Long Temple Endaumen

Presen bilong yu yet i kam long God

Presiden Russell M. Nelson i rimaindim yumi olsem “olgeta ektiviti, olgeta leson, olgeta samting yumi wokim insait long Sios, poin i go long Bikpela na holi haus bilong Em. Ol efot bilong yumi long tokaut long gospel, pefekim ol Seint, na ridimim ol dai manmeri i lid i go long temple. Wanwan holi temple sanap olsem wanpela sain bilong membasip bilong yumi insait long Sios, olsem wanpela sain bilong feit bilong yumi long laip bihain long dai, na olsem wanpela sekred step i go long oltaim glori bilong yumi na ol famili bilong yumi” (“Wanwan Preperesen long ol Temple Blesing,” Ensain. Mei 2001, 32; Liahona, Julai 2001, 37).

Insait long temple tasol bai yumi mekim ol sekred kavanen we i inkludim promis bilong laip oltaim oltaim insait long kindom bilong God, we i " dispela bikpela bilong olgeta presen bilong God" (Doktrin na ol Kavanen 14:7). Ol Temple odinens na kavanen i save stap olsem pat bilong gospel bilong Jisas Krais. Ol i strongim wanpela divain relesensip na halivim yumi fokas long Seivia, Atonmen bilong Em, na komitmen bilong yumi long bihainim Em.

Kisim temple endaumen bilong yu em wanpela ekspiriens bilong yu yet. Redi long en bai mekim moa mininful. Planti ol memba bilong Sios kisim endaumen bilong ol bipo long wanpela misin o marit. Ol narapela i gat wanple strongpela laik long go yet long kavanen rot. Ol bishop na brans presiden mas enkarisim na kaunselim wantaim ol adalt memba husait i laik long kisim endaumen bilong ol. Em i impoten tru long save olsem endaumen bilong yu i moa long narapela step; em i nambawan samting na moa glori bilong oltaim wokabaut.

Wanpela endaumen i tru tumas wanpela “presen.” Long dispela kontex, temple endaumen i wanpela presen bilong ol sekred blesing ikam long God long yumi wanwan. Wanpela bai kisim endaumen ikam long wei biong Em na long holi temple bilong Em. Sampela ol presen yu kisim thru long temple endauman ikam wantaim:

1. Bikpela save long ol pepos na tisin bilong Bikpela.

2. Pawa long wokim olgeta wanem God i laikim yumi long wokim.

3. Divain gaidens na proteksen taim yumi sevim Bikpela, ol famili, na ol narapela.

4. Bikpela hop, kamfot, na bel isi.

5. Ol promis blesing bilong nau na oltaim.

Ol memba bilong Sios husat i 18 pela krismas (na ino moa go long hai skul o sekondri skul) inap kisim temple endaumen sapos ol i feitful na redi. Bikos ol temple odinens na ol kavanens i sekred na i gat otaim impotens, Bikpela i setim ol mak bilong ol husat i laik kisim ol. Ol memba mas orait long save gut long ol duti ol bai kisim taim ol mekim ol kavanen wantaim God.

Redi long kisim endaumen bilong yu bai kam wantaim ol tisin bilong Jisas Krais na traim long kipim ol kavanen yu wokim long baptisim. Yu rinuim kavanen bilong yu olgeta taim taim yu kisim sakramen. Yu bai gat opotuni long mit wantaim bishop bilong yu na bihain stek presiden long wanpela temple rekomen intaviu. Ol stended bilong go insait long haus bilong Bikpela bai toktok namel long intaviu. Ol bai askim yu ol kwesten we bai larim yu long serim testimoni bilong yu long gospel bilong Jisas Krais, ol profet bilong Em i stap, na ristod Sios bilong Em. Ol ansa bilong yu bai konpem olsem yu i traim long kipim ol komanmen bilong God na bihainim Jisas Krais. Stek presiden bilong yu bai bihain givim yu wanpela temple rekomen we bai alowim yu long go insait long temple na kisim endaumen bilong yu.

Wanpela Ovaviu bilong Edaumen

Taim yu joinim Sios, yu kisim tupela odinens—baptisim na konpemesen. Wankain tu, temple endaumen i save kam wantaim tupela pat.

Long nambawan pat, yu yet wanpela bai kisim wanem ol i kolim inisiatori odinens. Dispela ol odinens kam wantaim ol spesol blesing rigadim heriteij i kam long God. Olsem pat bilong ol dispela odinens, yu bai kisim tok orait long werim sekred temple gamen na instraksen long werim tru aut long laip bilong yu.

Long nambatu pat, yu bai kisim olgeta endaumen bilong yu long wanpela grup seting. Dispela save kamap long instraksen rum wantaim ol narapela husat i go long temple. samplea bilong endaumen i presentim thru long vidio na sampela ol temple wokman. Namel long odinens, ol samting we i pat bilong plen bilong salvesen bai soim. ol i kam wantaim kamap bilong dispela wol, Pundaun bilong Adam na Iv, Atonmen bilong Jisas Krais, dispela Apostesi, na Restoresen. Yu bai lainim moa long wei olgeta manmeri i ken go bek long stap bilong Bikpela.

Namel long endaumen odinens, yu bai kisim invitesen long mekim sampela ol kavanen wantaim God. Dispela ol kavanen i:

• Lo bilong Harim Tok, we i kam wantaim traim long kipim ol komanmen bilong God.

• Lo bilong Sakripais, I min yu mi mas wokim olgeta samting long sapotim wok bilong Bikpela na tanim bel wantaim wanpela bel i bruk na strongpela spirit.

• Lo bilong Gospel, we i antap lo Em i tisim taim Em bin stap long ples graun.

• Lo bilong Sastiti, i min olsem yumi stap stret wantaim wanpela man o meri long husat yumi maritim aninut long lo bilong gavman na long lo bilong God.

• Lo bilong Konsekresen, i min olsem long givim olgeta taim, talen, na olgeta samting Bikpela i blesim yumi wantaim long bildim Sios bilong Jisas Krais long dispela ples graun.

Olgeta kavanen wantaim God em bilong pasim. Taim yu kipim ol kavanen na tanim bel long ol nugut bilong yu, rilesensip bilong yu wantaim Em bai strong na Em bai blesim yu moa stret. Rilesensip bilong yu na Seivia tu bai go klostu na moa mininful. Ol kavanen kipa bai kisim bikpela akses long pawa bilong God na Lav oltaim, bel isi, kamfot, hamamas. God i promis olsem husat kipim ol kavanen bilong ol bai gat sans long go bek long stap wantaim Em oltaim.

Presiden Russell M. Nelson tok klia olsem “Mekim wanpela kavanen wantaim God save senisim rilesensip bilong wantaim Em oltaim. I save blesim yumi wantaim moa lav na marimari. I save afektim yumi husat na olsem wanem God bai helpim yumi kamap wanem yumi ken kamap.” Bikos long gutpela lav bilong God long ol husat i kavanent wantaim Em,”Em bai lavim ol. Em bai gohet long wok wantaim ol na ofarim ol sans long senis. Em bai fogivim ol taim ol tanim bel. Na sapos ol i go nambaut, Em bai helpim ol painim rot kam bek long Em” (“Dispela Oltaim oltaim Kavanen,” Liahona, October 2022).

Long pinis bilong endaumen, ol patisipent long sain i go bek long presens bilong Bikpela taim ol i go insait long selesel rum. Long ap yu ken kisim sampela taim long tingting, prei, ridim ol skripsa, o isi tasol serim ol tingting bilong yu wantaim famili na ol poro. Em i wanpela ples bilong bel isi, we yu ken tu painim kamfot na gaidens i kam long antap.

Olgeta husat i tekpat long endaumen seremoni i kisim toktok long mas harim gud wanem samting ol i tisim stap. Ekspiriens bilong yu bai moa gutpela taim yu go wantaim dispela bel long lainim i kam long Holi Gos Nokem wori long tinim o ol save long olgeta samting long nambawan taim. Ol Temple wok manmeri bai stap long helpim na asistim yu. Em i no wanpela tes, tasol wanpela sans long pilim klostu long Papa long Heven na Jisas Krais. Fokas long hamamas long stap insait long haus bilong Bikpela na ol impresen bilong spirit yu kisim.

Go Klostu long Bikpela

Temple endaumen i wanpela impoten step igo long salvesen na kambek long Papa long Heven. Wanpela taim long kam klostu long Jisas Krais—long save long Em moa beta na bihainim eksample bilong Em. I tru, olgeta promis blesing bilong endaumen i dipen long feitfulnes bilong yumi.

Bihain yu kisim endaumen bilong yu yet, kam bek long temple moa . Taim yu go, yu ken tek pat long inisitori na endaumen ol odinens bilong ol tumbuna na ol narapela husat i dai go pinis. Wankain olgeta narapela ol odinens i kamap long temple, ol husat i dai na save long sevis bilong yu na i ken sus long ekseptim o nogat wanem yu wokim bilong ol.

Patisipesen bilong yu i larim dispela sans long harim ol blesing, instraksen, na ol kavanen gen. Taim yu go long temple, yu bai luksave long moa wei endaumen i go wantaim long plen bilong salvesen na blesim laip bilong yu. Wanem yu lainim na pilim bai kamap klia na moa gutpela long yu long ol taim ikam. Taim yu visit, yu bai pilim lav bilong God na tingim wanem i moa impoten.