Nói og fjölskylda hans

Nói og fjölskylda hans hlýddu Drottni. Allir aðrir voru afar ranglátir. Drottinn sagði Nóa frá flóði sem myndi sökkva jörðinni á kaf, ef fólkið iðraðist ekki.

1. Mósebók 6:5–13; HDP Móse 8:13–17

Nói kenndi fólkinu að Drottinn elskaði það og vildi að það iðraðist og hefði trú á Jesú Krist. Það hlustaði ekki.

HDP Móse 8:19–30

Nói var dapur yfir því að fólkið vildi ekki iðrast. Drottinn bauð Nóa að byggja stórt skip sem kallast örk. Örkin myndi veita fjölskyldu Nóa öryggi á meðan flóðinu varði.

1. Mósebók 6:14–18; HDP Móse 8:25

Fjölskylda Nóa hafði matföng með sér í örkinni. Drottinn sendi að minnsta kosti tvö dýr af öllum tegundum til Nóa. Dýrin fóru inn í örkina og sjö dögum síðar byrjaði að rigna.

1. Mósebók 18–22; 7:1–9

Það rigndi í 40 daga og 40 nætur, alveg eins og Drottinn hafði varað við. Flóðið sökkti jörðinni á kaf.

1. Mósebók 7:6–23

Fjölskylda Nóa og öll dýrin í örkinni flutu örugglega á vatninu.

1. Mósebók 7:24; 8:1–3

Þegar flóðinu lauk, lenti örkin á þurri jörð. Nói og fjölskylda hans byggðu altari til að tilbiðja Drottin og þakka honum fyrir að vernda þau. Drottinn lofaði að sökkva jörðinni aldrei á kaf aftur. Hann sendi regnboga sem áminningu um loforð sitt.

1. Mósebók 13–22; 9:8–17