Buhatanan og mga Barel

Nahimutang sa amihanang-kasadpan sa Panimalay sa Umahan nila ni Joseph ug Lucy Smith, ang Buhatanan og mga Barel mao ang usa sa mga dapit diin si Joseph Smith, Jr., mitago sa bulawan nga mga palid diin ang Basahon ni Mormon didto gihubad. Dayon human nadawat ni Joseph Smith ang mga palid, daghan sa silingan sa Pamilya Smith ang miadto sa Panimalay sa Smith ang nangita sa mga palid. Samtang nagkagrabe ang hulga sa pagkawat sa mga palid, si Joseph miputos niini og panapton ug mitago niini sa atik ibabaw sa buhatan. Dayon gikuha niya ang walay sulod nga kahon nga ilang gitipigan ug gibutang kini sa ilalom sa mga tabla nga salog. Ang manggugubot miabot nianang gabhiona og milungkab sa Buhatanan og mga Barel. Ilang nakit-an ang walay sulod nga kahon ilalom sa mga tabla nga salog, apan wala mosusi sa atik diin nagpabiling luwas nga nakatago ang mga palid.

Ang amahan ni Joseph Smith Sr., si Asael, mitudlo niya sa negosyo sa coopering (pagpanghimo og barel) ug si Joseph Sr. mipasa sa kahanas ngadto sa iyang anak nga si Hyrum. Sa usa ka shop nga parehas niini, si Joseph Sr. ug Hyrum nanghimo ug nang-ayo og mga barel, mga bukag, ug mga gaan nga muwebles alang sa ilang kaugalingong gamit ug pagbaligya ngadto sa uban. Samtang ang orihinal nga lokasyon sa Buhatanan og mga Barel wala mahibaloi ang produksiyon sa buhatanan og mga barel sakto sa mga panahon diin ang pamilya Smith nagpuyo dinhi.


Magkat-on pa og dugang mahitungod sa mga paningkamot ni Joseph Smith sa pagtago sa mga palid gikan sa potensiyal nga mga kawatan diha sa Mga Santos Volume 1, Kapitulo 5.

Unsay Malaoman

Ang Buhatanan og mga Barel kabahin sa giniyahan nga paglibot nga pagahimoon sa mga misyonaryo sa mga panimalay sa pamilya Smith, nga naglakip usab sa Panimalay sa Pagkabata ni Joseph Smith ug ang Panimalay sa Umahan sa mga Smith.