4. Kadesh-barnea

Iyi yɛ sar kɛse bɔnsa n’etsifiboka afamu a Kadesh-barnea wɔ no. Esuba a ɔpem ha nsutɔber mu no ma ha yɛ nsutae bea a ɔma ekuadze fifir yie wɔ Zin sar do.

Dza Osisii Tsitsir: Ɔbɛyɛ dɛ iyi nye bea a Moses somaa mbarimba duebien dɛ wɔnkɛsera Canaan asaase no (Nka. 13:17–30). Ha nye bea a Israelfo no bɔɔ nseraban mfe 38 wɔ hɔn mfe 40 no mu ber a nna worikyinkyin wɔ sar do no (Deut. 2:14). Miriam wui na wosiee no wɔ ha (Nka. 20:1). Ha nye bea a Korah tseew etua, na nkorɔfo no hwinhwinii, na Aaron no poma fefɛwee no (Nka. 16–17). Bea a ɔbɛn ha na Moses dze poma bɔɔ ɔbotan bi ma nsu fii mu bae no (Nka. 20:7–11).