Fakamatala Fakahisitōlia Nounou

ʻOku ʻoatu ʻe he fakahokohoko ko ʻení ha vakai fakalūkufua nounou ʻo ha ngaahi meʻa lalahi ne hoko ʻi he moʻui ʻa Palesiteni Kōtoni B. Hingikelií.

23 ʻo Sune 1910	Fāʻeleʻi kia Palaieni S. Hingikelī mo ʻEita Pitinā Hingikelī ʻi Sōleki Siti, ʻIutā.
1922	Kau ʻi ha fakataha lakanga fakataulaʻeiki fakasiteiki mo ʻene tamaí ʻo ne maʻu ai ha fakamoʻoni ki he uiuiʻi fakapalōfita ʻo Siosefa Sāmitá.
1932	ʻOsi mei he ʻUnivēsiti ʻo ʻIutaá, naʻe ako ai ki he lea faka-Pilitāniá, faiongoongó, mo e ngaahi lea fakafonua motuʻá.
1933 ki he 1935	Ngāue fakafaifekau taimi kakato ʻi he Misiona ʻIulopé, ʻo ngāue kakato ʻi ʻIngilani.
1935 ki he 1943	Naʻá ne hoko ko e sekelitali pule ʻa e Letiō ʻo e Siasí, Fetuʻutaki mo e Kakaí, mo e Kōmiti Nāunau Fakafaifekaú.
1937	Ui ki he poate lahi ʻo e Lautohi Faka-Sāpaté.
29 ʻo ʻEpeleli 1937	Mali mo Māsilī Pei ʻi he Temipale Sōlekí.
1943 ki he 1945	Ngāue ko e tokoni supiliteni ʻi he Kautaha Lēlue Denver and Rio Grande ʻi Sōleki Siti, ʻIutā, mo Tenivā, Kolōlato.
1945 ki he 1958	Foki ki he ngāue ʻa e Siasí; naʻe kamata ʻi he 1951 ke ne tokangaʻi e ngaahi ngāue fakaʻaho ʻa e Potungāue Fakafaifekaú ne toki fokotuʻú.
1953 ki he 1955	ʻI he fakahinohino ʻa Palesiteni Tēvita O. Makeí, naʻá ne fokotuʻu mo tokangaʻi hono faʻu ʻo e ʻenitaumeni fakatemipalé he filimí ke feau e lahi ʻo e ngaahi lea fakafonuá.
28 ʻo ʻOkatopa 1956	Ui ke hoko ko e palesiteni ʻo e Siteiki Mili Kiliki Hahaké.
6 ʻo ʻEpeleli 1958	Naʻe fokotuʻu ai ko ha Tokoni ki he Toko Hongofulu Mā Uá.
5 ʻo ʻOkatopa 1961	Fakanofo ko e ʻAposetolo mo vaheʻi ko ha mēmipa ʻo e Kōlomu ʻo e Toko Hongofulu Mā Uá ʻe Palesiteni Tēvita O. Makei.
23 ʻo Siulai 1981	Ui ke hoko ko ha tokoni ʻi he Kau Palesitenisī ʻUluakí, ke tokoni kia Palesiteni Sipenisā W. Kimipolo mo Palesiteni Melioni G. Lomenī pea mo N. ʻElitoni Tena.
2 ʻo Tīsema 1982	Ui ke hoko ko e Tokoni Ua kia Palesiteni Kimipolo.
ʻAho 10 ʻo Nōvema 1985	Ui ke hoko ko e Tokoni ʻUluaki kia Palesiteni ʻEselā Tafu Penisoni.
ʻAho 5 ʻo Sune 1994	Ui ke hoko ko e Tokoni ʻUluaki kia Palesiteni Hauati W. Hanitā.
ʻAho 3 ʻo Māʻasi 1995	Hoko ko e ʻAposetolo pule ʻi he pekia ʻa Palesiteni Hanitaá.
12 ʻo Māʻasi 1995	Vaheʻi ko e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
23 ʻo Sepitema 1995	Tuku atu ʻa e “Ko e Fāmilí: Ko ha Fanongonongo ki Māmaní” he lolotonga ʻo e fakataha lahi ʻa e Fineʻofá.
Fēpueli 1996	Ne fakalaka ai ʻa e tokolahi ʻo e kāingalotu ʻi tuʻa ʻIunaiteti Siteití ʻi he tokolahi ʻo e kāingalotu ʻi he loto ʻIunaiteti Siteití.
7 ʻo ʻEpeleli 1996	Naʻe hā ai ʻi he polokalama televīsone ʻa e ʻIunaiteti Siteití ko e 60 Minutes.
26 ʻo Mē 1996	Fakatapui e Temipale Hongo Kongo Siainá, ko e ʻuluaki ia ʻi he ngaahi temipale ʻe 77 naʻe fakatapui he lolotonga ʻo ʻene ʻi he kau palesitenisií, ko ha 63 ai naʻá ne fakatapui.
5 ʻo ʻEpeleli 1997	Fokotuʻu ʻa e Kōlomu foʻou ʻe tolu ʻo e Kau Fitungofulú.
4 ʻo ʻEpeleli 1997	Fakahā e palani ʻo ha fanga kiʻi temipale iiki ke langa ʻi he funga ʻo e māmaní.
ʻAho 1 ʻo Sānuali 2000	Pulusi mo hono kaungā ʻAposetolo ʻi he Kau Palesitenisī ʻUluakí mo e Kōlomu ʻo e Toko Hongofulu Mā Uá ʻa e “Ko e Kalaisi Moʻuí: Ko e Fakamoʻoni ʻa e Kau ʻAposetoló.”
1 ʻo ʻOkatopa 2000	Fakatapui ʻa e Temipale Positoni Masasūsetí, ko e temipale ʻaki ia hono 100 ʻoku ngāue.
8 ʻo ʻOkatopa 2000	Fakatapui e Senitā Konifelenisí.
31 ʻo Māʻasi 2001	Fakahā hono fokotuʻu ʻo e Sinoʻi Paʻanga Tokoni Fakaako Tuʻumaʻú.
8 ʻo Fēpueli 2002	Talitali lelei e kau ʻaʻahi mei he funga ʻo e māmaní ki Sōleki Siti ki he ʻOlimipiki ʻo e Faʻahi Taʻu Momokó.
27 ʻo Sune 2002	Fakatapui ʻe Temipale Nāvū ʻIlinoisí ʻi he kakato e taʻu ʻe 158 hono fakapoongi ʻo Siosefa mo Hailame Sāmitá.
11 ʻo Sānuali 2003	Puleʻi e fuofua fakamafola ako fakatakimuʻa fakamāmani lahí.
8 ʻo Fēpueli 2003	Lea ki ha fānau Palaimeli ʻe taha miliona ʻi ha fakamafola fakasatelaite ke fakamanatua e taʻu 125 ʻo e Palaimelí.
6 ʻo ʻEpeleli 2004	Tēngihia e siʻi mālōlō hono uaifi ko Māsilií.
23 ʻo Sune 2004	Foaki ki ai ʻa e Mētali Fakapalesiteni ʻo e Tauʻatāiná, ko e fakalāngilangi maʻolunga taha ia ʻoku foaki ki he kakai siviliané ʻi he ʻIunaiteti Siteití.
26 ʻo Sune 2007	Fakahā kuo fakalaka e tokolahi ʻo e kāingalotu e Siasí ʻi he toko 13 milioná pea mo e lolotonga ngāue ʻa e faifekau hono tahamilioná, talu mei hono fokotuʻu ʻo e Siasí.
27 ʻo Sānuali 2008	Pekia ʻi hono ʻapí ʻi Sōleki Siti, ʻIutā.