Agplano

Kaay-ayok ti agtokar iti gitara, ken medio nalaingak iti daytoy. Tunggal adda dumteng a maysa a pabuya a pagtokarak, ammok a nasken nga agpraktis ken agplanoak a nasaksakbay. Kasta met laeng iti teknolohia: no agplanoak a nasaksakbay, nasaysayaat ti riknak ken nasaysayaat dagiti piliek.

Napanunotko ti sumagmamano a simple a pagannurotan a makatulong kaniak nga agtalinaed iti planok:

• Ikkak ti bagik ti inaldaw a limitasion iti oras a panagusar kadagiti elektroniko a gadyet (screen time).

• “I-follow” ken kontakek laeng ti nasinged a kapamilia ken gagayyem.

• Adda dagiti lugar iti pagtaengak nga awanan-iti-gadyet (free device), kas iti kuartok ken baniok.

• Mangipuestoak iti maysa a charging station ti pamilia, tapno adda mausar a pagisaksakan dagiti device ti tunggal maysa ken awan a mamagun-od dagiti device iti rabii.

• Usarek dagiti filter tapno malapdan dagiti saan a maitutop wenno saan a natalged nga aplikasion ken linaon (content).

Awan ti nalawag nga umno wenno biddut a desision para iti tunggal pili a maramidko a mainaig iti teknolohia. Ngem makatulong ti nasaksakbay a panagplano. Ken mabalinko pay ti makisarita kadagiti gagayyem ken pamiliak maipapan kadagiti kapanunotanda.

Para iti Pigsa dagiti Agtutubo: Maysa a Pangiwanwan iti Panagpili