Fesoasoani i tagata aoao e saili, iloa, ma malamalama i upumoni i tusitusiga paia.

O le iloiloga faaletagata lava ia o se auala taua lea e aoao ai tagata aoga e faaaoga le faitalia ma pulea o latou aafiaga e aoao ai. O le faia soo e tagata aoga o le iloiloina o latou tomai mo le suesueina o tusitusiga paia o le a fesoasoani i faiaoga e iloa ai po o a ituaiga o aafiaga e aoao ai e fatufatu e fesoasoani ai i tagata aoao ia ola tutoatasi i a latou suesuega o tusitusiga paia. O nei iloiloga e tele ituaiga eseese, e pei o fua, fasifuaitau e tatala ai faamatalaga, po o le fuaina faatatau o le tagata lava ia. Latou te faatagaina faiaoga e fesoasoani i tagata aoga (1) iloilo o latou aafiaga i le suesueina o tusitusiga paia i le taimi nei, (2) faailoa mai po o a ni faaleleiga latou te mananao e fai, ona (3) filifili lea o se tomai suesue o le a fesoasoani e taitai atu ai i lo latou taunuuga manaomia.

O faataitaiga nei o ituaiga eseese o iloiloga faaletagata lava ia e faatatau i tomai mo le suesueina o tusitusiga paia:

• I se fua o le 1 i le 10, o le a le tulaga ua i ai lo’u mautinoa ou te lagonaina e uiga i le mauaina o Iesu Keriso i mataupu uma?

• Ou te manatu e mafai ona ou lelei atili i le sailia o Iesu Keriso i mataupu uma pe afai ou te …

• O se tomai suesue e mafai ona fesoasoani ia te au e maua ai Iesu Keriso i mataupu uma o le …

Kiliki ii e matamata ai i lenei faataitaiga

1:31

Atiina ae se tomai o le suesueina o tusitusiga paia a se tagata aoga o le iloiloga faaletagata lava ia lea e aofia ai elemene e tolu o loo lisi atu i le vaega o le “Faamatalatala”. Valaaulia se tasi e iloiloina ma faasoa mai pe faapefea ona aoga lo latou manatu o le a i ai.

• O le a se mea ua e aoaoina e uiga i le taua o le fesoasoani i tagata aoao e iloilo o latou lava tomai mo le suesueina o tusitusiga paia?

• E mafai faapefeai le fesoasoani i tagata aoao e iloilo o latou tomai i le suesueina o tusitusiga paia ona faateleina lo latou gafatia e maua ai se aafiaga sili atu ona anoa i le afioga a le Atua?

Valaaulia tagata aoga e iloilo e le tagata lava ia o latou tomai patino mo le suesueina o tusitusiga paia i se tulaga faalevaiaso i le va o le taimi nei ma le faaiuga o le tausaga aoga.

• “Lesona 5: Metotia o Suesuega Mataalia o Tusitusiga Paia,” Suesueina o Tusitusiga Paia—O Le Mana o le Upu Tusi Lesona a le Faiaoga, ChurchofJesusChrist.org

• “Suesuega o Tusitusiga Paia i Aso Taitasi ma Sini,” Punaoa mo Aoaoga a Taitai