Efeso 2–Filipi 4 (Iunite 25)

Sauniuniga o Anomea mo le Faiaoga o Suesuega e Fai i le Aiga

Aotelega o Lesona o Suesuega e Fai i le Aiga i Aso Taitasi

O otootoga o aoaoga faavae ma mataupu faavae nei sa aoaoina e tamaiti aoga ao latou suesueina leEfeso 2–Filipi 4 (iunite 25) e le o faamoemoeina e aoao atu o se vaega o lau lesona. O le lesona e te aoaoina atu e taulai atu i na o ni nai vaega o nei aoaoga faavae ma mataupu faavae. Mulimuli i uunaiga a le Agaga Paia a o e mafaufau i manaoga o au tamaiti aoga.

Aso 1 (Efeso 2–3)

Sa faaauau pea e le Aposetolo o Paulo lana lauga i le tagata o le Ekalesia i Efeso e ala i le aoao atu o i latou faapea ona o le alofatunoa o Iesu Keriso, ua mafai ai e tagata uma ona faaolaina e ala i le faatuatua ia te ia ma a o tatou o mai ia Iesu Keriso, ma aai ma feinu i Lona alofa tunoa, ua tatou soofaatasi ma le Au Paia a le Atua. sa aoao atu foi e Paulo faapea o le Ekalesia a le Alii e faavae i luga o aposetolo ma perofeta, ma Iesu Keriso o le maatulimanu autu, ma o aposetolo ma perofeta e saili e fesoasoani i fanau a le Atua ia iloa ma lagonaina le alofa o Iesu Keriso.

Aso 2 (Efeso 4–6)

E ala i aoaoga faifai pea a Paulo e faatatau i le faatulagaina o le Ekalesia, sa aoao ai e le vasega o le Alii na valaauina aposetolo, perofeta, ma isi taitai o le Ekalesia e fesoasoani e faaatoatoa le Au Paia ma puipuia i latou mai aoaoga faavae pepelo Sa aoao atu foi e Paulo le Au Paia e faapea o soo o Iesu Keriso e to ese o latou tagata tuai, ala e tumu i le agasala, ae oofu i ala fou, ma le amiotonu.

Aso 3 (Filipi 1–3)

Mai le tusi a Paulo i le Au Paia i Filipi, sa aoao ai e le vasega o le tetee tatou te feagai i le mulimuli ai ia Iesu Keriso e mafai ona fesoasoani e faalautele ai Lana galuega ma afai tatou te mulimuli i le faataitaiga a Iesu Keriso o le lotomaualalo ma le popole ma le le manatu faapito i isi, ona mafai lea ona tatou lotogatasi atili. Sa aoao atu foi e Paulo e fesoasoani le Atua ia i tatou e mananao e fai le mea e manaomia mai ia i tatou mo le faaolataga, lea e mafai ona o le Togiola a Iesu Keriso, ma afai tatou te lafoaia mea uma e tatau ai ina ia mulimuli ia Iesu Keriso ma fetuleni atu i luma i le faatuatua, e mafai ona tatou iloa o Ia ma maua le ola e faavavau.

Aso 4 (Filipi 4)

A o faaauau pea la latou suesuega o le tusi a Paulo i le Au Paia i Filipi, sa maua ai e le vasega, o le avea ai ma soo faamaoni o Iesu Keriso, afai tatou te tatalo ma le faatauanau ma le lotofaafetai, ona faamanuiaina lea o i tatou e le Atua i Lona filemu, ma afai e taulai atu le Au Paia faamaoni o latou mafaufauga i soo se mea e amiotonu ma afai latou te mulimuli i aposetolo ma perofeta, ona i ai lea o le filemu o le Atua ma i latou. Sa faaiu e Paulo lana tusi i le aoao atu e mafai ona tatou faia o mea uma e ala ia Iesu Keriso, o le aumaia ia i tatou le malosi.

Folasaga

Ina ua uma ona aoao atu le Au Paia i Efeso ua tatau ona latou tuu ese o latou tagata tuai ae oofu i le tagata fou o se soo o Iesu Keriso, sa aoao atu e le Aposetolo o Paulo i latou ua tatau ona latou oofu i le ofutau atoatoa mai le Atua.

Fautuaga mo le Aoaoina Atu

Efeso 6:10–24

Ua fautuaina i tatou e Paulo e “oofu i le ofutau atoatoa mai le Atua.”

Tusi i luga o le laupapa le faamatalaga lenei a Peresitene Ezra Taft Benson: (O lenei faamatalaga o loo maua i le “O Le Mana o le Upu,” Ensign, Me 1986, 79.) Valaaulia se tagata aoga e faitau leotele le faamatalaga.

“O loo siitaua mai Satani e faasaga i tagata o le Ekalesia o e o i ai molimau ma o loo taumafai e tausi ia poloaiga” (Peresitene Ezra Tafat Benson).

O a ni auala o siitaua mai ai Satani e faasaga i le autalavou o le Ekalesia?

Valaaulia se tamaitiiti aoga e faitau leotele le Efeso 6:10–13. Fai i le vasega e mulimuli ai, ma vaavaai poo a mea na fai mai ai Paulo sa tau faasaga i ai le Au Paia i ona aso. Faamatala o maileifaasino i togafiti po o fuafuaga faataatitia ua faaaoga e faasese ai pe maileia ai.

O le a le tala a Paulo i mea sa tau faasaga i ai le Au Paia i ona aso?
E tutusa faapefea mea o lisi e Paulo i le fuaiupu 12ma mea o tatou tau faasaga i ai i o tatou taimi?
O le a le mea na tau atu e Paulo i le Au Paia i ona taimi e oofu ai ina ia mafai ai ona latou tatalia nei mea leaga? (A uma ona tali mai tamaiti aoga, tusi le mataupu faavae lenei i le laupapa: Afai tatou te oofu i le ofutau atoatoa mai le Atua, o le a mafai ona tatou tatalia mea leaga.

Saunia mo tamaiti le tufaagao loo avatu i i. Vaevae le vasega i ni vaega se lima, ma tofi atu i vaega taitasi se vaega se tasi o le ofutau o loo taua i le Efeso 6:14–17. (Aua le tofi“o fusia o outou sulugatiti i le faamaoni” [fuaiupu 14]. Afai e toalaiti lau vasega atonu e moomia ona e tofia e sili atu i le tasi se vaega o le ofutau i nisi vaega.)

Tusi fesili nei i luga o le laupapa:

O le a le mea e faaaoga i ai le fasi mea o le ofutau?
O le a le mea na faaigoa ai e Paulo le fasi mea o le ofutau?
O le a le mea e mafai ona faatusa faaleagaga iai le vaega o le tino o loo puipuia e le ofutau?
E mafai faapefea e le ofuina o lenei fasi mea o le ofutau faaleagaga ona fesoasoani ia te oe e tatalia mea leaga?

Ina ia faaalia i le vasega le ala e faamaea ai le tufaaga, valaaulia se tagata e faitau leotele le Efeso 6:14. Fai i le vasega e mulimuli ai, ma vaavaai mo tali i fesili o i le laupapa a o latou faatatauina i le “o fusia o outou sulugatiti i le faamaoni” ona tusi lea o tali ia latou tufaaga.

Faamatala o le ofutau “o fusia” i le sulugatiti o se fusi e nonoa faataamilo i le ogatotonu o le tino. Ona valaaulia lea o ni tamaiti e lipoti mai a latou tali i le vasega. E ono fautua mai e tamaiti ni tali e pei o nei: (1) E faaaoga e ufiufi ai sulugatiti (o totoga taua e faaaoga i le foafoaina o le ola). (2) Ua faaigoa e Paulo o le “upumoni.” (3) E faatusa i lo tatou ola mama po o le mama aiai. (4) O le iloa ai o le moni o le fuafuaga o le faaolataga e mafai ona puipuia ai i tatou mai le faaseseina ma fesoasoani tatou te tumau ai i le ola mama aiai.

Valaaulia le vasega e mulimuli i le mamanu lea ao latou faitauina le Efeso 6:14–18ia latou vaega ma faamaea le vaega o le tufaaga e o faatasi ma a latou fasi vaega na tofi atu i ai o le ofutau. (Faamatala o le “faaseevaeina o outou vae” [fuaiupu 15] o lona uiga o le fai o seevae po o isi mea e puipui ai vae.)

A uma ua lava se taimi, valaaulia se sui mai vaega taitasi e lipoti mai mea sa latou aoaoina i le vasega. A o lipoti mai vaega taitasi, valaaulia tagata e tusi mea na maua e le vaega ia latou tufaaga.

Aisea e taua ai le puipuia o i tatou lava i le ofutau atoatoamai le Atua?

Valaaulia se tagata aoga e faitau leotele le saunoaga lenei mai ia Elder M. Russell Ballard o le Korama a Aposetolo e Toasefululua. Fai i le vasega e faalogologo pe faapefea ona tatou oofu ma faamalolosia le ofutau mai le Atua.

“E faapefea ona tatou faamaulu le ofutau atoatoa mai le Atua ina ia mafai ai e i tatou, pei ona folafola mai e Paulo, ‘ona tatalia aso leaga’?

“Ou te fiafia e mafaufau o lenei ofutau faaleagaga, e le o se fasi uamea malo ua mamanuina ina ia fetaui i le tino ae e matele lava ina pei o se filifili sosoo. O filifili sosoo e aofia ai ni vaega uamea itiiti se tele e faamau faatasi ina ia mafai e le tagata e faaaogaina ona fetuutuunai e aunoa ma le aveesea o le puipuiga. Ua ou fai atu lena faamatalaga aua mai ou aafiaga, e leai se mea e sili atu po o se mea maoae se tasi, e mafai ona tatou faia e faaauupegaina ai i tatou lava faaleagaga. O le mana moni faaleagaga e taoto i galuega laiti e tele e lalagaina faatasi i se ie o le puipuiga faaleagaga lea e puipui ma talitali ai mai mea leaga uma” (“Be Strong in the Lord,” Ensign, Iulai 2004, 8).

O le a lau mea e fai e faamaulu ai ma faamalosia le ofutau mai le Atua i aso taitasi?
Ua fesoasoani faapefea lenei mea ia te oe e tatalia ai mealeaga, tofotofoga, po o le taufaasese?

Tusi fesili nei i luga o le laupapa: Valaaulia tagata o le vasega e tusi nei fesili i a latou api o le vasega po o api talaaga mo le suesueina o tusitusiga paia.

O a fasi vaega o lou ofutau faaleagaga e te manatu e malosi?

O le a lau fasi vaega o le ofutau e sili ona vaivai?

O le a se mea e mafai ona e faia e faamalosia fasi vaega taitasi nei o le ofutau faaleagaga i lou olaga?

Aotele le Efeso 6:19–24 i le faamatala atu faapea sa faaiu e Paulo lana tusi i le talosagaina o le Au Paia e tatalo ina ia mafai ona ia “tautala” atu (fuaiupu 19) ma mafai ona folafola atu le talalelei ma le lototoa a o i ai i le falepuipui.

Faasoa atu lau molimau i upumoni na faailoa mai i le lesona o le aso, ma fautuaina le vasega e faatino soo se uunaiga la te mauaina.

Le Isi Iunite (Kolose–1 Timoteo)

Valaaulia le vasega e vaavaai mo tali i fesili nei a o latou suesueina pea ia tusiga a Paulo i le vaiaso a sau: O le a le tala a Paulo e uiga i le manao i le tupe? E mafai faapefea ona tatou aloese mai le faaseseina i uputuu pepelo? E tusa ai ma Paulo, o le a le mea e tatau ona tupu a o lei oo mai le Afio Mai Faalua? E faapefea ona tatou iloa ua tupu?