Tuugamau o Tavita Uitimera

O le tuugamau o Tavita Uitimera o loo i le Fanuamaliu i Richmond. O loo lagomau i autafa o lona faletua, o Julie Ann Jolly Uitimera, ma lona atalii, o David J. Uitimera O upu tusia i luga o le tuugamau o loo molimau ai i le Tusi a Mamona ma ona upumoni e faavavau.

I le avea ai o se tasi o Molimau e Toatolu, sa lei faafitia lava e Tavita Uitimera lana molimau i le Tusi a Mamona. I le mavae ai o lona tuua o le Ekalesia ma me’i ese mai Sisifo Mamao i le 1838, sa faaalu e Tavita aso na totoe o lona soifua i Richmond, Misuri. O iina, sa ia faagaoioia ai se fale solofanua ma tautua ai o se pulenuu mai le 1867-1868. Na maliu o ia i Richmond i le aso 25 Ianuari, 1888.

O loo i ai se maafaamanatu o Molimau e Toatolu, e aofia ai ma Tavita Uitimera, i le Fanuamaliu i Paionia Richmond, e tasi le maila (1.6km) sasae i matu o le Fanuamaliu i Richmond.

Faitau atili e uiga i le soifuaga o Tavita Uitimera i Misuri i le Voluma 1, Mataupu 26–27 ma le Voluma e 2, Mataupu 30.

Mea e Faamoemoeina

O le Fanuatanu i Richmond, i le Auala Autu i Sisifo, mai lava i le 1875. E asiasi fua i ai ma e tatala mo tagata lautele mai le tafa o ata seia pogipogi. O le tuugamau o Tavita Uitimera e 21 futu (6.4 mita) mai le tuaoi pito i tua o le fanuatanu ae 33 futu (10 mita) i sasae o le Middle Cemetery Road [Auala o le Fanuatanu Ogatotonu. O loo makaina le tuugamau o Tavita i se maafaamanatu maasoama tele tusa’o i luga.