Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

1 Samuelit 1: “Zoti më Dha Atë që i Kisha Kërkuar”

“1 Samuelit 1: ‘Zoti më Dha Atë që i Kisha Kërkuar’”, Manuali i Mësuesit të Seminarit për Dhiatën e Vjetër (2026)

“1 Samuelit 1: ‘Zoti më Dha Atë që i Kisha Kërkuar’”, Manuali i Mësuesit të Seminarit për Dhiatën e Vjetër

Ruthit; 1 Samuelit 1–7: Mësimi 69

1 Samuelit 1

“Zoti më Dha Atë që i Kisha Kërkuar”

A e ke gjetur veten duke iu përgjëruar Atit Qiellor për një bekim që duket se kërkon durimin dhe besimin tënd? Ana, një grua izraelite e drejtë, dëshironte fort të kishte një fëmijë. Pavarësisht se dëshirat e saj fisnike mbeteshin të papërmbushura “çdo vit” (1 Samuelit 1:7), Ana vazhdoi të vepronte me besim dhe t’ia kërkonte Atit Qiellor këtë bekim. Lutjet e përulura të Anës morën përgjigje teksa ajo mori paqe, gëzim dhe një fëmijë që e quajti Samuel. Ky mësim mund t’i ndihmojë nxënësit të kuptojnë se Ati Qiellor do t’i dëgjojë lutjet e tyre të përulura dhe do t’i bekojë ata.

Përgatitja e nxënësve: Ftojini nxënësit të mendojnë për një përvojë kur ata ose dikush që ata e njohin, ka marrë një përgjigje ndaj lutjes. Nxënësit mund të përgatiten për ta treguar atë përvojë si pjesë të veprimtarisë së studimit.

Veprimtari të Mundshme të të Mësuarit

Kur duket se lutjet nuk marrin përgjigje

Pas një mësimi seminari për lutjen, një shoqe të afrohet dhe e pranon: “Unë lutem, por nuk jam e sigurt nëse lutjet marrin përgjigje”. Ndërsa ti flet, ajo të bën tri pyetje.

Si mund ta kuptoj nëse Ati Qiellor i dëgjon dhe u përgjigjet lutjeve të mia?
Cilat janë disa nga mënyrat se si Ati Qiellor u përgjigjet lutjeve?
Çfarë mund të bëj për t’i bërë lutjet e mia ndaj Atit Qiellor më kuptimplota?

Veprimtaria vijuese është një vetëvlerësim. Këto mundësi i lejojnë nxënësit të vlerësojnë kuptueshmërinë e tyre aktuale të të vërtetave që do t’i studiojnë në orën mësimore. Gjithashtu, mund t’i ndihmojnë nxënësit të shohin çfarë mund t’u nevojitet ose dëshirojnë të mësojnë.

Në një shkallë nga 1 (e ulët) deri në 5 (e lartë), vlerëso se me sa siguri ndien se mund t’i përgjigjesh secilës pyetjeje nga skenari.

Përzgjidh një pyetje për të cilën do të doje të mësoje më shumë sot. Shkruaje atë pyetje në ditarin tënd të studimit. Ndërsa studion, kërko udhërrëfimin e Shpirtit për të ndihmuar për përgjigjen e pyetjes që përzgjodhe.

Ana dëshiron fort një fëmijë

Në vendin e Efraimit, një izraelit i drejtë, i quajtur Elkanahu, jetonte me dy bashkëshortet e tij, Peninan dhe Anën (martesat me shumë bashkëshorte nuk ishin të pazakonta në atë kohë dhe ishin të pranueshme për Zotin).

Lexo te 1 Samuelit 1:1–8 duke kërkuar sfidat me të cilat po përballej Ana. (“Shemra” te vargu 6 mund të ketë qenë Penina.)

Çfarë gjete?
Nëse do të kaloje vështirësi me sfida vetjake si Ana, çfarë mund të mendoje ose ndieje?

Lexo te 1 Samuelit 1:9–20 dhe 2:1–2 duke kërkuar atë që bëri Ana në përgjigje të sfidave të saj.

Çfarë zbulove?
Çfarë mund të mësojmë rreth Atit Qiellor dhe lutjes nga ky tregim?

Nxënësit mund të japin një larmi mendimesh. Falënderojini ata dhe pyetini përse ajo që zbuluan, është e rëndësishme për ta ditur. Nëse nxënësit nuk e përmendin të vërtetën vijuese, shkruajeni atë në tabelë dhe pyesni se si historia e Anës është provë e saj: Ndërsa i bëjmë kërkesë Atit Qiellor në lutje të përulur, Ai na dëgjon dhe na bekon.
Cilat janë disa nga fjalët ose frazat te 1 Samuelit 1:9–20 që tregojnë se lutjet e Anës ishin të përulura dhe kuptimplota?
Sipas vargjeve 17–18, çfarë ngushëllimi i dha Zoti Anës ndërkohë që ajo po priste të bekohej me një fëmijë?

Ati Qiellor i dëgjon lutjet tona dhe na bekon

Mund ta përdorni veprimtarinë vijuese për ta thelluar kuptueshmërinë e nxënësve për të vërtetën që përcaktuan më lart, dhe për t’iu përgjigjur tri pyetjeve vijuese nga fillimi i mësimit. Një mënyrë për ta bërë këtë është të jepni ose paraqitni udhëzimet më poshtë për secilën pyetje (A, B dhe C). Mund t’u jepni nxënësve mundësinë për të studiuar individualisht ose për të punuar në grupe të vogla me nxënësit e tjerë që përzgjodhën të njëjtën pyetje. Mund t’i vendosni gjithashtu nxënësit në grupe me tre veta, ku secili person ka përzgjedhur një pyetje të ndryshme për ta studiuar. Ata mund t’ia tregojnë grupit atë që gjetën.

Pyetja A: Si mund ta ndihmojë historia e Anës dikë të besojë se Ati Qiellor i dëgjon lutjet e tij dhe e bekon atë?

Përdor mjete të studimit të shkrimeve të shenjta të tilla si Udhëzuesi për Shkrimet e Shenjta dhe programi Gospel Library [Biblioteka e Ungjillit] për të gjetur disa fragmente të shkrimeve të shenjta ose një thënie nga një udhëheqës i Kishës që mund ta ndihmojë dikë të kuptojë se Ati Qiellor u përgjigjet lutjeve (për shembull, Jakob [Bibël] 1:5–6; Enosi 1:2–10; 3 Nefi 18:20; Doktrina e Besëlidhje 90:24).

Pyetja B: Si mund ta ndihmojë historia e Anës dikë të kuptojë disa nga mënyrat se si Ati Qiellor u përgjigjet lutjeve të tij?

Përdor mjete të studimit të shkrimeve të shenjta të tilla si Udhëzuesi për Shkrimet e Shenjta dhe programi Gospel Library [Biblioteka e Ungjillit] për të gjetur disa tregime nga shkrimet e shenjta ose një thënie nga një udhëheqës i Kishës që mund ta ndihmojë dikë të kuptojë disa nga mënyrat se si Ati Qiellor u përgjigjet lutjeve (për shembull, Lluka 22:39–44; 2 Korintasve 12:7–9; Mosia 24:10–16; Doktrina e Besëlidhje 6:22–23; 8:2–3).

Pyetja C: Si mund ta ndihmojë historia e Anës dikë të përpiqet t’i bëjë lutjet e tij më të përulura dhe më kuptimplota?

Përdor mjete të studimit të shkrimeve të shenjta të tilla si Udhëzuesi për Shkrimet e Shenjta dhe programi Gospel Library [Biblioteka e Ungjillit] për të gjetur disa fragmente të shkrimit të shenjtë ose një thënie nga një udhëheqës i Kishës që mund ta ndihmojë dikë që dëshiron t’i bëjë lutjet e tij më të përulura dhe më kuptimplota (për shembull, Enosi 1:2–10; Alma 5:45–46; Ethëri 3:1–5; Doktrina e Besëlidhje 46:30).

Demonstro kuptueshmëri

Për t’i ndihmuar nxënësit ta tregojnë atë që kanë mësuar dhe ndier sot, ata mund të bashkohen me dikë që studioi një nga pyetjet e tjera dhe t’i japin mësim njëri-tjetrit. Mund ta thelloni diskutimin duke i ftuar nxënësit t’ia tregojnë mendimet e tyre klasës dhe t’i inkurajoni nxënësit që i studiuan pyetjet e tjera, për të shtuar ide shtesë.

Ndërsa e përmbyllni orën mësimore, sigurojini nxënësit që, ashtu si Ana, ndonjëherë ne duhet të presim që Ati Qiellor t’u përgjigjet lutjeve tona. Në mënyrën dhe kohën e Tij, Ati Qiellor i dëgjon vërtet lutjet e tyre dhe do t’i bekojë ata.

Burime Shtesë

Si mund t’i bëjmë më kuptimplota lutjet tona?

Presidenti Rasëll M. Nelson dha mësim:

20:27

“Çfarë urtësie ju mungon? Çfarë mendoni se keni nevojë të ngutshme për të ditur ose kuptuar? Ndiqni shembullin e Profetit Jozef. Gjeni një vend të qetë ku mund të shkoni rregullisht. Përuleni veten përpara Perëndisë. Hapjani zemrën Atit tuaj Qiellor. Drejtojuni Atij për përgjigje e ngushëllim.

Lutuni në emrin e Jezu Krishtit për shqetësimet tuaja, frikën tuaj, dobësitë tuaja – po, pikërisht dëshirat e zemrës suaj. Dhe më pas dëgjoni! Shkruajini mendimet që ju vijnë në mendje. Shënojini ndjenjat dhe pasojini me veprimet që nxiteni t’i bëni. Kur e përsëritni këtë proces ditë pas dite, muaj pas muaji, vit pas viti, ju do të ‘rriteni drejt parimit të zbulesës’.

A do Perëndia vërtet të flasë me ju? Po!” (“Zbulesë për Kishën, Zbulesë për Jetën Tonë”, Liahona, maj 2018, f. 95)

Plaku Dejll G. Renland, i Kuorumit të Dymbëdhjetë Apostujve, shpjegoi:

14:39

“Kur e kemi parasysh mirësinë e Atit tonë Qiellor dhe Jezu Krishtit, mirëbesimi ynë tek Ata rritet. Lutjet tona ndryshojnë ngaqë e dimë se Perëndia është Ati ynë dhe ne jemi fëmijët e Tij. Ne nuk kërkojmë ta ndryshojmë vullnetin e Tij, por që ta përputhim vullnetin tonë me vullnetin e Tij dhe të sigurojmë për veten tonë bekimet që Ai dëshiron të na i japë, me kushtin që ne t’i kërkojmë ato. Ne përpiqemi të jemi më të përulur, më të pastër, më të palëkundur, më shumë si Krishti. Këto ndryshime na kualifikojnë për bekime të tjera qiellore.” (“Kini Parasysh Mirësinë dhe Madhështinë e Perëndisë”, Liahona, maj 2020, f. 43)

Presidenti Xhefri R. Holland, i Kuorumit të Dymbëdhjetë Apostujve, na kujtoi:

14:11

“Kurrë, asnjëherë mos e dyshoni [dashurinë e Perëndisë për ju] dhe kurrë mos e ngurtësoni zemrën tuaj. Plot besnikëri vazhdoni praktikat e përkushtuara, të sprovuara nga koha, të cilat e sjellin Shpirtin e Zotit në jetën tuaj. Kërkoni këshillën e atyre që mbajnë çelësa për mirëqenien tuaj shpirtërore. Kërkojini dhe mbajini të gjalla bekimet e priftërisë. Merreni sakramentin çdo javë dhe mbahuni fort tek premtimet përkryese të Shlyerjes së Jezu Krishtit. Besoni te mrekullitë. Kam parë shumë prej tyre të vijnë kur çdo tregues tjetër do të thoshte se shpresa ishte humbur. Shpresa nuk humbet kurrë. Nëse ato mrekulli nuk vijnë shpejt ose plotësisht, apo duket s’e nuk vijnë aspak, kujtoni shembullin e pikëlluar të vetë Shpëtimtarit: nëse kupa e hidhur nuk hiqet, pijeni atë dhe jini të fortë, duke pasur besim për ditë më të mira përpara.” (“Si një Vazo e Thyer”, Liahona, nëntor 2013, f. 41)

Veprimtari Plotësuese të të Mësuarit

Ndiejeni fuqinë e lutjes

Materiali filmik “I Pray When … #didyouthinktopray” [“Unë Lutem Kur … #lutjenaethe”] (1:56) mund t’i ndihmojë nxënësit të përsiatin rastet kur mendojnë të luten. Merreni parasysh të siguroni letra dhe shenjues dhe t’i ftoni nxënësit të krijojnë tabelën e tyre #lutjenaethe. Nxënësit mund të bëjnë një përmbledhje të materialeve filmike të orës mësimore dhe ta publikojnë atë në rrjetet sociale.

1:56

Materiali filmik “God Wants You to Pray” [“Perëndia Dëshiron që Të Luteni”] (3:28) mund t’i ndihmojë nxënësit të kuptojnë se nuk ka asnjëherë, asnjë gjë që mund të bëjnë, që do t’i bënte ata të padenjë për t’iu lutur Atit Qiellor.

3:29

Ana ia përkushton Samuelin Zotit

Mund t’u duket e çuditshme nxënësve që Ana premton t’ia japë fëmijën e saj, Samuelin, Zotit. Ndihmojini nxënësit të kuptojnë parimin e përkushtimit që është premtimi ynë për t’i dhënë Atit Qiellor gjithçka me të cilën Ai na ka bekuar për qëllimet e Tij (shihni te “Consecration” [“Përkushtimi”], tek Topics and Questions [Tema dhe Pyetje]). Mund t’i ftoni nxënësit të bëjnë një listë në tabelë të bekimeve që Zoti u ka dhënë atyre. Më pas ftojini nxënësit të diskutojnë mënyrën se si mund ta japin ose përkushtojnë çdo send për Zotin, për të përmbushur qëllimet e Tij. Nxënësit mund të studiojnë më pas te 1 Samuelit 2:18–21, duke kërkuar mënyrën se si i bekoi Zoti Anën dhe Elkanahun për gatishmërinë e tyre për t’ia dhënë Samuelin Zotit. Samueli do të bëhej profeti i Zotit për Izraelin.

1 Samuelit 2:1–10: Psalmi i Anës

Për t’i ndihmuar nxënësit të tregojnë kuptueshmërinë e tyre që Ati Qiellor u përgjigjet lutjeve, mund t’i ftoni nxënësit të studiojnë psalmin e Anës te 1 Samuelit 2:1–10. Nxënësit mund të kërkojnë fjalë dhe fraza që tregojnë atë që mësoi Ana rreth Zotit nëpërmjet përvojës së saj. Më pas, ftojini nxënësit të krijojnë psalmin e tyre në ditarët e studimit. Nxënësit mund të shkruajnë atë që kanë mësuar rreth Atit Qiellor, Jezu Krishtit dhe fuqisë së lutjes.