Fakamatala Fakahisitōlia Nounou

‘Aho 14 ‘o Nōvema 1907

Fā‘ele‘i ia kia Sione Uiliami (Uili) Hanitā mo Neli Malia Lasimiuseni Hanitā ‘i Poisi, ‘Aitahō.

‘Aho 4 ‘o ‘Epeleli 1920

Papitaiso mo hilifakinima ‘i Poisi.

Mē 1923

Ma‘u ‘a e Pale ‘o e Sikauti ‘Īkalé—ko e Sikauti ‘Īkale hono ua ia ‘i Poisí.

Sānuali mo Fēpueli 1927

Tā mo ‘ene kau tāme‘alea ko e Hunter‘s Croonaders, lolotonga ha folau vaka-meili ‘eve‘eva māhina ‘e ua ki ‘Ēsia.

Mā‘asi 1928

Hiki ki he Fakatonga ‘o Kalefōniá.

‘Epeleli 1928

Kamata ngāue ‘i ha pangikē ‘i Kalefōnia.

‘Aho 10 ‘o Sune 1931

Mali mo Kelela Mei (Kelea) Seefi ‘i he Temipale Sōlekí.

Sānuali 1932

Mole e ngāue he pangikeé ‘i he tāpuni ‘a e pangikeé tu‘unga ‘i he Tō-lalo Faka‘ekonōmiká; kamata ngāue leva ‘i ha ngaahi ngāue kehekehe.

Sānuali 1934

Kamata ngāue ‘i he Vāhenga ‘oku Nau Tokanga‘i ‘a e Tāfeá ‘i Losi ‘Eniselisí.

‘Aho 20 ‘o Mā‘asi 1934

Fā‘ele‘i hono foha ko Hauati Uiliami (Pili) Hanitā ko e Si‘í.

‘Aho 11 ‘o ‘Okatopa 1934

Mālōlō hono foha ko Hauati Uiliami (Pili) Hanitā ko e Si‘í.

Sepitema 1935

Hū ki he ‘Apiako Lao ‘o e Southwestern University ‘i Losi ‘Eniselisí (‘oku ui he taimí ni ko e Southwestern Law School).

‘Aho 4 ‘o Mē 1936

Fāʻeleʻi hono foha ko Sione Sēkope Hanitaá.

‘Aho 29 ‘o Sune 1938

Fāʻeleʻi hono foha ko Lisiate ‘Ālani Hanitaá.

‘Aho 8 ‘o Sune 1939

‘Osi mei he ‘Apiako Laó, fika tolu ‘i he‘ene kalasí.

‘Epeleli 1940

Kamata ngāue fakalao fakataimi pē ma‘ana pea toki ngāue taimi kakato ‘i he 1945; kei ngāue fakalao pē ‘o a‘u ki hono ui ia ko e ‘Aposetolo ‘i he 1959.

Sepitema 1940 ki Nōvema 1946

Hoko ko e pīsope ‘o e Uooti ‘Ela Selenó (El Sereno) ‘i Kalefōnia.

Fēpueli 1950 ki Nōvema 1959

Hoko ko e palesiteni ‘o e Siteiki Pasatiná ‘i Kalefōnia.

‘Aho 14 ‘o Nōvema 1953

Sila ki he‘ene ongomātu‘á ‘i hono ta‘u 46 ‘i he Temipale Mesa ‘Alesoná.

‘Aho 9 ‘o ‘Okatopa 1959

Uiui‘i ‘e Palesiteni Tēvita O. Makei ke hoko ko e mēmipa ‘o e Kōlomu ‘o e Kau ‘Aposetolo ‘e Toko Hongofulu Mā Uá.

‘Aho 15 ‘o ‘Okatopa 1959

Fakanofo ko e ‘Aposetolo mo vahe‘i ko ha mēmipa ‘o e Kōlomu ‘o e Toko Hongofulu Mā Uá ‘e Palesiteni Tēvita O. Makei.

1964 ki he 1972

Hoko ko e palesiteni ‘o e Sosaieti Tohi Hohoko ‘a e Siasí.

1939 ki he 1976

Hoko ko e palesiteni ‘o e Senitā Fakafonua ‘o Polinisiá (Polynesian Cultural Center) ‘i La‘ie, Hauai‘i.

1970 ki he 1972

Hoko ko e Fai-hisitōlia ‘o e Siasí

1974 ki he 1979

Tokoni ‘i hono tokanga‘i e palani, fakapa‘anga, mo e langa ‘o e Ngoue Fakamanatu ‘o ‘Oasoni Haití ‘i Selusalemá (Orson Hyde Memorial Garden).

Nōvema 1975

Tataki hono fokotu‘u ‘o e siteiki ‘e 15 ‘i ha faka‘osinga ‘o e uike pē ‘e taha mei he siteiki ‘e 5 ‘i Mekisikou Sití.

1979 ki he 1989

Tokanga‘i hono palani mo langa ‘o e ‘Univēsiti Pilikihami ‘Iongi (BYU) Senitā ‘i Selusalema ki he Ako‘anga Hahaké Ofi Maí (Jerusalem Center for Near Eastern Studies).

‘Aho 24 ‘o ‘Okatopa 1979

Tataki e ouau fakatapui ‘o e Ngoue Fakamanatu ‘o ‘Oasoni Haiti ‘i Selusalemá.

‘Aho 9 ‘o ‘Okatopa 1983

Mālōlō ‘a Kelea Hanitā hili ha‘ane puke ‘i ha ta‘u ‘e 10 tupu.

‘Aho 10 ‘o Nōvema 1985

Vahe‘i ko e Palesiteni Le‘ole‘o ‘o e Kōlomu ‘o e Kau ‘Aposetolo ‘e Toko Hongofulu Mā Uá tupu mei he mahamahaki ‘a Melioni G. Lomenī, ko e palesiteni ‘o e kōlomú.

‘Aho 2 ‘o Sune 1988

Vahe‘i ko e Palesiteni ‘o e Kōlomu ‘o e Kau ‘Aposetolo ‘e Toko Hongofulu Mā Uá hili e pekia ‘a Palesiteni Melioni G. Lomenií.

‘Aho 16 ‘o Mē 1989

Fakatapui ‘a e Senitā Ako‘anga Hahake Ofi Maí ‘a BYU.

‘Aho 12 ‘o ‘Epeleli 1990

Mali mo ‘Īnisi Pēnisi ‘Īkeni Sitenitoni ‘i he Temipale Sōlekí.

‘Aho 5 ‘o Sune 1994

Vahe‘i ko e Palesiteni ‘o e Siasi ‘o Sīsū Kalaisi ‘o e Kau Mā‘oni‘oni ‘i he Ngaahi ‘Aho Kimui Ní.

‘Aho 1 ‘o ‘Okatopa 1994

Fokotu‘u ko e Palesiteni ‘o e Siasí ‘i he konifelenisi lahí

‘Aho 9 ‘o ‘Okatopa 1994

Fakatapui ‘a e Temipale ‘Olanitō Folōlitá.

‘Aho 11 ‘o Tīsema 1994

Tokanga‘i hono fokotu‘u ‘o e siteiki hono 2,000 ‘o e Siasí (Siteiki Mekisikou Siti Mekisikou Konitelasí).

‘Aho 8 ‘o Sānuali 1995

Fakatapui ‘a e Temipale Paunitifulu ‘Iutaá.

‘Aho 3 ‘o Mā‘asi 1995

Pekia ‘i hono ‘apí ‘i Sōleki Siti, ‘Iutā, ‘i hono ta‘u 87.