Eritai E Kamaiua Naaman

Te tabo ae raroanako i Tiiria e maeka iai te mwaane ae arana Naaman. Bon te kaaben ae korakora n ana taanga ni buaka Tiiria. Ma Naaman iai aorakin kunna ae rang kammaraki ae aranaki bwa te rebera.

2 Uea 5:1

Ana toro buun Naaman bon te ataeinnaine ae kaain Iteraera. Te ataeinnaine iai ana onimaki iroun te Uea. E taku bwa ngkana Naaman e kona ni kawara te burabeti ae Eritai, Naaman e na kamarurungaki man aorakina.

2 Uea 5:2–4

Naaman e mwananga n te kawai ae abwabwaki ni kakaea Eritai. N ana iango Naaman ao e taku bwa e kona ni kamaiuaki man te kakai ae korakora.

2 Uea 5:5–8

Naaman e roko n ana auti Eritai ma ana toro, aoti, ao ana kaa ae te biti. Eritai e kanakoa ana toro bwa e na angan Naaman ana kaetieti te Uea. Te Uea e na kamaiua Naaman ngkana e kaitiakia ni Karaangan Ioretan itiua te tai.

2 Uea 5:9–10

Naaman e rang un ibukina bwa e tangira ana burabeti te Uea bwa e na otinako ao ni kamaiua n te tai ae waekoa. Naaman e ngurengure bwa Karangan Ioretan e aki rang n tamaroa n aron tamaroan karaangan Tiiria aika tamaroa.

2 Uea 5:11–12

Ma ana toro Naaman e titiraki bwa bukin tera Naaman e aki karaoa te tibwanga ae beebete. Ma e ngae ngke e aki boomaongina iroun Naaman, ana burabeti te Uea e a tia n tuangnga bwa e na karaoia.

2 Uea 5:13

Naaman e katoka a na kainikatonga ao e ongo iroun ana toro. E tebokia inanon te Karaanga are Ioretan itiua te tai. Imwiina te Uea e katoka aorakin Naaman, n aron are e taku Eritai. Naaman e ataia bwa Eritai bon te burabeti ao te Uea e bon koaua.

2 Uea 5:14–15