Ol Tija Kaonsel Miting—Blong Ol Papa mo Mama mo Ol Tija we Oli Singaotem Olgeta

?Huia I Stap Lidim Ol Miting Ia? Plante taem, wan memba blong Sandei Skul presidensi i stap lidim ol tija kaonsel miting blong ol papa mo mama. Be wanwan taem, bisoprik i save asaenem wan narafala memba blong wod blong lidim ol miting.

Wod kaonsel i lukluk ova, wetem help blong Sandei Skul Presidensi, we i lukluk long ol tija long kaonsel miting ia mo blong ol papa mo mama. Oli kaonsel tugeta abaot ol nid blong ol papa mo mama mo ol famli, mo oli wok tugeta blong faenemaot wijwan long ol prinsipol insaed long Tij Folem Wei blong Sevya we bae i stret blong givhan long ol nid ia.

?Huia I Save Atendem? Wod kaonsel oli save talem sapos bae oli invaetem sam mama, papa nomo o mekem i open long eni wan we i wantem tekpat long miting ia.

?Wetaem Bae Ol Miting Ia Oli Sud Hapen? Ol Tija kaonsel miting blong mama, papa oli save holem long wan wan Sandei olsem we prisaeding atoriti i talem.

?Huia I Stap Lidim Ol Miting Ia? Plante taem, wan memba blong Sandei Skul presidensi i stap lidim ol tija kaonsel miting blong ol tija we oli singaotem olgeta. Be wanwan taem, bisoprik i save asaenem wan narafala memba blong wod blong lidim ol miting.

Wod kaonsel i lukluk ova, wetem help blong Sandei Skul Presidensi, we i lukluk long ol tija long kaonsel miting ia blong ol tija we oli singaotem olgeta. Oli kaonsel tugeta abaot ol nid blong ol tija mo olgeta we oli stap lan, mo oli wok tugeta blong faenemaot wijwan long ol prinsipol insaed long Tij Folem Wei blong Sevya we bae i stret blong givhan long ol nid ia.

?Huia I Save Atendem? Evriwan we oli tijim wan kworom o klas insaed long wod, oli mas atendem ol tija kaonsel miting. Oli invaetem tu ol memba blong presidensi blong Kworom mo ol oganaesesen.

?Wetaem Bae Ol Miting Ia Oli Sud Hapen? Ol tija oli atendem ol tija kaonsel miting long wan Sandei taem oli no stap tijim ol nomol klas blong olgeta.

• Ol tija blong kworom blong Prishud, Rilif Sosaeti, mo Yang Woman, oli save go long nambawan o nambatri Sandei, olsem we ol lokol lida oli talem.

• Ol Sandei Skul tija oli save go long nambatu o nambafo Sandei, olsem we ol lokol lida oli talem.

• Ol Praemeri tija oli save go long eni Sandei, olsem we ol presidensi blong Praemeri blong wod mo presidensi blong Sandei Skul oli talem. Sapos oli wantem, ol Praemeri tija oli save mit long defren miting blong save toktok raon long ol spesel nid blong stap tijim ol pikinini. Hemia i save hapen long taem blong singsing blong 20 minit, bifo o afta long ol nomol Sandei Miting, o wan narafala taem blong wik. Oli save holem moa long wan kaonsel miting long wan kwota, hemia blong ol Praemeri tija, blong mekem se oli no mestem evri klas blong Praemeri long wan sem taem. (Tekem Not: Taem i nidim, Praemeri presidensi i save asaenem ol seken tija, kombaenem ol klas, o mekem ol arenjmen blong letem ol Praemeri tija oli go long tija kaonsel miting.

Ol tija kaonsel miting—blong tugeta ol papa mo mama mo blong ol tija we oli singaotem olgeta—folem plan ia:

1. Serem mo kaonsel tugeta (blong kolosap 20 minit). Invaetem ol papa mo mama o o tija blong serem wanem we i stap wok gud taem oli stap tijim gospel long hom o insaed long ol klas blong olgeta. Mo tu, oli save serem ol jalenj we oli stap fesem o ol samting we oli wantem blong kam moa gud long hem.

2. Lan tugeta blong (kolosap 15 minit). Toktok raon wetem ol papa mo mama mo ol tija abaot wan long olgeta prinsipol insaed long Tij Folem Wei blong Sevya. Kam Folem Mi oli save yusum tu olsem wan long ol risos blong ol storian ia.

3. Mekem plan mo mekem invitesen blong (kolosap 10 minit). Invaetem ol papa mo mama blong serem wanem we oli bin lanem long taem blong miting mo olsem wanem oli mekem plan blong yusum.

6:15