« ការប្រជុំក្រុមប្រឹក្សាគ្រូបង្រៀន—សម្រាប់មាតាបិតា និងគ្រូបង្រៀនដែលបានហៅ » ការបង្រៀនតាមរបៀបរបស់ព្រះអង្គសង្គ្រោះ ៖ សម្រាប់អ្នកទាំងអស់ដែលបង្រៀននៅគេហដ្ឋាន និងសាសនាចក្រ ( ឆ្នាំ២០២២ )
« ការប្រជុំក្រុមប្រឹក្សាគ្រូបង្រៀន » ការបង្រៀនតាមរបៀបរបស់ព្រះអង្គសង្គ្រោះ
ការប្រជុំក្រុមប្រឹក្សាគ្រូបង្រៀន—សម្រាប់មាតាបិតា និងគ្រូបង្រៀនដែលបានហៅ
វួដនីមួយៗគួរតែរៀបចំការប្រជុំក្រុមប្រឹក្សាគ្រូបង្រៀនប្រចាំត្រីមាស ទាំងសម្រាប់មាតាបិតា និងគ្រូបង្រៀនដែលបានហៅទាំងអស់នៅក្នុងវួដ ។ នៅក្នុងការប្រជុំទាំងនេះ មាតាបិតា និងគ្រូបង្រៀនផ្សេងទៀតអាចពិគ្រោះយោបល់ជាមួយគ្នាអំពីគោលការណ៍នៃការបង្រៀនដូចព្រះគ្រីស្ទបាន ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ១៣.៤, ១៣.៥, ១៧.៤, ១៧.៥ នៅលើបណ្ណាល័យដំណឹងល្អ ) ។
ការប្រជុំក្រុមប្រឹក្សាគ្រូបង្រៀនទាំងពីរប្រភេទត្រូវបានធ្វើឡើងម្តងក្នុងមួយត្រីមាសក្នុងអំឡុងពេលម៉ោងរៀនរយៈពេល ៥០ នាទីនៅថ្ងៃអាទិត្យ ។
ការប្រជុំក្រុមប្រឹក្សាគ្រូបង្រៀនសម្រាប់មាតាបិតា
តើនរណាដឹកនាំការប្រជុំទាំងនេះ ? ជាធម្មតា សមាជិកនៃគណៈប្រធានសាលាថ្ងៃអាទិត្យដឹកនាំការប្រជុំក្រុមប្រឹក្សាគ្រូបង្រៀនសម្រាប់មាតាបិតា ។ ទោះជាយ៉ាងណាក៏ដោយ ប៊ីស្សពអាចចាត់តាំងសមាជិកវួដផ្សេងទៀតឲ្យដឹកនាំការប្រជុំនេះម្តងម្កាល ។
ដោយមានជំនួយពីគណៈប្រធានសាលាថ្ងៃអាទិត្យ នោះក្រុមប្រឹក្សាវួដមើលការខុសត្រូវលើការប្រជុំក្រុមប្រឹក្សាគ្រូបង្រៀនសម្រាប់មាតាបិតា ។ ពួកគេពិគ្រោះយោបល់ជាមួយគ្នាអំពីតម្រូវការរបស់មាតាបិតា និងក្រុមគ្រួសារ ហើយពួកគេធ្វើការរួមគ្នាដើម្បីកំណត់គោលការណ៍ណាមួយមកពី ការបង្រៀនតាមរបៀបរបស់ព្រះអង្គសង្គ្រោះ នឹងបំពេញតម្រូវការទាំងនោះឲ្យបានល្អបំផុត ។
តើនរណាខ្លះគួរតែចូលរួម ? ក្រុមប្រឹក្សាវួដកំណត់ថា តើត្រូវអញ្ជើញមាតាបិតាជាក់លាក់ណាម្នាក់ ឬរៀបចំការចូលរួមនោះដោយបើកចំហចំពោះអ្នកទាំងអស់ណាដែលចង់ចូលរួម ។
តើការប្រជុំទាំងនេះគួរធ្វើឡើងនៅពេលណា ? ការប្រជុំក្រុមប្រឹក្សាគ្រូបង្រៀនសម្រាប់មាតាបិតាអាចធ្វើឡើងនៅថ្ងៃអាទិត្យណាមួយ ដូចដែលបានកំណត់ដោយក្រុមប្រឹក្សាវួដ ។
ការប្រជុំក្រុមប្រឹក្សាគ្រូបង្រៀនសម្រាប់គ្រូបង្រៀនដែលបានហៅ
តើនរណាដឹកនាំការប្រជុំទាំងនេះ ? ជាធម្មតា សមាជិកនៃគណៈប្រធានសាលាថ្ងៃអាទិត្យដឹកនាំការប្រជុំក្រុមប្រឹក្សាគ្រូបង្រៀនសម្រាប់គ្រូបង្រៀនដែលបានហៅ ។ ទោះជាយ៉ាងណាក៏ដោយ ប៊ីស្សពអាចចាត់តាំងសមាជិកវួដផ្សេងទៀតឲ្យដឹកនាំការប្រជុំនេះម្តងម្កាល ។
ដោយមានជំនួយពីគណៈប្រធានសាលាថ្ងៃអាទិត្យ ក្រុមប្រឹក្សាវួដគ្រប់គ្រងលើការប្រជុំក្រុមប្រឹក្សាគ្រូបង្រៀនសម្រាប់គ្រូបង្រៀនដែលបានហៅ ។ ពួកគេពិគ្រោះយោបល់ជាមួយគ្នាអំពីតម្រូវការរបស់គ្រូបង្រៀន និងសិស្ស ហើយពួកគេធ្វើការរួមគ្នាដើម្បីកំណត់គោលការណ៍ណាមួយមកពី ការបង្រៀនតាមរបៀបព្រះអង្គសង្គ្រោះ នឹងបំពេញតម្រូវការទាំងនោះឲ្យបានល្អបំផុត ។
តើនរណាខ្លះគួរតែចូលរួម ? បុគ្គលគ្រប់រូបដែលបង្រៀនក្នុងកូរ៉ុម ឬថ្នាក់រៀននៅក្នុងវួដគួរតែចូលរួមការប្រជុំក្រុមប្រឹក្សាគ្រូបង្រៀននេះ ។ សមាជិកគណៈប្រធានកូរ៉ុម និងអង្គការក៏ត្រូវបានអញ្ជើញឲ្យចូលរួមផងដែរ ។
តើការប្រជុំទាំងនេះគួរធ្វើឡើងនៅពេលណា ? គ្រូបង្រៀនចូលរួមការប្រជុំក្រុមប្រឹក្សាគ្រូបង្រៀននៅថ្ងៃអាទិត្យ នៅពេលដែលពួកគេមិនបង្រៀនថ្នាក់រៀនធម្មតារបស់ពួកគេ ។
-
គ្រូបង្រៀនកូរ៉ុមបព្វជិតភាព សមាគមសង្គ្រោះ និងក្រុមយុវនារីអាចចូលរួមនៅថ្ងៃអាទិត្យទីមួយ ឬទីបីក៏បាន តាមការកំណត់របស់ថ្នាក់ដឹកនាំក្នុងមូលដ្ឋាន ។
-
គ្រូបង្រៀនសាលាថ្ងៃអាទិត្យអាចចូលរួមនៅថ្ងៃអាទិត្យទីពីរ ឬអាទិត្យទីបួនក៏បាន តាមការកំណត់របស់ថ្នាក់ដឹកនាំក្នុងមូលដ្ឋាន ។
-
គ្រូបង្រៀនថ្នាក់អង្គការបឋមសិក្សាអាចចូលរួមនៅថ្ងៃអាទិត្យណាក៏បាន ដូចបានកំណត់ដោយគណៈប្រធានថ្នាក់អង្គការបឋមសិក្សា និងគណៈប្រធានសាលាថ្ងៃអាទិត្យ ។ ប្រសិនបើមានបំណង នោះគ្រូបង្រៀនថ្នាក់អង្គការបឋមសិក្សាអាចជួបពេលផ្សេងដាច់ដោយឡែកពីគ្រូបង្រៀនដទៃទៀត ដើម្បីប្រឹក្សាអំពីចំណុចពិសេសនានាអំពីការបង្រៀនកុមារ ។ ការប្រជុំនេះអាចធ្វើឡើងនៅក្នុងម៉ោងច្រៀងចម្រៀងរយៈពេល ២០ នាទី ពីមុន ឬក្រោយការប្រជុំថ្ងៃអាទិត្យតាមធម្មតា ឬនៅថ្ងៃផ្សេងទៀតអំឡុងសប្ដាហ៍ ។ ការប្រជុំក្រុមប្រឹក្សាគ្រូបង្រៀនលើសពីម្តងអាចធ្វើឡើងជាប្រចាំត្រីមាស សម្រាប់គ្រូបង្រៀនអង្គការបឋមសិក្សា ដើម្បីកុំឲ្យពួកគេទាំងអស់គ្នាអវត្តមានពីថ្នាក់អង្គការបឋមសិក្សាក្នុងសប្តាហ៍ដដែលនោះ ។ ( កំណត់ចំណាំ ៖ បើចាំបាច់ គណៈប្រធានអង្គការបឋមសិក្សាចាត់តាំងគ្រូបង្រៀនជំនួស ដាក់បញ្ចូលថ្នាក់រៀន ឬធ្វើការរៀបចំផ្សេងទៀត ដើម្បីឲ្យគ្រូបង្រៀនថ្នាក់បឋមសិក្សាទាំងអស់អាចចូលរួមការប្រជុំក្រុមប្រឹក្សាគ្រូបង្រៀន ) ។
ទម្រង់បែបបទសម្រាប់ការប្រជុំ
ការប្រជុំក្រុមប្រឹក្សាគ្រូបង្រៀន—ទាំងសម្រាប់មាតាបិតា និងសម្រាប់គ្រូបង្រៀនដែលបានហៅ—អនុវត្តតាមទម្រង់បែបបទនេះ ៖
-
ចែកចាយ និងប្រឹក្សាជាមួយគ្នា ( ប្រហែល ២០ នាទី ) ។ អញ្ជើញមាតាបិតា ឬគ្រូបង្រៀនឲ្យចែកចាយអ្វីដែលកំពុងដំណើរការបានល្អ នៅពេលដែលពួកគេបង្រៀនដំណឹងល្អនៅផ្ទះ ឬនៅក្នុងថ្នាក់រៀនរបស់ពួកគេ ។ ពួកគេក៏អាចចែកចាយបញ្ហាប្រឈមដែលពួកគេកំពុងប្រឈមមុខ ឬអ្វីដែលពួកគេចង់កែលម្អ ។
-
រៀនជាមួយគ្នា ( ប្រហែល ១៥ នាទី ) ។ ពិភាក្សាជាមួយមាតាបិតា ឬគ្រូបង្រៀនអំពីគោលការណ៍មួយនៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ ចូរមកតាមខ្ញុំ ក៏អាចត្រូវប្រើជាធនធានសម្រាប់ការពិភាក្សាទាំងនេះបានផងដែរ ។
-
រៀបចំផែនការ និងអញ្ជើញ ( ប្រហែល ១០ នាទី ) ។ អញ្ជើញមាតាបិតា ឬគ្រូបង្រៀនឲ្យចែកចាយអ្វីដែលពួកគេបានរៀនក្នុងអំឡុងពេលប្រជុំ និងរបៀបដែលពួកគេគ្រោងអនុវត្តវា ។