Unsaon sa mga Bata sa Pagpadayon sa Relasyon ngadto sa Nabilanggo nga Ginikanan?

Ang kada sitwasyon managlahi, ug ang matag pamilya kinanghalan mohukom alang sa ilang kaugalingon. Sa ubang mga sitwasyon sa pag-abuso o ubang mga krimen, tingali dili angay sa usa ka ginikanan ang pagpadayon sa relasyon sa iyang mga anak. Ang mga ginikanan kinahanglan nga mainampoong maghunahuna sa labing maayong paagi alang sa ilang pamilya samtang mangayo sila og tambag gikan sa kasaligan nga mga higala, mga lider sa Simbahan, ug mga propesyonal sa pagsuporta sa pamilya. Kon ang mga bata anaa na igong edad, ang ilang mga pagbati kinahanglang ikonsiderar. Ang mga lakang sa pagpalig-on sa nadaot nga relasyon kinahanglan nga himoon, apan ang tukmang panahon sa matag lakang kinahanglan nga ikonsiderar. Ang pailob usa ka hiyas nga mopanalangin sa relasyon. Kon angay ang pagpadayon ug pagpalambo sa relasyon, ang kasaligan nga mga hamtong makatabang sa mga bata sa paghimo og plano sa pagpadayon.