Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Osea: Dashuria dhe Mëshira e Zotit

“Osea: Dashuria dhe Mëshira e Zotit”, Manuali i Mësuesit të Seminarit për Dhiatën e Vjetër (2026)

“Osea: Dashuria dhe Mëshira e Zotit”, Manuali i Mësuesit të Seminarit për Dhiatën e Vjetër

Osea 1–6; 10–14; Joel: Mësimi 146

Osea

Dashuria dhe Mëshira e Zotit

Në librin e Oseas, Zoti e përdori martesën e Oseas me Gomeren si një simbol për t’i mësuar Izraelit rreth dashurisë së Tij besëlidhëse të pashtershme. Ashtu si Izraeli, hera-herës ne mund të largohemi nga Zoti dhe nga besëlidhjet tona me Të. Prapëseprapë, Jezu Krishti mbetet besnik dhe na do. Ky mësim mund t’i ndihmojë nxënësit të kuptojnë dashurinë dhe mëshirën e pashtershme të Zotit për ta.

Përgatitja e nxënësve: Ftojini nxënësit të mendojnë rreth përvojave që i kanë ndihmuar ata ta ndiejnë dashurinë dhe mëshirën e Zotit

Veprimtari të Mundshme të të Mësuarit

Të kujtuarit e Atit Qiellor dhe Jezu Krishtit

Për ta filluar orën mësimore, përgatitini nxënësit të lidhen në një mënyrë të përshtatshme me historinë e Oseas dhe Gomeres. Një mënyrë për ta bërë këtë është nëpërmjet një skenari si vijuesi.

Kaltra dhe Helena kanë një vit që janë shoqe të ngushta. Gjatë asaj kohe, ato kanë krijuar miqësi dhe e kanë përkrahur njëra-tjetrën nëpër kohët e vështira. Helena tregoi disa gjëra me të cilat ka vështirësi. Kaltra premtoi të mos ua tregonte ato gjëra njerëzve të tjerë. Megjithatë, para disa ditësh, Helena zbuloi se Kaltra u tregoi për vështirësitë e Helenës disa shokëve të tyre të tjerë.

Po të ishe Helena, çfarë mendimesh ose ndjenjash mund të kishe?
Përse mund të jetë e vështirë ta falësh Kaltrën?

Merreni parasysh të shpjegoni se ky është një shembull i mënyrës se si mund të ndihemi të tradhtuar ose të lënduar kur dikush e shkel një premtim. Ndërkohë që mund të reagojmë në mënyra jo të dobishme në këto situata, Zoti reagon ndryshe.

Libri i Oseas na mëson rreth një marrëdhënieje martesore. Në shkrimet e shenjta, Zoti e përdor shpesh martesën si një simbol për marrëdhënien tonë besëlidhëse me Të. Presidenti Rasëll M. Nelson dha mësim se besëlidhjet tona krijojnë “një marrëdhënie besëlidhëse në të cilën të dyja palët [ne dhe Zoti] kanë detyrimin të jenë besnikë dhe të besuar ndaj njëri‑tjetrit” (“Besëlidhja e Përjetshme”, Liahona, tetor 2022, f. 2).

Ndonjëherë, fëmijët e Perëndisë nuk janë besnikë ndaj Zotit dhe e humbasin udhën e besëlidhjeve të tyre me Të. Ndërsa e studion librin e Oseas sot, kërko mënyrën se si ndihet Zoti për popullin e besëlidhjes së Tij dhe si i përgjigjet atij edhe kur ai largohet prej Tij.

Osea dhe Gomera

Për t’i ndihmuar nxënësit ta kuptojnë historinë e Oseas dhe Gomeres, paraqitni ose përmblidhni paragrafin vijues.

Shihni pjesën Burime Shtesë të këtij mësimi te Gospel Library [Biblioteka e Ungjillit] për më shumë informacion rreth urdhërimit të Perëndisë për Osean për t’u martuar me Gomeren.

Osea ishte një profet në Mbretërinë Veriore të Izraelit, që profetizoi rreth të njëjtës kohë si Isaia. Zoti e urdhëroi Osean të martohej me Gomeren, pavarësisht faktit që ajo kishte qenë kurorëshkelëse dhe lavire. Osea dhe Gomera patën tre fëmijë së bashku (shih tek Osea 1:2–8).

Nëse dëshironi, mund të shpjegoni se Osea përfaqëson Zotin në lidhje me Gomeren, që përfaqëson popullin e Izraelit. Merreni parasysh të bëni dy kolona në tabelë. Emërtojeni njërën Osea përfaqëson Zotin dhe tjetrën Gomera përfaqëson Izraelin.

Lexo tek Osea 2:5, duke kërkuar atë që Osea tha sekishte bërë Gomera. “Nëna e tyre” i referohet Gomeres.

Si mund ta përfaqësojnë veprimet e Gomeres popullin e Izraelit?

Mund të shpjegoni se pabesia e Gomeres në martesën e saj besëlidhëse me Osean përfaqësonte pabesinë shpirtërore të Izraelit në marrëdhënien e tij besëlidhëse me Perëndinë. Nëse është e dobishme, nxënësit mund të lexojnë te 2 Mbretërve 17:14–16, duke kërkuar mënyrën se si i kishte shkelur Izraeli besëlidhjet e tij me Zotin.

Për t’i ndihmuar nxënësit të lidhen me shkrimet e shenjta, mund të bëni një pyetje si vijuesja. Renditini përgjigjet e nxënësve në tabelë nën titullin Gomera përfaqëson Izraelin.
Si largohen njerëzit në kohën tonë nga Zoti dhe besëlidhjet e tyre me Të?

Nxënësit mund të thonë për shembull, duke qenë tepër i ngarkuar për të gjetur kohë për Zotin, duke përdorur në mënyrë të papërshtatshme teknologjinë, duke i trajtuar keq të tjerët, duke vendosur gjëra të tjera përpara Zotit ose mëkate më të rënda. Nxënësit mund të reflektojnë mbi këtë listë ose mbi gjërat e tjera ndërsa përsiatin nxitjen vijuese.

Reflekto mbi mënyrat se si mund të tundohesh t’i shkelësh besëlidhjet e tua ose mënyrat se si mund të jesh duke u larguar nga besëlidhjet me Zotin.

Të mësosh rreth Zotit

Ftojini nxënësit të tregojnë pohime të vërtete që i shkruan në fletushkat e tyre. Ata mund t’i thonë me zë të lartë ose t’i shkruajnë thëniet e tyre në tabelë nën titullin Osea përfaqëson Zotin. Ata mund të shkruajnë të vërteta si vijueset:

Jezu Krishti është plot dashuri dhe mëshirë, edhe kur largohem prej Tij.
Jezu Krishti e fton popullin e besëlidhjes së Tij të pendohet dhe të zbatojë besëlidhjet e tij.

Ndërsa nxënësit shprehen, ju mund të bëni pyetje për ndjekjen e ecurisë për t’i ndihmuar ata të bëjnë lidhje të qarta me shkrimet e shenjta: “Cila pjesë e historisë ju ndihmoi ta mësoni këtë rreth Tij?” ose “Si e patë atë të vërtetë rreth Tij të ilustruar nëpërmjet Oseas?”

Para se të bëni pyetjen vijuese, mund t’i referoni nxënësit te lista në tabelë e mënyrave se si ne ndonjëherë largohemi nga Zoti dhe nga besëlidhjet tona me Të.

Si mund t’i ndihmojë ajo që po mëson rreth Zotit të rinjtë që ndihen të shkurajuar ose të turpëruar për shkak se janë larguar nga Zoti?

Para se të bëni pyetjen e radhës, mund të jetë e mençur t’i këshilloni nxënësit të mos tregojnë asgjë tepër personale, të tillë si mëkatet e mëparshme. Mund edhe të tregoni një përvojë nga vetë jeta juaj.
Në ç’mënyra e ke parë Zotin të demonstrojë dashurinë dhe mëshirën e Tij në jetën tënde ose në jetën e dikujt që ti njeh?

Demonstro kuptueshmëri

Kur nxënësit kanë një mundësi për të shpjeguar ose për të reflektuar mbi atë që kanë mësuar, kjo mund të ftojë Frymën e Shenjtë t’u japë atyre mësim më tej. Një mënyrë se si ata mund ta bëjnë këtë është veprimtaria vijuese e shkurtër me shkrim.

Zgjidh njërën nga veprimtaritë vijuese.

Shkruaj një mesazh. Mendo për dikë (mund të jesh ti) që mund të mendojë se është larguar së tepërmi nga Zoti për të marrë falje. Shkruaji një mesazh inkurajues këtij personi dhe tregoji atë që ke mësuar rreth Atit Qiellor dhe Jezu Krishtit që ti mendon se mund ta ndihmojë atë.
Shkruaj një përshkrim. Si do ta përshkruaje karakterin e Atit Qiellor dhe Jezu Krishtit në bazë të asaj që ke mësuar ose menduar sot?

Ju mund t’u tregoni nxënësve se ne, ashtu si Gomera, mund të zgjedhim ta pranojmë ftesën me dashuri të Zotit për t’u penduar dhe për t’u kthyer tek Ai pasi jemi larguar. Merreni parasysh ta mbyllni me dëshminë tuaj për Zotin.

Burime Shtesë

Osea 1:2–3; 2:5. A e urdhëroi me të vërtetë Perëndia një profet të martohej me një lavire?

Keri Mjullstin, PhD dhe profesor i shkrimeve të shenjta të lashta në Universitetin “Brigam Jang”, shpalli:

“Disa kanë ngritur dyshime nëse martesa e Oseas me një lavire ishte e mirëfilltë apo vetëm një alegori. Shumë hollësi në libër tregojnë se kjo ishte martesë në kuptimin e mirëfilltë të fjalës, megjithëse nuk mund të jemi të sigurt.” (“Hosea 1”, The Essential Old Testament Companion: Key Insights to Your Gospel Study [2013], f. 476)

Ku ndryshon një besëlidhje nga një kontratë?

Presidenti Henri B. Ajring, i Presidencës së Parë, dha mësim sa vijon rreth përvojës së tij me mësimdhënien në një orë mësimore të seminarit në lidhje me librin e Oseas:

“Pata një ndjenjë të re se çfarë do të thotë të bësh një besëlidhje me Zotin. Gjithë jetën time kam dëgjuar që besëlidhjet të shpjegohen si një kontratë, një marrëveshje ku një person pranon të bëjë diçka dhe tjetri pranon të bëjë diçka tjetër në shkëmbim.

Për më shumë arsye se sa mund të shpjegoj, gjatë atyre ditëve që jepja mësim mbi Osean, unë ndjeva diçka të re, diçka më të fuqishme. Kjo nuk ishte një histori rreth një marrëveshjeje biznesi midis ortakëve. … Kjo qe një histori dashurie. Kjo qe historia e një besëlidhjeje martese të lidhur nga dashuria, dashuria e palëkundur. Ajo çka ndjeva atëherë dhe është rritur me kalimin e viteve, ishte se Zoti, me të cilin jam i bekuar të kem bërë besëlidhje, më do mua dhe juve … me një qëndrueshmëri me të cilën unë vazhdimisht mahnitem dhe të cilën unë dua me gjithë zemrën time ta imitoj.” (“Covenants and Sacrifice” [fjalim i mbajtur në simpoziumin e Sistemit Arsimor të Kishës për Dhiatën e Vjetër, 15 gusht 1995])

A do të më falë Perëndia me të vërtetë kur largohem nga Ai?

Plaku Dejll G. Renland, i Kuorumit të Dymbëdhjetë Apostujve, dha mësim:

13:49

“Pavarësisht se sa kohë kemi qenë larg shtegut ose sa larg jemi endur, në çastin kur vendosim të ndryshojmë, Perëndia na ndihmon të kthehemi. Sipas këndvështrimit të Perëndisë, nëpërmjet pendimit të sinqertë dhe shkuarjes përpara me vendosmëri në Krisht, pasi të kthehemi në shteg, do të jetë sikur të mos ishim larguar kurrë.” (“Zgjidhni Sot”, Liahona, nëntor 2018, f. 106)

Presidentja Emili Bell Friman, Presidente e Përgjithshme e Të Rejave, dha mësim:

10:24

“Dua të jetoj në një marrëdhënie të zotuar e besëlidhëse me [Perëndinë].

Ndoshta këtë doni edhe ju. Fillojeni nga aty ku jeni. Mos lejoni që gjendja juaj t’ju pengojë. Mos harroni, ritmi ose vendndodhja në shteg nuk janë aq të rëndësishme sa përparimi. Kërkojini dikujt që i mirëbesoni, i cili ose e cila është në shtegun e besëlidhjeve, t’ju njohë me Shpëtimtarin që ai ose ajo ka arritur të njohë. Mësoni më shumë për Të. Investoni në marrëdhënie duke hyrë në besëlidhje me Të. Nuk ka rëndësi mosha juaj apo gjendja juaj. Ju mund të ecni me Të.” (“Ecja në një Marrëdhënie Besëlidhëse me Krishtin”, Liahona, nëntor 2023, f. 79)

Veprimtari Plotësuese të të Mësuarit

Një shembull i dashurisë besëlidhëse

Pasi ta plotësojnë fletushkën, mund t’i ftoni nxënësit të shohin “Enduring Love” [“Dashuri që Zgjat”] (4:16), duke kërkuar se si mund të duket dashuria besëlidhëse. Më pas, mund të bëni pyetjen vijuese:

4:16

Si mund të na mësojnë shembujt e këtij bashkëshorti dhe të Oseas se si mund të duket dashuria besëlidhëse e Zotit për ne?

Hesed: një lloj i veçantë dashurie

Për t’i ndihmuar nxënësit ta kuptojnë më mirë dashurinë besëlidhëse të Zotit, mund të tregoni thënien vijuese nga Presidenti Rasëll M. Nelson:

“Fjala hesed është një term i pashoq që përshkruan një marrëdhënie besëlidhëse në të cilën të dyja palët kanë detyrimin të jenë besnikë dhe të besuar ndaj njëri‑tjetrit. …

Fjala hesed shpreh një lloj të veçantë dashurie e mëshire që Perëndia e ndien për ata që kanë bërë besëlidhje me Të, dhe ua ofron atyre. Dhe ne ia kthejmë atë hesed Atij.

Ngaqë Perëndia ka hesed për ata që kanë bërë besëlidhje me Të, Ai do t’i dojë ata. Ai do të vazhdojë të punojë me ta dhe t’u ofrojë mundësi për të ndryshuar. Ai do t’i falë ata kur pendohen. Dhe nëse e humbasin udhën, Ai do t’i ndihmojë ta gjejnë udhën e tyre të kthimit tek Ai.” (“Besëlidhja e Përjetshme”, Liahona, tetor 2022, f. 6)

Nëse dikush mendon se ka bërë shumë gabime për të marrë faljen, çfarë shihni në këtë thënie që mund t’u sjellë atyre shpresë?

Osea përdori fjalën hesed tek Osea 2:19; 4:1; 6:4, 6; 10:12; 12:6. Përkthyesit e Variantit të Mbretit Xhejms përdorën fjalë të ndryshme në anglisht për të përkthyer fjalën hesed.

Mirësi (Osea 2:19)
Mëshirë (Osea 4:1; 6:6; 10:12; 12:6)
Dashuri (6:4)

Ju mund t’i ftoni nxënësit t’i lexojnë ato vargje dhe të tregojnë pikëpamje të mëtejshme rreth dashurisë besëlidhëse të Zotit. Gjithashtu mund t’u kërkoni nxënësve të marrin parasysh mënyrat se si mund ta shprehim hesed-in tonë për Zotin.

Osea 2:5–8. Kërkimi i lumturisë në vendet e gabuara

Për t’i ndihmuar nxënësit të marrin parasysh se ku po kërkojnë lumturi, ju mund të shihni përvojën e Gomeres.

Lexoni tek Osea 2:5–8 dhe ndihmojini nxënësit të shohin se Osea po i siguronte tashmë Gomeres (vargu 8) atë që kërkonte nga besëlidhjet që la (vargu 5).

Jepni thënien vijuese nga Presidenti Rasëll M. Nelson:

18:44

“Por ja tek është e vërteta madhështore: Ndërkohë që bota këmbëngul se pushteti, pasuritë, popullariteti dhe kënaqësitë e mishit të sjellin lumturi, ato nuk ta sjellin! Nuk munden ta sjellin. Ajo që ato shkaktojnë, nuk është veçse një zëvendësuese e zbrazët për ‘gjendjen e bekuar dhe të lumtur të atyre që zbatojnë urdhërimet e Perëndisë’ [Mosia 2:41].

E vërteta është se është shumë më rraskapitëse që ta kërkoni lumturinë atje ku nuk mund ta gjeni kurrë! Sidoqoftë, kur viheni nën zgjedhë me Jezu Krishtin dhe bëni punën shpirtërore që kërkohet për ta mundur botën, Ai dhe vetëm Ai, e ka fuqinë t’ju ngrejë mbi ndikimin e kësaj bote.” (“Mundeni Botën dhe Gjeni Prehje”, Liahona, nëntor 2022, f. 97)

Përse është e vështirë të gjesh lumturi në gjërat që bota thotë se do të sjellin lumturi?
Në ç’mënyrë keni gjetur lumturi teksa kërkoni Jezu Krishtin dhe bëni çmos të jetoni ungjillin e Tij?