Mangulo sa Agianan: Magpahigayon og usa ka Kalihokan bahin sa Pagdumala sa Teknolohiya
Ang mga Pagdumala sa Teknolohiya nga mga kalihokan mao ang mga panagpundok nga makapadasig nga gidisenyo sa pagtabang sa mga kabatan-onan, mga ginikanan, ug mga lider nga mag-uban sa pagkat-on kon unsaon sa paggamit ang teknolohiya nga adunay mas dakong katuyoan, balanse, ug espirituhanong pagmatngon. Kini nga mga panghitabo makamugna og luna alang sa makahuloganon nga panag-istoryahay, gipangulohan sa kabatan-onan nga pagtudlo, ug gipakigbahin nga mga kasinatian nga nakasentro sa mga baroganan sa katuyoan, plano, ug mohunong. Ang mga partisipante makatan-aw og mga bidyo, makaapil diha sa gagmay nga mga panaghisgot sa grupo, ug modawat og mahikap nga mga pahinumdom aron pag-abag sa mensahe diha sa panimalay. Kini nga mga kalihokan mahimong ipahigayon diha sa klase o sa ikalima nga Domiggo nga mga panagpundok, o sa mga kalihokan sa kabatan-onan, mga camp, o mga komperensiya. Sila kasagaran suportado sa mga lider sa kabatan-onan, sa mga sakop sa bishopric, ug sa mga kabatan-onan mismo. Alang sa dugang nga tabang, palihog tan-awa sa Mga Kapanguhaan sa Pagtudlo diha sa giya sa Pagdumala sa Teknolohiya.
Alang sa mga Ginikanan sa mga bata nga nag-pangidaron sa Primary, palihog tan-awa ang Pagkontrol sa Paggamit sa Teknolohiya: Usa ka Giya alang sa mga Ginikanan ug Kabataan sa Primary ubos sa "Pagtudlo sa mga Bata" diha sa "Mga Bata" nga seksiyon sa Librarya sa Ebanghelyo.
Sampol nga mga Butang nga Tukion
Kini nga mga kalihokan mahimong mapahaom ngadto sa bisan unsa nga format. Kini mahimong ang nag-unang katuyoan sa panagpundok, o kini mahimong usa ka mubo nga kabahin sa mas dakong kalihokan o leksiyon. Sa ubos mao ang usa ka ehemplo nga latid alang sa tukion nga mahimong han-ayon sa bisan unsang paagi kon gikinahanglan.
-
Tan-awa ngadto sa Librarya sa Ebanghelyo nga lokasyon sa kapanguhaan.
-
Paghimo og usa ka panaghisgotan sa grupo (tan-awa sa leksiyon sa kabatan-onan o sa hamtong, Seksiyon V, alang sa mga pangutana sa grupo nga panaghisgotan)
-
Pagpili og pipila ka mga pangutana nga gusto nimong hisgotan ug suhiron sa grupo.
-
-
Pagtudlo og usa ka leksiyon o ipasalida ang pasiuna nga bidyo nga "Ang Hagit" (tan-awa sa mga leksiyon sa kabatan-onan o mga hamtong alang sa dugang impormasyon).
-
Ang mga Benepisyo ug mga Dili Maayong Epekto sa Teknolohiya
-
Mga Hagit sa Teknolohiya
-
Pagdumala sa Teknolohiya
-
Katuyoan: Paggamit sa teknolohiya nga adunay katuyoan
-
Plano: Pagplano daan alang sa mas maayong mga pagpili
-
Hunong og Kadali: Mopahulay kon gikinahanglan
-
-
Hisgoti ang mga solusyon o ipasalida ang ikaduha nga bidyo nga, "Remedies."
-
Paghatag og usa ka "Hagit sa Teknolohiya" alang sa semana:
-
Pagpili og usa ka butang nga tuyoon sa pagbuhat, planohon, o hunongon niining semanaha.
-
Awhaga ang mga pamilya nga hisgotan kini diha sa ilang panimalay.
-
-
Maghisgot og uban pang makatabang nga mga kapanguhaan
-
Ang pagbutang niini nga mga sticker diha sa mga botelya sa tubig, mga casing sa cellphone, mga laptop, o sa mga salamin mahimong magsilbi nga mga pahinumdom sa kada adlaw aron sa pagmentinar og adunay katuyoan, mahunahunaon, ug balanse nga digital nga mga kinaiya. Adunay yano nga paagi sa pag-awhag sa grupo sa paghunong og kadali, pagplano, ug paggamit sa teknolohiya nga may katuyoan.
-
-
Malingaw sa mga meryenda
Media nga mga Asset sa Kalihokan
Ang mosunod mao ang media nga mga asset alang sa pagtuboy og usa ka kalihokan o alang sa pagpalambo sa kasayoran sa produkto. Palihog rebyoha ang giya sa estilo alang sa dugang impormasyon kabahin sa paggamit ug aplikasyon sa mga asset.
Giya sa Estilo
Mga Hulagway nga adunay Kabatan-onan
[Aron ma-dowload ang imahe: palihog i-right click ang imahe aron sa pag-save ug pag-download.]