O Mose ma le Gata Apamemea

Aoaoina ia maua le faatuatua i le Alii.

A o malaga Isaraelu i le vao, sa tele ina galo ia i latou le Alii ma faitio. Na auina mai e le Alii gata uogo e fesoasoani ia i latou ia lotomaualalo ma manatua o Ia. Sa utia e gata uogo ia tagata, ma e toatele tagata na maliliu.

Numera 21:1–6

E lei umi ae salamo tagata. Sa latou talosagaina Mose e tatalo ina ia aveese e le Alii ia gata uogo. E lei aveeseina e le Alii ia gata uogo. Ae sa Ia faia se ala mo tagata ina ia faaolaina ai pe afai e utia i latou.

Numera 21:7

Na ta‘u atu e le Alii ia Mose e fai se gata mai le apamemea ma faapipii i se pou. Pe a utia tagata ma tilotilo atu i le gata apamemea, sa laveaiina i latou e le Alii. Sa fesoasoani le Alii ia Isaraelu ia lotomaualalo ma faalagolago ia te Ia.

Numera 21:8–9; 1 Nifae 17:41; Helamana 8:14–15