Fonotaga a le Aufono a Faiaoga—Mo Matua ma Faiaoga ua Valaauina

O Ai e Taitaia Nei Fonotaga? E masani lava, o le peresitene o le Aoga Sa e taitaia fonotaga a le aufono a faiaoga mo matua. Ae peitai, e mafai e le au epikopo ona tofia isi tagata o le uarota e taitaia fonotaga i nisi taimi.

O le aufono a le uarota, faapea ma se fesoasoaniga mai le au peresitene o le Aoga Sa, e vaavaaia le fonotaga a le aufono a faiaoga mo matua. Latou te fefautuaai faatasi e uiga i manaoga o matua ma aiga, ma latou te galulue faatasi e fuafua po o a mataupu faavae mai le Aoao Atu i le Ala a le Faaola o le a sili ona fetaui ma na manaoga.

O Ai e Tatau Ona Auai? E filimaoti e le aufono a le uarota pe valaaulia ni matua patino pe tatala le auai i tagata uma o e mananao e auai.

O Le a le Taimi e Tatau Ona Faia Ai Nei Fonotaga? O fonotaga a le aufono a faiaoga mo matua e mafai ona faia i soo se Aso Sa, pe a fuafuaina ai e le aufono a le uarota.

O Ai e Taitaia Nei Fonotaga? E masani lava, o le peresitene o le Aoga Sa e taitaia fonotaga a le aufono a faiaoga mo faiaoga ua valaauina. Ae peitai, e mafai e le au epikopo ona tofia isi tagata o le uarota e taitaia fonotaga i nisi taimi.

O le aufono a le uarota, faapea ma se fesoasoaniga mai le au peresitene o le Aoga Sa, e vaavaaia le fonotaga a le aufono a faiaoga mo faiaoga ua valaauina. Latou te fefautuaai faatasi e uiga i manaoga o faiaoga ma tagata aoao, ma latou te galulue faatasi e fuafua po o fea o mataupu faavae mai le Aoao Atu i le Ala a le Faaola o le a sili ona fetaui ma na manaoga.

O Ai e Tatau Ona Auai? O tagata uma o e faiaoga i se korama po o se vasega i le uarota e tatau ona auai i fonotaga a aufono a faiaoga. E valaaulia foi sui auai o le au peresitene o le korama ma le faalapotopotoga.

O Le a le Taimi e Tatau Ona Faia Ai Nei Fonotaga? E auai faiaoga i fonotaga a aufono a faiaoga i se Aso Sa pe afai latou le o faiaoga i a latou vasega masani.

• E mafai ona auai faiaoga a le korama a Perisitua, Aualofa, ma Tamaitai Talavou i le Aso Sa muamua po o le lona tolu, pe a fuafuaina ai e taitai i le lotoifale.

• E mafai ona auai faiaoga o le Aoga Sa a le o le Aso Sa lona lua po o le lona fa, pe a fuafuaina ai e taitai i le lotoifale.

• E mafai ona auai faiaoga o le Peraimeri i soo se Aso Sa, pe a fuafuaina ai e au peresitene o le Peraimeri ma le Aoga Sa. Pe a manaomia ai, e mafai ona fono eseese faiaoga o le Peraimeri mai isi faiaoga e fefautuaai ai e uiga i vaega faapitoa i le aoaoina o tamaiti. E mafai ona tupu lenei mea i le taimi o pesepesega e 20-minute, a o lei faia po o le maea ai o sauniga masani o le Aso Sa, po o se isi aso o le vaiaso. E mafai ona sili atu ma le tasi se fonotaga e faia i le kuata mo faiaoga o le Peraimeri ina ia latou le misia uma ai ia vasega o le Peraimeri i le vaiaso lava lena. (Manatua: Pe a manaomia, o le au peresitene o le Peraimeri e tofiaina ni faiaoga le tumau, tuufaatasi vasega, pe faia nisi fuafuaga e mafai ai ona auai faiaoga o le Peraimeri i fonotaga a le aufono a faiaoga.)

O fonotaga a aufono a faiaoga—mo matua ma faiaoga ua valaauina—e mulimuli i le faatulagaga lenei:

1. Faasoa atu ma fefautuaai faatasi (pe tusa ma le 20 minute). Valaaulia matua po o faiaoga e faasoa mai mea o loo lelei le aoga a o latou aoao atu le talalelei i le aiga pe i a latou vasega. E mafai foi ona latou faasoa mai ni luitau o loo latou feagai po o ni mea latou te mananao e faaleleia.

2. Aoao faatasi (pe tusa ma le 15 minute). Talanoaina ma matua po o faiaoga se tasi o mataupu faavae i le Aoao Atu i le Ala a le Faaola. O leSau, Mulimuli Mai ia te Au e mafai foi ona faaaogaina o se punaoa mo nei talanoaga.

3. Fuafua ma valaaulia (pe tusa ma le 10 minute). Valaaulia matua po o faiaoga e faasoa mai mea na latou aoaoina i le taimi o le fonotaga ma le auala latou te fuafua e faaaoga ai.

6:15