Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Genesis 6–8: “Gituman ni Noe … Tanan Nga Gisugo sa Ginoo”

“Genesis 6–8: ‘Gituman ni Noe … Tanan Nga Gisugo sa Ginoo,’” Manwal sa Magtutudlo sa Seminary sa Daang Tugon (2026)

“Genesis 6–8: ‘Gituman ni Noe … Tanan Nga Gisugo sa Ginoo,’” Manwal sa Magtutudlo sa Seminary sa Daang Tugon

Genesis 6–11; Moises 8: Leksiyon 20

Genesis 6–8

“Gituman ni Noe … Tanan Nga Gisugo sa Ginoo”

The Old Testament prophet Noah standing on a log as he preaches to a group of assembled people. The people are laughing and mocking Noah. The partially completed ark is visible in the background.

Ang Dios mahigugmaong naghangyo kanato sa pagsunod sa Iyang mga sugo. Ang ubang mga sugo tingali lisod sabton, apan kini kanunayng alang sa atong kaayohan. Ang pamilya ni Noe naluwas gikan sa wala pa mahitabo sukad, milagrosong lunop tungod kay sila misunod sa kasugoan sa Dios nga maghimo og arka. Kini nga leksiyon makatabang sa mga estudyante nga madugangan ang ilang tinguha sa pagsunod sa mga sugo sa Dios.

Pagpangandam sa estudyante: Dapita ang mga estudyante sa pagpamalandong ug moadto sa klase nga andam nga mopakigbahin unsaon sa usa ka piho nga sugo pagpakita sa gugma sa Langitnong Amahan kanato ug sa Iyang tinguha sa pagpanalipod kanato.

Posibleng mga Kalihokan sa Pagkat-on

Mga Sugo sa Dios

Ikonsiderar ang pagsugod sa leksiyon pinaagi sa pag-awhag sa mga estudyante sa pagpamalandong kon nganong ang atong mahigugmaong Amahan sa Langit naghatag kanato og mga sugo. Usa ka paagi sa pagbuhat niini mao ang pagpakita sa mosunod nga mga hulagway ug sa paghimo og diskusyon gamit ang mga pangutana sa ubos. Ang laing paagi mao ang pagpakigbahin sa mga estudyante og mga lagda nga gitakda sa ilang mga ginikanan aron magpabiling luwas ang ilang mga anak.

A young man Starting a campfire at Burraston Ponds, Utah

A group of little boys and girls play together outside.

Hunahunaa nga ikaw nag-atiman sa usa ka dako nga grupo sa gagmayng mga bata niini nga kampinganan.

Unsa ang piho nga mga lagda ang imong ihatag sa mga bata aron magpabilin silang luwas?
Kon ang mga bata masuko nimo tungod sa pagtakda og mga lagda, unsay imong ipasabot kanila?

Dapita ang mga estudyante sa pagpakigbahin uban sa usa ka kauban kon unsaon nila nga makompara kini nga sitwasyon ngadto sa mga sugo sa Langitnong Amahan alang kanato.

Dayon dapita ang mga estudyante sa pagrekord sa ilang personal nga pagbati kabahin sa Dios ug sa Iyang mga sugo diha sa ilang mga journal sa pagtuon gamit ang mga pag-awhag nga sama sa mosunod. Mahimong modapit ka og pipila ka mga moboluntaryo sa pagpakigbahin kon unsay ilang gisulat.
Ngano sa imong hunahuna nga gusto sa Dios nga ikaw, sa personal nga paagi, motuman sa Iyang mga sugo?
Unsa ka kaandam nga mosunod sa unsay gihangyo sa Dios, bisan kon wala nimo masabti ang hinungdan sa sugo? Ngano man?

Ang mga tawo sa panahon ni Noe

Ikonsiderar ang pagpakita sa hulagway ni Noe sa sinugdanan sa leksiyon. Hangyoa ang mga estudyante nga ipakigbahin kon unsay ila nang nahibaloan mahitungod sa mosunod nga mga konsepto. Dapita sila sa paggamit sa gisugyot nga mga tudling sa kasulatan kon gikinahanglan.

Ang espirituhanon nga kahimtang sa mga tawo sa panahon ni Noe ug unsay gibuhat sa Dios isip resulta (tan-awa sa Moises 8:17, 20, 22, 28–29)
Unsa ang gisugo sa Dios nga buhaton ni Noe aron maluwas ang masulundon (tan-awa sa Moises 7:43)

Samtang magpadayon sa pagtuon ang mga estudyante, awhaga sila sa pagtinguha sa impluwensiya sa Espiritu Santo aron makasabot sa gugma sa Dios alang kanato. Ang tanan nga gihimo sa Dios, lakip ang Lunop, madasigong nahitabo tungod sa gugma (tan-awa sa 2 Nephi 26:24). Tabangi ang mga estudyante nga makaila nga si Jesukristo nag-antos alang sa mga sala sa mga tawo nga namatay sa Lunop aron sila makakat-on ug makahinulsol didto sa kalibotan sa espiritu (tan-awa sa Moises 7:38–40; 1 Pedro 3:18–20). Usab, ang pagpili sa Diyos sa pagpadala sa Lunop nanalipod sa Iyang ubang espiritu nga mga anak gikan sa pagkahimugso sa maong peligroso ug daotan nga mga kahimtang (tan-awa sa John Taylor, sa Journal of Discourses, 19:158–59).

Ang arka

Ikonsiderar ang paghatag og papel alang sa gagmay nga mga grupo sa mga estudyante ug hatagi sila og mubo nga panahon aron dungan nga makompleto ang mosunod nga kalihokan. (Pag-amping aron makadaginot og oras human niini nga kalihokan aron hisgotan sa mga estudyante kon unsay ilang nakat-onan ug ilambigit kini sa ilang kinabuhi.)

Basaha ang Genesis 6:14–22; 7:1–12, 23; 8:13–17, nga mangita sa unsay matudlo niini nga asoy mahitungod sa Dios ug unsay atong makat-onan gikan ni Noe.
Paghimo og usa ka yano nga drowing sa unsay nahitabo.
Ilakip sa imong drowing ang usa ka butang nga imong nakat-onan mahitungod sa Dios ug sa usa ka butang nga imong nakat-onan gikan sa ehemplo ni Noe.

Dapita ang mga grupo sa pagpakita ug pagpasabot sa ilang mga drowing (bisan wala pa sila mahuman) ngadto sa laing grupo. Dayon dapita ang mga grupo sa pagpakigbahin ngadto sa klase kon unsay ilang nakat-onan mahitungod sa Dios ug unsa ilang nakat-onan gikan sa ehemplo ni Noe.

Usa sa kamatuoran nga tingali nailhan sa mga estudyante gikan niini nga asoy mao ang samtang mosunod sa Ginoo uban ang hugot nga pagtuo, Siya mopanalangin ug manalipod kanato.

Ikonsiderar ang pagpakita sa mosunod nga pamahayag ug pagdapit og mga grupo sa pagbasa ug paghisgot kon sa unsang paagi kini magamit kanato karon.

Si Presidente Spencer W. Kimball (1895–1985) mipakigbahin og pipila ka rason kon nganong si Noe ug ang iyang pamilya nagkinahanglan og hugot nga pagtuo kang Kristo aron matuman ang sugo sa paghimo sa arka.

Tungod kay wala pay timailhan sa ulan ug sa baha. Ang katawhan [ni Noe] mibiaybiay ug mitawag kaniya og buang. Ang iyang pagsangyaw wala paminawa. Ang iyang mga pasidaan gihunahuna nga dili makataronganon. Walay gibasihan; wala pa gayod sukad masayri nga ang baha motabon sa yuta. Unsa ka binuang ang paghimo og arka diha sa uga nga yuta uban sa nagsidlak nga adlaw ug ang kinabuhi nagpadayon sa naandan! (Mga Pagtulun-an sa mga Presidente sa Simbahan: Spencer W. Kimball [2006], 176)

Unsa ang pipila ka sugo sa Ginoo nga gibaliwala o gibiay-biay sa mga tawo karon?
Unsa ang imong nahibaloan mahitungod sa Dios ug sa Iyang mga propeta nga nakatabang kanato nga mosunod sa Ginoo bisan pa sa mga oposisyon?

Dapita ang mga estudyante sa pagpakigbahin og mga sugo nga ilang gituohan nga mahigugmaong mga panalipod gikan sa Dios.

Ang pagsunod sa Dios diha sa atong kinabuhi

Ikonsiderar ang pagpakita sa mosunod nga pamahayag uban sa personal nga pagpamalandong nga makita sa ubos.

Si Presidente Thomas S. Monson (1927–2018) mipakigbahin sa usa sa labing dako nga mga leksiyon nga atong makat-onan sa atong kinabuhi.

Si Noe nagbaton og walay pagkausab nga hugot nga pagtuo sa pagsunod sa mga sugo sa Dios. Hinaot unta nga ato gayod usab kining buhaton. Hinaot nga kita mahinumdom nga ang kaalam sa Dios sa kasagaran morag binuang sa panan-aw sa mga tawo; apan ang labing mahinungdanon nga leksiyon nga atong makat-onan dinhi sa pagkamortal mao nga kon ang Dios mamulong ug kita mosunod, kita maanaa gayod sa ensakto kanunay. (“Models to Follow,” Liahona, Nov. 2002, 61)

Irekord diha sa imong journal sa pagtuon:

Unsa ang imong gibati nga ang pamahayag ni Presidente Monson may kalabotan sa mga sitwasyon o mga sugo sa imong kinabuhi.
Unsa ang imong nakat-onan o gibati karon mahitungod sa Langitnong Amahan ug sa Iyang mga sugo.
Unsa ang imong gituohan nga gusto sa Langitnong Amahan nga imong buhaton aron masunod ang ehemplo sa matinud-anong pagkamasulundon ni Noe .

Mahimo nimong taposon ang leksiyon pinaagi sa pagdapit sa mga estudyante sa pagmarka sa ehemplo ni Noe sa Genesis 7:5 ug tan-awon usab kini sa premortal nga ehemplo sa Manluluwas sa Moises 4:2. Ikonsiderar ang pagpamatuod nga ang Dios mopanalangin sa imong mga estudyante alang sa ilang matinud-anong mga paningkamot sa pagsunod sa ehemplo sa Manluluwas sa pagkamasulundon.

Dugang nga mga Kapanguhaan

Sa unsang paagi ang kahimtang sa kalibotan karon makompara ngadto sa lunop?

Si Presidente Henry B. Eyring sa Unang Kapangulohan mipasabot sa mosunod ngadto sa mga magtutudlo sa seminary ug sa institute:

Ang kalibotan diin gipuy-an sa kabatan-onan paspas kaayong nag-usab. Sa dihang ang ilang magulang nga mga lalaki ug mga babaye mibalik aron sa pagbisita sa samang mga eskwelahan ug mga kampus nga ilang gitunghaan, ilang nakita ang lahi na kaayo nga moral nga kinaiya. Ang pinulongan sa mga pasilyo ug diha sa mga locker nagkagrabe. Ang sininaan dili na kaayo ligdong. Ang pornograpiya nahimo nang dayag. Dili lang ang pagkamatugtanon sa kadaotan mitubo, apan kadaghanan sa gitawag og sayop wala na gikondenar ug mahimong, bisan sa atong mga kabatan-onan nga Santos sa Ulahing mga Adlaw, pagadayegon. …

… Daghan kaayo [sa kabatan-onan], daghan kaayo, moingon sa ilang kaugalingon: “… Mosunod ko sa agos.”

Aw, ang agos mahimong baha ug sa dili madugay mahimong usa ka bul-og. Kini mahimong usa ka bul-og sa mga tingog ug mga talan-awon ug mga pagbati nga nagdapit sa tentasyon ug makapasilo sa Espiritu sa Dios. (“We Must Raise Our Sights” Ensign, Sept. 2004, 14)

Unsa ang atong makat-onan sa pagsalikway sa mga tawo sa mga pasidaan ni Noe?

Si Presidente Henry B. Eyring sa Unang Kapangulohan miingon:

Laing sayop nga ideya mao ang pagtuo nga ang pagpili nga modawat o dili sa tambag sa mga propeta susama ra sa pagdesisyon kon modawat ba sa maayong tambag ug makaangkon sa mga benepisyo niini o magpabilin kon asa kita. Apan ang pagpili nga dili modawat sa propetikanhong tambag nag-usab sa mismong dapit nga atong gibarogan. Nahimo kining mas makuyaw. Ang kapakyas sa pagsunod sa propetikanhong tambag makapahuyang sa atong gahom sa pagdawat sa dinasig nga tambag sa umaabot. Ang labing maayong panahon nga mohukom sa pagtabang ni Noe sa pagbuhat sa arka mao ang unang higayon nga siya mihangyo. Matag higayon nga siya mihangyo human niana, matag kapakyas sa pagsanong makapaminos sa pagkasensitibo sa Espiritu. Ug mao nga matag higayon nga ang iyang hangyo nga mura og binuang, hangtod miabot ang ulan. Ug dayon ulahi na kaayo. (“Finding Safety in Counsel,” Ensign, May 1997, 25)

Unsay nahimong timaan sa bangaw human sa Lunop?

Ang “bangaw usa ka timaan nga ang Dios dili na mopadala og baha sa tibuok yuta pag-usab (tan-awa sa Genesis 9:13–15). Bisan pa niana, adunay labaw pa sa pakigsaad nga gihimo sa Diyos kang Noe. Ang Hubad ni Joseph Smith nagtabang nga atong masabtan nga ang Dios nagbag-o sa sama nga pakigsaad nga Iyang gihimo uban ni Enoch (tan-awa sa Hubad ni Joseph Smith, Genesis 9:21–25, sa Hubad ni Joseph Smith apendiks). Kini nga pakigsaad naglakip sa usa ka saad nga kon ang kaliwatan ni Noe mosunod sa tanang sugo sa Dios, ang mga langit ug yuta maglipay, ug ang siyudad ni Enoch sa Zion mobalik na pag-usab sa yuta.

Unsa ang mga sukod sa arka?

Ang mga kasulatan misukod sa arka gamit ang mga maniko [cubits]. Ang usa ka maniko [cubit] sa kasagaran gibana-bana nga may 18 ug 22 ka pulgada (46–56 ka sentimetros) ang gitas-on. Kon naggamit og 18 ka pulgada sa usa ka maniko, ang arka kay 450 ka piye ang gitas-on (mga 138 metros), 75 ka piye ang gilapdon (mga 23 metros), ug 45 ka piye ang gihabogon (mga 14 metros). Mahimong makatabang ang pag-asoy sa gidak-on sa arka sa usa ka butang nga pamilyar nimo. Pananglitan, ang propesyonal nga soccer field kay 330–360 ka piye ang gitas-on (mga 100–110 metros) ug 210–240 ang gilapdon (mga 64–73 metros). Ang arka mas taas kay sa soccer field apan halos ikatulo nga bahin ang gilapdon.

Dugang nga mga Kalihokan sa Pagkat-on

Alternatibong pagsugod

Aron matabangan ang mga estudyante nga makatutok kon sa unsang paagi ang Manluluwas ug ang Iyang ebanghelyo makapanalipod kanila gikan sa pagkadaotan sa ulahing mga adlaw, ikonsiderar ang pagsugod sa leksiyon pinaagi sa pagpakita sa unang pamahayag ni Presidente Eyring diha sa seksiyon sa “Dugang nga mga Kapanguhaan”. Hangyoa ang mga estudyante sa pagpakigbahin sa unsay ilang gihunahuna mahitungod sa pamahayag. Mahimo silang mopakigbahin og mga paagi nga ang pagkadaotan ug mga tentasyon nga ilang giatubang susama sa baha.

Dapita ang mga estudyante sa pagtinguha og inspirasyon karon alang sa unsay ilang mahimo aron makadawat sa mga panalangin ug proteksyon sa Dios gikan sa modernong baha sa kadaotan ug mga tentasyon.

Genesis 6:14. “Buliti ang sulod ug ang gawas niini.”

Ang mga estudyante mahimong makabenepisyo gikan sa pagtuon kon sa unsang paagi ang Diyos makalikay kanato gikan sa mga tentasyon ug sa mga sala nga naglibot kanato. Mahimo nimong dapiton sila sa pagbasa sa mga instruksyon nga gihatag sa Dios sa mosunod nga duha ka propeta sa pagpanalipod sa ilang mga pamilya gikan sa tubig nga mosulod sa ilang mga sakayan. Dayon dapita ang mga estudyante sa paghisgot sa mga pangutana sa ubos kauban ang kapares.

Noe – Genesis 6:14 (Timan-i: Ang aspalto kay morag alkitran nga kemikal nga gigamit para sa waterproofing.)
Ang Igsoon ni Jared – Ether 2:17
- Sa unsang paagi kaha ang mga instruksyon sa Dios ngadto niini nga mga propeta makatabang sa usa ka tawo kinsa naningkamot nga mapugngan ang sala sa pagsulod sa ilang kinabuhi?
- Unsa ang pipila ka mga paagi nga kita sa espirituhanong paagi “buliton [ang atong mga kinabuhi] sa sulod ug sa gawas” aron mapugngan ang sala nga mopaunlod kanato?

Mahimo usab nimong dapiton ang mga estudyante sa pagbasa sa mosunod nga balak, nga gikutlo ni Presidente Boyd K. Packer (1924–2015) sa Korum sa Napulog Duha ka Apostoles. Mahimo nimong iparekord nila ang balak diha sa ilang mga kasulatan duol sa Genesis 6:14. Hangyoa sila sa pagpakigbahin kon sa unsang paagi sila nagtuo nga kini magamit diha sa ilang mga kinabuhi.

Ang tanang tubig sa kalibotan,

Bisan pa sa kalisod kini naningkamot,

Sa pinakagamay nga baroto dili gayod makalunod

Gawas kon kini makasulod.

Ug ang tanang kadaotan sa kalibotan,

Ang labing itom nga matang sa sala,

Dili gayod makapasakit kanimo bisan gamay

Gawas kon imo kining pasudlon.

(Tagsulat wala mailhi. Gikutlo ni Boyd K. Packer, “The Spirit of Revelation,” Ensign, Nov. 1999, 24)

Simbolismo sa Lunop

Mahimo nimong tabangan ang mga estudyante nga mapraktis ang pagsabot sa simbolismo diha sa mga kasulatan pinaagi sa paghimo og mga pagkompara. Mahimo nimong dapiton ang mga estudyante nga sulatan ang mosunod nga mga blangko uban ang kapares.

“Ang Lunop mahimong ikompara sa bunyag tungod kay ___________.”

“Ang arka nga gihimo ni Noe nagpahinumdom kanako ni Jesukristo tungod kay ______________.”

Mahimo nimong hangyoon ang mga estudyante nga magmamugnaon ug ipakigbahin kon sa unsang paagi ang asoy ni Noe ug ang arka makatudlo nila mahitungod sa bisan unsa nga mga baroganan sa ebanghelyo sama sa hugot nga pagtuo, paghinulsol, pagsimba sa templo, misyonaryo nga buhat, mga propeta, ug uban pa.

Mahimo nimong dapiton ang mga estudyante sa pagpakigbahin sa unsay ilang nakat-onan gikan sa mga pagtulun-an ni Jesukristo, kinsa mikompara sa pagpangandam alang sa Lunop sa panahon ni Noe ngadto sa pagpangandam alang sa Ikaduhang Pag-anhi (tan-awa sa Mateo 24:36–39).