Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 5–6: Bërja e Vullnetit të Zotit, Pavarësisht nga Rezultati

“Eksodi 5–6: Bërja e Vullnetit të Zotit, Pavarësisht nga Rezultati”, Manuali i Mësuesit të Seminarit për Dhiatën e Vjetër (2026)

“Eksodi 5–6: Bërja e Vullnetit të Zotit, Pavarësisht nga Rezultati”, Manuali i Mësuesit të Seminarit për Dhiatën e Vjetër

Eksodi 1–6: Mësimi 40

Eksodi 5–6

Bërja e Vullnetit të Zotit, Pavarësisht nga Rezultati

The Old Testament prophet Moses and his brother Aaron standing in the Court of the Pharaoh of Egypt. Moses and Aaron are petitioning for the release of the Israelites from bondage. A guard is standing by the Pharaoh.

Pasi Zoti e thirri atë për të çliruar Izraelin nga robëria në Egjipt, Moisiu i kërkoi faraonit ta lejonte popullin e Zotit të shkonte. Faraoni refuzoi dhe përkundrazi e shtoi barrën e izraelitëve. Pavarësisht nga reagimi i faraonit, Moisiu vazhdoi ta ndiqte atë që Zoti i kërkoi të bënte. Ky mësim mund t’i ndihmojë nxënësit të kuptojnë që premtimet e Zotit mund t’u japin shtysë që të bëjnë vullnetin e Tij, pavarësisht nga rezultatet e menjëhershme.

Përgatitja e nxënësve: Ftojini nxënësit të vijnë në orën mësimore të përgatitur për të dhënë përgjigjet e tyre për pyetjen vijuese: A e bën ndjekja e Jezu Krishtit jetën tuaj më të lehtë apo më të vështirë?

Veprimtari të Mundshme të të Mësuarit

Të Ndjekësh Jezu Krishtin

Ftojini nxënësit të marrin parasysh se si do të përgjigjeshin nëse dikush do t’u bënte pyetjen vijuese.

A e bën ndjekja e Jezu Krishtit jetën tënde më të lehtë apo më të vështirë?

Për ta diskutuar këtë pyetje, mund të shkruani Më të lehtë dhe Më të vështirë si tituj në tabelë dhe të renditni arsyet e nxënësve për përgjigjen e tyre nën kreun e duhur. Merreni parasysh t’i vini disa nxënës t’i shpjegojnë përgjigjet e tyre.

Moisiu i kërkon faraonit t’i çlirojë izraelitët

Nëse dëshironi, mund të vini në dukje se tek Eksodi 5–7, Moisiu dhe izraelitët mund të kenë pyetur veten nëse ndjekja e Shpëtimtarit e bën jetën më të lehtë apo më të vështirë. Për t’i ndihmuar nxënësit ta kuptojnë kontekstin e kapitujve tek Eksodi 5–7, merreni parasysh t’i ftoni anëtarët e klasës të tregojnë atë që mbajnë mend rreth Moisiut dhe fëmijëve të Izraelit nga Mësimi 39: “Eksodi 2–4”. Nëse është e nevojshme, ftojeni një nxënës që të lexojë përmbledhjen vijuese.

Fëmijët e Izraelit kishin qenë në robërinë e egjiptianëve për shumë breza. Zoti e dëgjoi thirrjen e popullit të Tij dhe thirri Moisiun të ndihmonte për t’i çliruar nga robëria (shih tek Eksodi 3:9–10).

Lexo tek Eksodi 5:1–2, duke kërkuar se çfarë i thanë Moisiu dhe Aaroni faraonit nga Zoti.

Cila ishte përgjigjja e faraonit?

Merreni parasysh të shkruani në tabelë përgjigjen e faraonit: “Kush është Zoti?” Mund t’i pyesni nxënësit se përse kjo pyetje është e rëndësishme për ne që t’i përgjigjemi për vete. Pjesa e radhës e mësimit do t’i referohet kësaj pyetjeje.

Në zemërimin e tij, faraoni e bëri jetën e izraelitëve më të vështirë, duke ua shtuar barrën e punës së përditshme (shih tek Eksodi 5:6–9). Izraelitët u ankuan te Moisiu dhe Aaroni për shtimin e barrëve të tyre (shih tek Eksodi 5:20–21).

Po të ishe Moisiu, si mund të ishe ndier?

Lexo tek Eksodi 5:22–23, duke menduar rreth asaj se si mund ta përmbledhësh atë që po i thotë Moisiu Zotit.

Në ç’mënyrë mund të gjejmë lidhje me Moisiun tek Eksodi 5:22–23?

Nxënësit mund të tregojnë se si ndihen kur nuk shohin bekime të menjëhershme pasi i binden Zotit. Vlerësojini përgjigjet dhe ndjenjat e tyre.

Paraqitni vetëvlerësimin vijues dhe ftojini nxënësit t’i përsiatin përgjigjet e tyre.

Plotësoje fjalinë në vijim në një mënyrë që i reflekton më mirë ndjenjat e tua. Mund të përzgjedhësh më shumë se një përgjigje:

Kur nuk shoh bekime të menjëhershme pasi i bindem Atit Qiellor dhe Jezu Krishtit, unë ndihem …

Nëse nxënësit do të kishin dobi nga nxitjet për këtë vetëvlerësim, mund t’i shkruani për ta në tabelë disa prej fjalëve vijuese nga të cilat të zgjedhin: i acaruar, i pështjelluar, i zemëruar, i zhgënjyer, i vendosur, shpresëdhënës, vetbesues, plot paqe. Ata gjithashtu mund të shtojnë atë që mund të bëjnë në këtë situatë.

Ndërsa vazhdon të mësosh sot, kërko të vërteta rreth Jezu Krishtit që mund të të ndihmojnë ta ndjekësh Atë edhe kur është e vështirë dhe bekimet nuk janë të menjëhershme. Kushtoju vëmendje mbresave nga Fryma e Shenjtë që mund të të ndihmojnë në rrethanat e tua vetjake.

Premtimet e Zotit

Ndërsa nxënësit lexojnë fragmentet vijuese, merreni parasysh t’i ftoni ata t’i shenjojnë të gjitha thëniet në të cilat Zoti i referohet Vetes (thëniet që fillojnë me Unë, Unë jam, Unë do të dhe Unë kam). Shenjimi i shkrimeve të shenjta mund t’i ndihmojë nxënësit t’i vënë re dhe kujtojnë idetë dhe të vërtetat e rëndësishme që mësojnë.

Lexo tek Eksodi 6:1–8; 7:1–2, 5, duke kërkuar atë që i dha mësim Zoti Moisiut rreth Vetes së Tij.

Çfarë po mëson rreth Zotit nga premtimet e Tij për Moisiun?

Nxënësit mund t’i shkruajnë përgjigjet e tyre nën kreun “Kush është Zoti?” në tabelë. Përgjigjet e nxënësve mund të përfshijnë listën vijuese:

Ai është Perëndia i Plotfuqishëm (6:2–3).

Ai i kujton dhe i mban premtimet e Tij (6:3–5).

Ai premtoi t’i çlironte izraelitët nga robëria (6:6; 7:5), t’u jepte atyre vendin e Kanaanit (6:4, 8) dhe të ishte Perëndia i tyre (6:7)

Duke vazhduar të bësh vullnetin e Zotit

Kujto mënyrën se si u ndje Moisiu më parë. Lexo tek Eksodi 7:6 dhe shenjo atë që bënë Moisiu dhe Aaroni pasi mësuan nga Zoti dhe i dëgjuan premtimet e Tij.

Po të ishe Moisiu, cili prej premtimeve nga Zoti do të të kishte ndihmuar të ktheheshe te faraoni? Përse?
Çfarë të vërtete mund të mësojmë nga përvoja e Moisiut?

Duke përdorur fjalët e tyre, nxënësit mund të përcaktojnë një të vërtetë të ngjashme me vijuesen: Kur i besojmë Zotit dhe premtimeve të Tij, ne mund ta mirëbesojmë dhe ndjekim Atë edhe kur nuk shohim rezultate të menjëhershme.

Për t’i ndihmuar nxënësit të kuptojnë se si mund të zbatohet kjo e vërtetë në situatat me të cilat mund të përballen, merreni parasysh të jepni thënien vijuese. Nxënësit e gatshëm mund t’ia lexojnë secilin paragraf klasës me zë të lartë.

Plaku D. Tod Kristoferson, i Kuorumit të Dymbëdhjetë Apostujve, dha këshillë të rëndësishme për ne ndërsa presim bekimet e premtuara të Zotit:

13:17

“Disa i keqkuptojnë premtimet e Perëndisë, sikur ato nënkuptojnë se bindja ndaj Tij jep rezultate specifike sipas një programi të caktuar. Ata mund të mendojnë: ‘Nëse shërbej me zell në një mision me kohë të plotë, Perëndia do të më bekojë me një martesë të lumtur dhe me fëmijë’, ose ‘Nëse nuk i bëj detyrat e shkollës ditën e Shabatit, Perëndia do të më bekojë me nota të mira’, ose ‘Nëse paguaj të dhjetën, Perëndia do të më bekojë me atë punë që kam dëshiruar’. … Ne nuk duhet ta mendojmë planin e Perëndisë si një makinë shitëse kozmike ku ne 1) përzgjedhim një bekim të dëshiruar, 2) futim shumën e kërkuar të veprave të mira dhe 3) porosia dorëzohet menjëherë.

Perëndia njëmend do t’i nderojë besëlidhjet dhe premtimet e Tij ndaj secilit prej nesh. Nuk kemi përse shqetësohemi për këtë. Fuqia shëlbuese e Jezu Krishtit … siguron se Perëndia mundet dhe do t’i përmbushë premtimet e Tij. Është thelbësore që ne t’i nderojmë dhe t’u bindemi ligjeve të Tij, por jo çdo bekim që bazohet te bindja ndaj ligjit, formësohet, projektohet dhe i përcaktohet një kohë sipas pritshmërive tona. Ne bëjmë më të mirën tonë, por duhet t’ia lëmë Atij administrimin e bekimeve, si materiale edhe shpirtërore.” (“Marrëdhënia Jonë me Perëndinë”, Liahona, maj 2022, f. 78–79)

Çfarë të bëri përshtypje nga kjo thënie?

Kujtojuni nxënësve se një gjë që mësuam rreth Zotit është se Ai i mban mend dhe i mban premtimet e Tij (shihni tek Eksodi 6:3–5).

Shpjegoni se Zoti i përmbushi premtimet e Tij ndaj Moisiut (shihni tek Eksodi 20:2; Ligji i Përtërirë 7:6; 14:2; Jozueut 24:5–7, 13). Nëse keni kohë të mjaftueshme, mund t’i shkruani këto referenca në tabelë dhe t’i vini nxënësit të përkojnë përmbushjen me premtimin.

Ashtu siç Zoti i mësoi Moisiut më shumë rreth Vetes së Tij duke ia përsëritur premtimet e Tij, edhe ne mund ta njohim më mirë Zotin duke përcaktuar premtimet që na ka bërë Ai. Rishikimi i këtyre premtimeve mund të na ndihmojë t’i bindemi Atij, edhe nëse nuk marrim rezultate të menjëhershme.

Përcakto tre parime që të ka bërë Zoti në shkrimet e shenjta ose nga mësimet e kohëve të fundit nëpërmjet shërbëtorëve të Tij të zgjedhur. Mund të gjesh premtime te:

Fragmentet e zotërimit doktrinor ose shkrime të shenjta të tjera.
Materiali Për Forcën e Rinisë: Një Udhëzues për Bërjen e Zgjedhjeve.
Biseda të konferencave të përgjithshme të kohëve të fundit.

Pas një kohe të mjaftueshme, mund t’i ftoni nxënësit e gatshëm ta tregojnë atë që mësuan ose ndien ndërsa studiuan disa nga premtimet. Inkurajojini nxënësit të vazhdojnë të mirëbesojnë te Zoti pavarësisht nga rezultati i menjëhershëm.

Burime Shtesë

Si bekohem menjëherë kur nuk i shoh bekimet që kërkoj?

Motra Andrea Munjoz Spanausi, e Presidencës së Përgjithshme të Të Rejave, shpjegoi:

“Ndërsa edhe ju zgjidhni të kapeni pas besimit dhe shpresës për bekimet që kërkoni, do të shihni se Ati Qiellor dhe Jezu Krishti janë përherë me ju. Përherë. Ne mund të kemi shpresë te premtimet e Tij edhe kur bekimet specifike që po kërkojmë janë ende të paarritshme. Ne mund të qëndrojnë besnikë edhe ndërsa presim.” (“How Can We Continue to Have Faith When Promised Blessings Don’t Seem to Come?” YA Weekly, 29 prill 2022, ChurchofJesusChrist.org)

Çfarë mund të bëj kur bekimet nuk duket se vijnë nga bindja ime?

Plaku Dejll G. Renland, i Kuorumit të Dymbëdhjetë Apostujve, tregoi:

15:10

“Nëse një bekim i dëshiruar nga Perëndia nuk është marrë ende – prapëseprapë – nuk keni përse të merakoseni së tepërmi, duke pyetur veten se çfarë nevojitet të bëni tjetër. Në vend të kësaj, vërjani veshin këshillës së Jozef Smithit për t’i ‘bë[rë] me gëzim të gjitha gjërat që janë në fuqinë [tuaj]; dhe atëherë qëndrofshim të patundur, me sigurinë më të madhe, për të parë … që krahu i [Perëndisë] të zbulohet’ [Doktrina e Besëlidhje 123:17]. Disa bekime ruhen për më vonë, edhe për fëmijët më të guximshëm të Perëndisë.” (“Të Mbushur me Bekime”, Liahona, maj 2019, f. 72)

Çfarë duhet për të qenë një pasues i Jezu Krishtit?

Presidenti Xhefri R. Holland, i Kuorumit të Dymbëdhjetë Apostujve, shpjegoi:

13:6

“Për të qenë pasues i Jezu Krishtit, ndonjëherë një njeri duhet të mbajë një barrë … dhe të shkojë atje ku kërkohet sakrifica dhe vuajtja është e pashmangshme. Një i/e krishterë i/e vërtetë nuk mund ta ndjekë Mësuesin vetëm në ato çështje me të cilat ai ose ajo pajtohet. Jo. Ne e ndjekim Atë kudo, përfshirë, nëse është e nevojshme, në arena të mbushura me lot e telashe, ku ndonjëherë mund të qëndrojmë të vetëm fillikat.” (“Ngritur mbi Kryqin”, Liahona, nëntor 2022, f. 78)

Veprimtari Plotësuese të të Mësuarit

Fillim ndryshe

Për t’i ndihmuar nxënësit të shohin lidhjet ndërmjet jetës së tyre dhe kapitujve tek Eksodi 5–6, merreni parasysh ta filloni orën mësimore me një pyetje si:

Cilët janë disa shembuj të kënaqësisë së çastit ose llojeve të gjërave sipas kërkesës në të cilat keni qasje në jetën tuaj?

Mund të jepni thënien vijuese nga Presidenti Diter F. Uhtdorf, më parë i Presidencës së Parë.

“Ne jetojmë në një botë që ofron ushqim të shpejtë, mesazhe elektronike të çastit, filma sipas kërkesës dhe përgjigje të menjëhershme për pyetjet më të parëndësishmet apo më të thellat. Neve nuk na pëlqen të presim. Disa madje ndiejnë t’u rritet tensioni i gjakut kur radha e tyre tek ushqimorja lëviz më ngadalë se të tjerat pranë.” (“Vazhdoni me Durim”, Liahona, maj 2010, f. 56)

Në ç’mënyrë ngjason ose ndryshon kjo qasje ndaj marrjes së asaj që dëshirojmë me marrjen e bekimeve nga Perëndia?
Cilët janë disa shembuj të bekimeve që kërkojmë nga Perëndia, që mund të mos vijnë menjëherë?
Cilat janë disa mënyra se si ne mund të kemi dobi duke mos na u dhënë menjëherë bekimet që kërkojmë nga Perëndia?

Shembulli i Shpëtimtarit për bërjen e vullnetit të Atit të Tij

Nxënësit mund të mësojnë nga shembulli i Shpëtimtarit i ndjekjes me besnikëri të vullnetit të Atit Qiellor, pavarësisht nga rezultati. Nxënësit mund të lexojnë tek 3 Nefi 27:13 dhe të përcaktojnë arsyen përse Shpëtimtari erdhi në botë. Ftojini nxënësit të mendojnë për shembuj nga shkrimet e shenjta që tregojnë se Shpëtimtari bëri vullnetin e Atit pavarësisht nga pasojat negative afatshkurtra. Disa shembuj të mundshëm përfshijnë vargjet te Marku 3:1–6; 11:15–18; Lluka 22:41–44; Gjoni 11:43–53; 1 Nefi 19:9–10.

Mund t’i vini nxënësit të tregojnë atë që u bën përshtypje nga shembulli i Shpëtimtarit. Mund të diskutoni edhe se si të kujtuarit e shembullit të Shpëtimtarit mund të na ndihmojë kur e kemi të vështirë ta ndjekim vullnetin e Perëndisë.

Shembuj të tjerë të bërjes së vullnetit të Atit Qiellor

Nëse nxënësit mund të kenë dobi nga studimi i shembujve të tjerë të individëve që, si Moisiu, vazhduan të ishin besnikë në bërjen e vullnetit të Zotit edhe kur ishte e vështirë, mund t’i shkruani emrat vijues (ose emra të tjerë që ju vijnë në mend) në tabelë: Jozefi i Egjiptit, Nefi, Abinadi, Jozef Smithi.

Nxënësit mund ta tregojnë atë që mësojnë nga këta individë, që mund t’i ndihmojë ata kur u duket e vështirë të bëjnë gjënë e drejtë.

Artikuj nga revistat e Kishës

Për t’i ndihmuar nxënësit të shohin shembuj të ditëve të sotme të individëve që e bëjnë me besnikëri atë që Zoti u ka kërkuar të bëjnë pavarësisht nga rezultati i menjëhershëm, merreni parasysh t’i vini ata të lexojnë njërin ose të dy artikujt vijues:

“My Struggle with Anxiety at Church” [“Vështirësia Ime me Ankthin në Kishë”]. Një e re 17-vjeçare tregoi për përvojën e saj të frekuentimit të pandërprerë të kishës pavarësisht nga ankthi i saj.
“Living ‘as though’ God’s Promises Have Been Fulfilled” [“Të Jetuarit ‘sikur’ Premtimet e Perëndisë të Jenë Përmbushur”]. Një e rritur beqare dha tri ide që mund të na ndihmojnë të ecim përpara me besnikëri kur premtime të caktuara nuk janë përmbushur ende në jetën tonë.