Kanali ʻEalií

Naʻe fakahoko ʻe he Kanali ʻEalií ha fatongia mahuʻinga ʻi hono liliu e kahaʻu fakaʻekonōmika ʻo Niu ʻIoké. Naʻe taʻu ʻe valu hono fakakakato mo fakafehokotaki ʻo e kanali maile ʻe 363 ʻa Pafalō ʻi he matatahi fakahahake ʻo e anovai ʻEalií ki ʻAlapani mo e vaitafe Hatisoní. Ko hono aofangatukú, naʻe ʻomi ʻe he hala foʻou ko ʻení ha founga faingofua ange ki hono fetuku mai ʻo e ngaahi koloá mo e kakaí mei he taulanga ʻi Niu ʻIoke Sití mo e ngaahi nofoʻanga ʻi he kauʻāfonua tupulaki ʻo Niu ʻIoke, Penisilivēnia, mo ʻOhaioó.

Naʻe tokoni ʻa e Kānali ʻEalií ke tanumaki ʻa e kolo ne ʻosi tupulaki ʻi Palemaila, Niu ʻIoké, ki ha kolo faʻa ngāue mo fengāueʻaki lelei. Naʻe kau ʻi he tupulaki fakangāue ʻi he tūkui kolo ʻo Palemailá ha pisinisi naunau fale, fale ngaohiʻanga kiliʻi manu ʻe ua, ko ha tāʻanga piliki, fahiʻanga papa, ngaohiʻanga efuefuʻi papa, mo ha siviʻanga vai lelei. Hili hono fakaava ʻo e kanalí ʻi he 1825, naʻe iku ʻa e fehokotaki ʻi he vahaʻa ʻo Palemaila mo e toenga ʻo e vahefonuá ki hono fokotuʻu ʻo ha kautaha paaki tupulaki ʻi he vahefonuá ʻo hoko ai ʻa e fale paaki Kalanitini foʻoú ko e feituʻu lelei taha ki hono paaki mo tufaki ʻo e Tohi ʻa Molomoná.

ʻI he ʻaho ní, ʻoku ʻi he kanalí ha hala luelue mo ha hala heka pasikala, ʻa ia ʻoku fou atu ʻi he Paʻake Polo-Meki ʻEkuatakí, ʻa ia ʻoku siʻi hifo ʻi ha maile ʻe taha mei he Fale Paaki Kalanitiní. ʻOku toe ʻi ai foki mo ha tauʻanga meʻalele maʻá e kakaí, pea ko ha sioʻanga lelei ʻa e foʻi halá ki he tafaʻaki ki mui ʻo e ngaahi fale fakahisitōlia ʻo Palemailá.