagata e 14. Na faanatinati ona tanuina e na maliliu pe na tuu i se tuugamau tele i lalo ifo o se vaieli matutu, a o faamalosia ona tuliesea le Au Paia o Aso e Gata Ai mai le eria, ma iu ai i le setete o Misuri, i lena taumalulu. Na tuua foi e Iakopo Hawn ia Misuri, ma iu ai i Oregon.

Faitau atili e uiga i le Falegaosimea a Hawn i le Au Paia Voluma 1, Mataupu 30.

O Mea e Faamoemoe i ai

Ua le o toe i ai le fale o Iakopo Hawn ma le falegaosimea i le laufanua. E le o i ai ni alasopo po o ni alasavali mai le pakaga, ae o laau tetele ma laufanua e lata i le pioga i le vaitafe o loo avea pea o se nofoaga toafimalie e manatunatu ai ma manatua ai i latou na maumau o latou ola ma o loo teuina ai iinei. I vaitau o timuga mamafa, o lologa e mafai ona afua ai ona le laasia nei auala.