JST, Khiav Dim 34:1–2, 14. Piv rau Khiav Dim 34:1–2, 14; Q&K 84:21–26
Vajtswv sau ntawv rau saum cov txiag zeb uas Mauxes tau npaj tseg tiam sis muab lub Pov Thawj Hwj Mekhixedes thiab tej kab ke ntawd tshem tawm ntawm cov neeg Ixayees mus. Tiam sis Nws muab txoj kev cai ntawm sab cev nqaij daim tawv tej lus txib los rau lawv.
1 Thiab tus Tswv hais rau Mauxes tias, Koj cia li txaug ob daim txiag zeb tshiab, zoo li thawj ob daim, thiab kuv yuav sau rau ob daim no thiab, sau tej lus ntawm txoj kev cai, raws li tau sau tej lus ntawd rau saum thawj ob daim uas koj muab ua tawg lawm; tiam sis yuav tsis zoo li thawj ob daim, vim kuv yuav tshem lub pov thawj hwj tawm hauv lawv mus; yog li ntawd kuv tus txheej txheem dawb huv, thiab tej kab ke ntawd, yuav tsis muaj rau lawv; vim kuv lub yeeb haum yuav tsis nrog lawv mus, tsam kuv ua rau lawv puas tsuaj.
2 Tiam sis kuv yuav muab txoj kev cai rau lawv ib yam li thaum xub thawj, tiam sis yuav yog raws li txoj kev cai ntawm lus txib txog sab cev nqaij daim tawv; vim kuv tau cog lus thaum kuv npau taws, hais tias lawv yuav tsis tau nkag mus rau ntawm kuv xub ntiag, mus rau hauv kuv qhov chaw so, thaum lub sij hawm uas lawv tseem ncig mus ncig los. Yog li ntawd cia li ua raws li kuv tau txib koj, thiab npaj kom txhij thaum sawv ntxov, thiab tuaj mus rau saum roob Xinais thaum sawv ntxov, thiab coj koj tus kheej tuaj cuag kuv, nyob saum ncov roob.
Yehauvas yog ib lub npe uas cov neeg hauv Phau Qub paub yog tus Tswv Yexus Khetos.
14 Vim nej yuav tsum tsis txhob teev tiam lwm tus vaj tswv; vim tus Tswv, uas lub npe yog Yehauvas, yog ib tug Vajtswv uas kub siab.