“Faasoaina Atu o Upumoni o le Talalelei i le Alofa ma le Nofouta,” Tomai i Suesuega o Tusitusiga Paia (2024)
Faasoaina atu o Upumoni o le Talalelei i le Alofa ma le Nofouta
Faamatala
Mafaufau e faasoa atu le saunoaga lenei mai ia Peresitene M. Russell Ballard:
E le tatau ona tatou faatoese atu mo o tatou talitonuga pe fetuutuunai mea ua tatou iloa e moni. Ae e mafai ona tatou faasoa atu i se agaga o le malamalama alofa. (M. Russell Ballard, “How Is It with Us?,” Ensign, May 2000, 33)
Tufa atu pepa e tufa nei, ma faitau mataupu faavae taiala mo le faasoaina atu o upumoni o le talalelei i le alofa ma le nofouta.
Faasoaina atu o Upumoni o le Talalelei i le Alofa ma le Nofouta
Aoao atu upumoni ma le alofa. E ui lava e le manaomia ona tatou faatoese atu pe lagona le lē toafimalie i le faasoaina atu o o tatou talitonuga, ae i lo tatou manao ina ia lototoa, atonu o nisi taimi tatou te fesootai atu ai i ni auala e le alofaina. E mafai ona e tatalo mo se fesoasoani e fesootai atu ai lou alofa mo isi a o faasoa atu upumoni o le talalelei. E mafai ona e fesili ifo ia te oe lava, E mafai faapefea ona ou faasoa atu lenei upumoni i le agalelei ma le alofa?
Faalogo ia malamalama. Saili ma le manatunatu loloto ia malamalama i tulaga, manatunatuga, ma manatu o isi. Ia iloa atonu latou te vaai i se aoaoga o le talalelei, fesili, po o se faafitauli e ala i se tioata o aafiaga e ese mai ia te oe lava ia. Atonu e te fesili ifo ia te oe lava, O le a se mea ou te iloa e uiga i lenei tagata e mafai ona uunaia ai le ala ou te faasoa atu ai lenei upumoni?
Ia lotomaualalo ma faaaloalo. Ia iloa ma faailoa tapulaa i lou lava malamalama. Mafaufau i mea ua faaalia mai ma mea e lei faaalia mai e le Alii. Faataga ni auala eseese e faaaoga ai mataupu faavae moni. Faaali atu le faaaloalo mo isi e i ai isi talitonuga ma manatu. Mafaufau e fesili ifo ia te oe lava, E mafai faapefea ona ou faaaloalo i isi o e ese ni manatu ma ni auala e mafaufau ai e uiga i lenei upumoni o le talalelei?
Faataitaiga
Mafaufau e faaaoga le faataitaiga lenei po o se tasi o ou lava faataitaiga e faataitai ai lenei tomai.
Faamalamalama atu o se tasi o upumoni e mafai ona tatou aoao mai le Mataupu Faavae ma Feagaiga 21:4–5 e faapea ua poloaiina i tatou e le Alii ia maua upu a perofeta i le onosai ma le faatuatua. Faataitai pe faapefea ona faasoa atu lenei upumoni i le alofa ma le nofouta i le tulaga faataitai lenei: Ua e matauina o se tasi o ou tei sa talanoa ma se faatuatua muamua e uiga i le perofeta ae o lenei ua talanoa lē lelei e uiga ia te ia ma nisi o ana aoaoga.
|
Faasoaina atu o upumoni o le talalelei e aunoa ma le alofa ma le nofouta |
Fesili e manatunatu ai |
Faasoaina atu o upumoni o le talalelei i le alofa ma le nofouta |
|---|---|---|
Faasoaina atu o upumoni o le talalelei e aunoa ma le alofa ma le nofouta “E te le o mulimuli i le poloaiga a le Alii ia talia upu a le perofeta i le onosai ma le faatuatua atoa.” | Fesili e manatunatu ai E mafai faapefea ona ou faasoa atu lenei upumoni i le agalelei ma le alofa? | Faasoaina atu o upumoni o le talalelei i le alofa ma le nofouta “Sa ou mafaufau i lenei taeao e uiga i se mea sa ma talanoa ai e uiga i le isi aso. E mafai ona ou faasoa atu ia te oe se aafiaga na ou oo i ai lea na aoaoina ai au i le taua o le mulimuli i le perofeta i le onosai ma le faatuatua?” |
Faasoaina atu o upumoni o le talalelei e aunoa ma le alofa ma le nofouta “O le mulimuli i le perofeta i le onosai ma le faatuatua o lona uiga e te le faitioina o ia po o ana aoaoga.” | Fesili e manatunatu ai O le a se mea ua ou iloa e uiga i lenei tagata e mafai ona uunaia ai le ala ou te faasoa atu ai lenei upumoni? E mafai faapefea ona ou faaaloalo i isi o ē e i ai isi vaaiga ma auala e mafaufau ai e uiga i lenei upumoni o le talalelei? | Faasoaina atu o upumoni o le talalelei i le alofa ma le nofouta “E tele ni tatou talanoaga i le taimi ua tuanai lea na e faaalia ai lou alofa ma le lotofaafetai mo le perofeta. Talu ai nei sa ou matauina ai e foliga mai e sili atu ona e faitio ia te ia ma nisi o ana aoaoga. E mafai ona e fesoasoani mai ia ou malamalama i le mea ua suia?” |
Faataitai
Atiina a’e se tulaga faataitai e faavae i se upumoni faatusi paia mai talanoaga a le vasega o lenei vaiaso, pe faaaoga se tasi o faataitaiga o loo tuuina atu i lalo. E mafai e tagata aoga ona faaaoga mataupu faavae taiala mai le pepa e tufa atu e talanoaina ai pe faatino i ni vaega toalaiti pe mafai faapefea ona latou faasoa atu se upumoni o le talalelei i le alofa ma le nofouta.
Fuaitau faaopoopo mo le faataitaia o lenei tomai:
-
Upumoni: Ona e alofa le Atua i tagata uma, o mea uma Na te faia e mo lo latou manuia silisili (tagai i le 2 Nifae 26:24).
-
Vaaiga Faataitai: O se tagata faigaluega e le’i leva ona tupu ai se faalavelave faaleaiga ua masalosalo i le alofa o le Atua ma atonu foi e faapena i Lona soifua ai.
-
-
Upumoni: O le faaipoipoga i le va o se alii ma se tamaitai ua faauuina e le Atua (tagai Kenese 2:18–24; 1 Korinito 11:11; Mataupu Faavae ma Feagaiga 49:15–17).
-
Vaaiga Faataitai: O se tuaoi, o lē ua faailoa mai o se tsi e tosina atu i le itupa tutusa, ua fesili atu ia te oe pe aisea ua aoao mai ai e lau ekalesia e faapea o le faaipoipoga e tatau ona na o le va lava o se alii ma se tamaitai.
-
-
Upumoni: O le Ekalesia a Iesu Keriso o le Au Paia o Aso e Gata Ai ua pau lea o le ekalesia moni ma ola e tasi i luga o le lalolagi atoa (tagai i le Mataupu Faavae ma Feagaiga 1:30).
-
Vaaiga Faataitai: O se uo, e malosi tele i se isi lotu, na tuuina i luga le fesili lenei i luga o ala o faasalalauga faaagafesootai: “Aisea e fai mai ai Mamona ua na o le pau lea o le ekalesia e moni?”
-
Valaaulia ma Toe Tulitatao
Valaaulia tagata aoga e faasoa atu upumoni o le talalelei i le alofa ma le nofouta i a latou talanoaga faaletalalelei ma isi. Manatua e toe tulitatao i vaiaso a sau e ala i le valaaulia o tagata aoga e faasoa mai o latou aafiaga i le vasega. E mafai ona e fesili i le vasega po o le a le mea na lelei ona fai ma po o le a le mea na faigata. Vaavaai mo avanoa e faaauau ai ona faataitai lenei tomai i le vasega.