Ilo jinoin Meļļenium, Kraist enaaj ro̧o̧ltok n̄an laļ. Men in eļap enaaj kakōļļeik jem̧ļo̧k in iien mālejjon̄ eo an laļ in. Ro renana naaj kōm̧akūt er jān laļ im ro rewānōk naaj bōklōn̄ļo̧k er ilo juon kōdo̧ ilo iien eo laļ ej karreo. Men̄e ejjeļo̧k armej ejeļā lukkuun n̄āāt Kraist enaaj itok alen eo kein karuo, E em̧ōj An kar letok kakōļļe ko n̄an ad pukpukoti im rej kaalikkar iien eo n̄e ej epaaktok (Matu 24 ; JS—Matu 1 ).
Ijeļā bwe aō Ripinmuur enaaj jutak ilo raan eo āliktata ioon laļ, Job 19:25 .
N̄an Eō bukwe otemjej naaj bukwelōlō, lo otemjej renaaj kam̧ool, Ais. 45:23 (K&B 88:104 ).
Nejin Armej eaar itok ippān kōdo̧ ko in lan̄, Dan. 7:13 (Matu 26:64 ; Luk 21:25–28 ).
Renaaj reitok n̄an Eō eo raar wākare, Zek. 12:10 .
Juon enaaj ba, Ta kinej kein ilo pā kein peim, Zek. 13:6 (K&B 45:51 ).
Wōn emaron̄ jelm̧ae raan eo Ej itok? Bwe E āinwōt juon kijeek an rikaōnļo̧k, Mal. 3:2 (3 Ni. 24:2 ; K&B 128:24 ).
Nejin Armej enaaj itok ilo aiboojoj eo an Jemān, Matu 16:27 (Matu 25:31 ).
Kōn raan en im awa eo ejjeļo̧k armej ejeļā, a Jema wōt, Matu 24:36 (K&B 49:7 ; JS—Matu 1:38–48 ).
Ejja Jisōs in wōt enaaj itok āindein wōt āinwōt kom̧ ar lo An ilo̧k n̄an lan̄, Jerb. 1:11 .
Irooj make enaaj wanlaļtak jān lan̄, 1 Tes. 4:16 .
Raan eo an Irooj enaaj itok āinwōt juon riko̧o̧t ilo bon̄, 2 Pit. 3:10 .
Irooj ej itok ippān jon̄oul to̧ujin ko in Ro Rekwōjarjar An, Jud 1:14 .
E ej itok ippān kōdo̧ ko; im māj otemjej renaaj lo E, Rev. 1:7 .
Kōpooj kom̧, kōpooj kom̧, bwe Irooj ej epaak, K&B 1:12 .
Inaaj kwaļo̧k Eō make jān lan̄ kōn kajoor, im jokwe ioon laļ juon to̧ujin iiō ko, K&B 29:9–12 .
Kotak ainikiōm im lam̧ōj ukeļo̧k, im kōpooje iaļ eo an Irooj n̄an itok eo An kein karuo, K&B 34:5–12 .
N̄a Jisōs Kraist, im I naaj m̧ōkaj im itok n̄an tampeļ eo Aō, K&B 36:8 (K&B 133:2 ).
Raan eo epaak an itok n̄e kom̧ naaj lo Eō, im jeļā bwe N̄aij mour, K&B 38:8 .
Eo ej mijak Eō enaaj pukpukoti kakōļļe ko in itok eo an Nejin Armej, K&B 45:39 .
Turin mejān Irooj naaj jojān penjān, K&B 88:95 .
Raan eo eļap im rōkaammijak an Irooj epaaktok, K&B 110:16 .
N̄e Rilo̧mo̧o̧r enaaj waļo̧ktok jenaaj lo E ilo lukkuun nememen, K&B 130:1 .
Rilo̧mo̧o̧r enaaj jutak ilo ilubwiljin armej ro An im naaj irooj, K&B 133:25 .
Wōn in ej wanlaļtak jān Anij ilo lan̄ kōn balle ko em̧ōj unoiki, K&B 133:46 (Ais. 63:1 ).