Boowi ni Kauntira n Tia Reirei—Ibukiia Kaaro ao Taan Reirei ake a Weteaki

Antai ae E Kairii Bootaki Aikai? Ni bon arona, temanna kaain te beretitenti n te Reirei n Tabati e kaira te boowi ni kauntira n tia reirei ibukiia kaaro. Ma, e kona te bitiobiriki ni mwiokoia tabeman riki kaain te uoote bwa a na kaira te boowi n te tai ae onoti.

Te kauntira n te uoote, ma te tia ibuobuoki n te beretitentii n te Reirei n Taabati, a tararua te boowi ni kauntira n tia reirei ibukiia kaaro. A uaia ni marororoakina aron kainnanoia kaaro ao utu, ao a ikarekebai ni mwakuri ni baireia tera tuua man Reirei n ana Kawai te Tia Kamaiu ae e na kona ni kakoroi raoi nanon kainnano akanne.

Antai Aika a Riai n Iria? E na baireia te kauntira ni uoote ngkana a na kaoiia tabeman kaaro ke ni kauka te roko nakoia naake a kan iria.

Nningai ae e Riai ni Karaoaki iai Boowi Aikai? Te boowi ni kauntira n tia reirei ibukiia kaaro e kona ni karaoaki n te Tabati teuana, n aron are e baireaki man kauntiran te uoote.

Antai ae E Kairii Bootaki Aikai? Ni bon arona, temanna kaain te beretitenti n te Reirei n Tabati e kaira te boowi ni kauntira n tia reirei ibukiia tia reirei aika a weteaki. Ma, e kona te bitiobiriki ni mwiokoia tabeman riki kaain te uoote bwa a na kaira te boowi n te tai ae onoti.

Te kauntira n te uoote, ma te tia ibuobuoki n te beretitentii n te Reirei n Tabati, a tararua te boowi ni kauntira n tia reirei ibukiia tia reirei aika a weteaki. A uaia ni marororoakina aron kainnanoia tia reirei ao taan reiakinaki, ao a ikarekebai ni mwakuri ni bairei tuua man Reirei n ana Kawai te Tia Kamaiu ae e na kona ni kakoroi raoi nanon kainnano akanne.

Antai Aika a Riai n Iria? Ni kabane ake a angareirei n te kooram ke n te kiraati n te uoote a riai n ira aia boowi kauntira n tia reirei. Kaain te beretitenti n te Kooram ao bootaki a kaoaki naba.

Nningai ae e Riai ni Karaoaki iai Boowi Aikai? A riai tia reirei n irii aia boowi kauntira tia reirei n te Tabati ngkana aki anga reirei n aia kiraati ake a taneiai iai.

• Taan reirei n te kooram n te Nakoanibonga, Bootaki n Aine, ao Kairake n Ataeinaine a na kona ni iria tao n te moan ke n te kateniua n Tabati, n aron baireana irouia taan kairiiri n te tabo.

• Taan reirei n te Reirei n Tabati a kona ni iria tao n te kauoua ke n te kaaua n Tabati, n aron baireana irouia taan kairiiri n te tabo.

• Taan reirei n te Moanrinan ana kona n iria n Tabati ake a bon rineia, n aron baireana man te beretitentii n te Moanrinan ao te Reirei n Tabati. Ngkana a tangiria, a kona taan reirei n te Moanrinan ni bootaki n te tai ae kaokoro ma taan reirei ake tabeman ni maroroakina aron te anga reirei ae e onoti ibukin aron nako te angareirei nakoia ataei. Aio e kona ni karaoaki n tain te 20 ni miniti n tain te anene, imwaain ke imwiin bootaki ake a kakaraoaki n te Tabati ke n te bong teuana i nanon te wiki. E riaon teuana aia boowi kauntira n tia reirei ae e na karaoaki inanon te kuata ibukiia taan reirei n te Moanrinan bwa aonga n aki bane ni kitani aia kiraati n te Moanrinan n te tai ae tii teuana. (Bwaai aika ana taraaki: Ngkana e kainanoaki, beretitentii n te Moanrinan a karekea te tia onomwi n tia reirei, taian kiraati ake a ikotaki, ke karaoi babaire tabeua ni kariaia taan reirei n te Moanrinan ni ira te boowi ni kauntira ibukiia taan reirei.)

Boowi ni kauntira n tia reirei—ibukiia kaaro ao tia reirei aika a weteaki—iira aron teina aei:

1. Tibwatibwa ao uaia ni marooro imarenami (tao 20 te miniti). Kaoiia kaaro ao tia reirei bwa a na tibwaia bwa tera te bwai ae nakoraoi karaoana ngkai a reireia te euangkerio n te mweenga ao n aia kiraati. A kona naba n tibwauai kakaewenako ake a kaitara ma ngaai ke bwai ake a kan kanakoraoia.

2. Uaia n reiakinaki (tao 15 te miniti). Marooro ma kaaro ke tia reirei teuana mai buakon tuua inanon Reirei n ana Kawai te Tia Kamaiu. Nakomai, Iriirai e kona naba ni kabonganaaki bwa te bwai n ibuobuoki ibukin marooro aikai.

3. Babaire ao kakao (tao 10 te miniti). Kaoiia kaaro ke tia reirei bwa a na tibwaua te bwai are a reiakinna n tain te boowi ao a kanga ni baireaia ni kamwakuria.

6:15