Faaaliga 6–7

“O Ai Se Na Te Mafai Ona Tu Atu?”

A family gathers inside the Conference Center. They are looking at a statue of the Christus.

E tusa ai ma lana faaaliga, na vaaia e Ioane i se faaaliga vaaia le Tamai Mamoe a le Atua o tatalaina ia faamaufaailoga muamua e ono o le tusi na faamaufaailogaina. I le tatalaina o le faamaufaailoga lona ono, sa faaali ai ia Ioane puapuaga e tele, sosoo ai ma se faaaliga vaaia o auauna a le Atua o e na faamamaina e ala i le toto togiola o le Faaola o loo tapuai i luma o le nofoalii o le Atua (tagai i le Faaaliga 7:9–15). O lenei lesona e mafai ona fesoasoani ia te oe e lagona ai le taua o le faalagolago ia Iesu Keriso ina ia mama aiai ma tumau faamaoni i taimi o faigata o aso e gata ai.

O le faatauaina o sao a tagata aoga. Vaavaai mo ni auala e faataua ma viia ai sao a tagata aoga taitasi. Ia faailoa atu e le aunoa i tagata aoga o lo latou auai i le faagasologa o le aoaoina e taua ma talisapaiaina.

Sauniuniga a le tagata aoga: Valaaulia tagata aoga e faitau le fesili o loo maua i le Faaaliga 6:17 ma o mai saunia e faasoa mai mea latou te manatu o le a manaomia e tetee atu ai i puapuaga o aso e gata ai.

Gaoioiga E Ono Mafai Ona Aoao Ai

Tatalaina o faamaufaailoga muamua e ono

I lau api faamaumau mo suesuega, tali i fesili nei:

O a ni mea e faapopoleina ai oe e uiga i le ola ai i aso e gata ai? Aisea?
O le a se mea e faaosofia ai le fiafia ia te oe e uiga i le ola ai i aso e gata ai? Aisea?

A modern replica of an ancient papyrus scroll, folded and sealed with multiple clay seals. Sealing an ancient document in this way identified its owner and his authority, made the document legally binding, and protected it from unauthorized disclosure. Jesus Christ’s role as the only person worthy to open and read the sealed book in Revelation 5 highlights His authority as the executor of God’s plan of salvation.

Manatua i le Faaaliga 5 , na vaai ai Ioane i se tusi e fitu ni ona faamaufaailoga lea e na o Iesu Keriso lava e agavaa e tatalaina. O faamaufaailoga taitasi e faatusa i se vaitau e 1,000-tausaga o le talafaasolopito faaletino o le lalolagi (tagai i le Mataupu Faavae ma Feagaiga 77:7). E amata i le Faaaliga 6:12 , sa vaaia ai e Ioane le tatalaina o le faamaufaailoga lona ono. O le faamaufaailoga lona ono ua faatusa i le afe tausaga e tau atu i le Afio Mai Faalua o Iesu Keriso ma e foliga mai e aofia ai ma le taimi o loo tatou ola ai nei.

Mo faamatalaga ma faauigaga e uiga i faatusa na faamatalaina e Ioane mo faamaufaailoga muamua e ono (tagai i le Faaaliga 6:1–11), tagai i le “Faaaliga 6. The First Six Seals” i le New Testament Student Manual (2014), 542–43.

Faitau le Faaaliga 6:12–16 , ma vaavaai mo ni isi o mea na tutupu na vaai i ai Ioane i le tatalaina o le faamaufaailoga lona ono.

O le a se mea satumatila ia te oe mai nei fuaiupu?
O le a se mea ua e aoao mai fuaiupu 15–16 e uiga i le tulaga faaleagaga o le toatele o e ola i le taimi o le tatalaina o le faamaufaailoga lona ono?

Faitau le Faaaliga 6:17 ma mafaufau e faailoga le fesili i lena fuaiupu.

Atonu o se taimi aoga lenei e valaaulia ai tagata aoga e faasoa mai o latou manatu mai le gaoioiga sauniuni a le tagata aoga.

E faapefea ona e toe faaupuina le fesili a Ioane i au lava upu?
O le a sou manatu o le a le tali i le fesili a Ioane?

E ui i le faafanoga ma le amioleaga na valoia i aso e gata ai, mafaufau i mea uma na faia e le Alii ma o loo [Ia] faia e tausi ai Lana Au Paia a o sauniuni ai mo Lona toe afio mai i le lalolagi.

O le a le mea ua maea ona faia e le Faaola ma le mea o loo Ia faia nei e saunia ma puipuia ai Lana Au Paia?

A o faaauau lau suesuega, vaavaai mo aoaoga e mafai ona fesoasoani ia te oe e tali ai le fesili i le Faaaliga 6:17 . Mafaufau pe mafai faapefea e le faalagolago ia Iesu Keriso ona fesoasoani ia te oe e lagona ai le filemu ma le olioli a o e taumafai e onosaia luitau faaleagaga ma faaletino o aso e gata ai.

Ua vaai Ioane i sauniuniga mo le Afio Mai Faalua ma se faaaliga vaaia o le malo selesitila

I le Faaaliga 7 , na vaai ai Ioane i agelu e toafa na auina mai le Atua o e ua i ai le mana e laveai ma faaumatia ai le ola i le lalolagi (tagai i le Faaaliga 7:1 ; Mataupu Faavae ma Feagaiga 77:8). Na muai vaai Ioane i nei agelu o sauniuni e sasaa mai le faafanoga i luga o le fogaeleele e sauni ai mo le Afio Mai Faalua o le Faaola. Sa ia vaai foi i le puipuiga na tuuina atu i tagata o ituaiga o Isaraelu (tagai i le Faaaliga 7:1–8 ; 9:3–4). Ona ia vaaia ai lea o se faaaliga e uiga i le malo selesitila.

Afai o le a manuia tagata aoga mai ni isi faamatalaga e uiga i faitaulaga sili e 144,000 (tagai i le Mataupu Faavae ma Feagaiga 77:11) o loo faamatala mai e Ioane, mafaufau e faaaoga ni isi o punaoa o loo maua i le “Faaaliga 7:2–8. O ai le 144,000 o ituaiga o Isaraelu, ma o a mea na faamaufaailogaina i o latou muaulu?” i le vaega o le “Tala Auiliili ma Faamatalaga o Talaaga”.

Faitau le Faaaliga 7:9–12 , ma vaavaai pe na faapefea ona faamatala e Ioane ia tagata i le malo selesitila.

E toafia tagata na vaai i ai Ioane, ma aisea e taua ai lena mea?
O le a se mea e tumatila mai ia te oe e uiga i upu ma amioga a nei tagata?

Sosoo ai, faitau le Faaaliga 7:13–14 ma vaavaai mo faamanuiaga i le lumanai o loo faatalitali mai i e faamaoni ma pe o le a le mea na mafai ai e tagata ona ulu atu i le afioaga o le Atua.

E faapefea ona fesoasoani nei fuaiupu e tali le fesili o loo tuuina mai i le Faaaliga 6:17 ?
O le a sou manatu po o le a le uiga o le faasinasinaina o ofutalaloa i le toto o le Tamai Mamoe?

O se tasi o mataupu faavae e mafai ona tatou aoao mai i nei fuaiupu e faapea, afai tatou te onosaia faigata ma le faamaoni ma avea ma e ua mama e ala i le Togiola a Iesu Keriso, o le a tatou olioli i le mamalu selesitila faatasi ma le Atua.

E le gata i le tuuina atu i tagata aoga o tusi faasino o mau nei, mafaufau e valaaulia i latou e sue ni mau e faapupula mai ai pe mafai faapefea ona faamamaina i tatou e ala i le toto o Iesu Keriso. O se tasi o auala e mafai ona latou faia ai lenei mea o le sailia lea o autu e pei o le “ Faamagalo ” po o le “ Faapaiaina ” i le Taiala i Tusitusiga Paia.

Ina ia malamalama atili i le uiga o le faasinasinaina o o tatou ofutalaloa i le toto o le Tamai Mamoe ma pe mafai faapefea ona e maua lenei faamanuiaga, suesue ni isi po o mau faasino uma nei:

Isaia 1:18

Alema 7:14

Mamona 9:6

Moronae 10:32–33

Mataupu Faavae ma Feagaiga 58:42–43

O le a se mea sa e aoaoina e uiga i le Faaola ma le mana o Lana Togiola?
O a ni isi o auala e mafai ona e amata maua ai le mana faamama o Iesu Keriso i le taimi nei?

Filemu ma le malologa ma le Atua

Faitau le Faaaliga 7:15–17 , ma vaavaai mo ni isi faamanuiaga na vaai i ai Ioane o le a oo i e amiotonu i le malo selesitila.

O fea o nei faamanuiaga e sili ona taua ia te oe? Aisea?
E mafai faapefea e le malamalama i nei faamanuiaga i le lumanai ona aafia ai lau amio i le taimi nei?

Tala Auiliili ma Faamatalaga o Talaaga

Gaoioiga Faaopoopo e Aoao Ai

Faaaliga 6:1–11 . O faamaufaailoga muamua e lima

Ina ia fesoasoani i tagata aoga ia malamalama atili i le uiga o nei faamaufaailoga, mafaufau e fai atu ia i latou e suesue se tasi pe sili atu foi o mau faasino o tusitusiga paia nei ma tusi se ata o mea o loo latou faamatalaina:

Faamaufaailoga muamua ( Faaaliga 6:1–2)

Faamaufaailoga lona lua ( Faaaliga 6:3–4)

Faamaufaailoga lona tolu ( Faaaliga 6:5–6)

Faamaufaailoga lona fa ( Faaaliga 6:7–8)

Faamaufaailoga lona lima ( Faaaliga 6:9–11)

Tuu atu i tagata aoga e faasoa mai mea na latou tusiataina. Mo se fesoasoani i le faamatalaina o faailoga i nei fuaiupu, tagai i le “Faaaliga 6. The First Six Seals” i le New Testament Student Manual (2014), 542–43.

“Faaauupegaina i le amiotonu ma le mana o le Atua” ( 1 Nifae 14:14)

Mafaufau e faasoa atu ni isi o auala e faamanuia ma puipuia ai e le Faaola Lana Au Paia i aso e gata ai e ala i le valaaulia o tagata aoga e faafesootai pe fefaasinoai le Faaaliga 6:12–17 ma le 1 Nifae 14:12–17 . Faasoa atu i tagata aoga le saunoaga a Peresitene Eyring i le vaega o “Tala Auiliili ma Faamatalaga o Talaaga” ma mafaufau e fai atu fesili e pei o nei:

O le a sou manatu i le uiga o le faaauupegaina i le mana o le Atua?
O faapefea ona fesoasoani le Tama Faalelagi ma Iesu Keriso ia te oe ia tumau le puipuia ma le agavaa i taimi faigata o aso e gata ai?