Tingting Hevi Luk tu long Prea; Revelesen Blong tingting longtaem mo tingting bigwan, long ol skripja o ol narafala samting we i kam long God. Taem oli joenem wetem prea, blong tingting hevi long ol samting blong God i save mekem wan i kasem revelesen mo i gat andastaning long ol samting. Meri i tingting hevi long olgeta samting ia insaed long hat blong hem, Luk 2:19. Taem mi stap sidaon mo stap tingting hevi insaed long hat blong mi, Spirit i tekem mi mi go, 1 Nif 11:1. Hat blong mi i tingting hevi long olgeta skripja, 2 Nif 4:15. Nifae i gohed long wei blong hem, i tingting hevi long olgeta samting we Lod i bin soem, Hil 10:2–3. Go long ol hom blong yufala mo tingting hevi long olgeta samting we mi bin talem, 3 Nif 17:3. Tingbaot olsem wanem nao Lod i bin gat sore, mo tingting hevi long olgeta samting ia long hat blong yufala, Moro 10:3. Tingting hevi long olgeta samting we yu bin kasem, D&K 30:3. Taem mifala i bin stap tingting hevi long olgeta samting ia, Lod i tajem ae blong andastaning blong mi, D&K 76:19. Mi sidaon long rum blong mi mo tingting hevi long olgeta skripja, D&K 138:1–11. Mi tingting long hemia bakegen mo bakegen, JS—H 1:12.