« Nō te aha ’aita e ti’a i te feiā fa’atere ’ia fa’aitoito i te fa’aipoipora’a tāne ’e vahine nō te feiā e nā roto nei i te fa’ahina’arora’a ta’ata nō tō rātou iho āpeni ’e ’aore rā, ’o tē parau nei e homo’āpeni rātou ? » Te fa’ahina’arora’a ta’ata nō tōna iho ’āpeni : Feiā fa’atere o te ’Ēkālesia (2020)
« Nō te aha ’aita e ti’a i te feiā fa’atere ’ia fa’aitoito i te fa’aipoipora’a tāne ’e vahine nō te feiā e nā roto nei i te fa’ahina’arora’a ta’ata nō tō rātou iho āpeni ’e ’aore rā, ’o tē parau nei e homo’āpeni rātou ? » Te fa’ahina’arora’a ta’ata nō tōna iho ’āpeni : Feiā fa’atere o te ’Ēkālesia
Nō te aha ’aita e ti’a i te feiā fa’atere ’ia fa’aitoito i te fa’aipoipora’a tāne ’e vahine nō te feiā e nā roto nei i te fa’ahina’arora’a ta’ata nō tō rātou iho āpeni ’e ’aore rā, ’o tē parau nei e homo’āpeni rātou ?
E ’ere te fa’aipoipora’a i te rā’au
« ’Aita tātou e a’o nei i te mau ta’ata ē te fa’aipoipora’a tāne ’e vahine ē e rā’au nō te mau ma’i ato’a. E ’ite ’outou i roto i te tahi o teie mau ’ohipa tei fa’ati’ahia i ni’a i teie tahua natirara ē ’ua riro te reira ’ei ’ohipa manuia ’eiaha rā nō te tā’āto’ara’a, ’e ’aore rā ’ua fa’a’ite te tahi mau ta’ata i te manuia tā rātou i ’ite i roto i te fa’aipoipora’a ’e i roto i te aupurura’a i te hō’ē ’utuāfare ’e te ’oa’oa ’e te mau mea ato’a tei fa’a’ī ’e tei ha’amaita’i i tō rātou orara’a ’ei fa’ahope’ara’a. Terā rā, ’ua ’ite tātou ē e ’ere mai te reira i te mau taime ato’a. ’E e ’ere i te mea manuia noa. I te tahi taime e mea ’ino roa. Tē mana’o nei mātou ē, ’o te tahi mea teie tā te ta’ata tāta’itahi e nehenehe e hi’opo’a, ’e e nehenehe tā rātou e ’āparau i te feiā fa’atere o te autahu’ara’a ’e i te ’utuāfare ’e ia vetahi ato’a, ’a rave atu ai i te mau fa’aotira’a. ’Aita rā tātou e rave noa i te ti’ara’a hō’ē noa nō te parau ē, ‘’Ē, i te mau taime ato’a,’ ’aore rā ‘’Aita, i te mau taime ato’a’ » (D. Todd Christofferson, « Purpose of This Website [Te fā a teie tahua natirara] », ChurchofJesusChrist.org).