Seminare
Faaaliga 15–19

Faaaliga 15–19

“E Manumalo le Tamai Mamoe”

“He Comes Again to Rule and Reign” by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

O le a le mea e oo mai i lou mafaufau pe a e mafaufau i aso e gata ai na valoiaina? Na valiina e Ioane le Talifaaaliga se ata manino o le faatafunaga ma le amioleaga o le a faatumulia ai le lalolagi. Ae o nei tulaga o le a le tumau. O Iesu Keriso “a e manumalo … aua o le Alii ia o alii ma le Tupu o tupu” (Faaaliga 17:14). O lenei lesona e mafai ona fesoasoani ia te oe e faalagolago atili ai ia Iesu Keriso ma le mautinoa a o e feagai ma luitau o aso e gata ai.

O le taulai atu i le Tama Faalelagi ma Iesu Keriso. E leai se mea o le a sili atu ona faamanuiaina ai tagata aoga nai lo le iloa ma le alolofa i le Tama Faalelagi ma Iesu Keriso. A o saunia ma aoao atu lesona, ia faaauau pea ona saili mo musumusuga i auala e fesoasoani ai ia i latou ia faia lenei mea.

Sauniuniga a le tagata aoga: Valaaulia tagata aoga e mafaufau loloto i mea ua latou iloa e uiga i tofotofoga o aso e gata ai ma mafuaaga e mafai ona latou faalagolago ai ia Iesu Keriso.

Gaoioiga E Ono Mafai Ona Aoao Ai

Mala, tofotofoga, ma le faatuatua i le Alii

Illustration of angels pouring out the bowls of wrath onto the earth from the book of Revelation.

I le avea o se vaega o le faaaliga a Ioane, na faaali atu ai e le Alii ia Ioane agelu e toafitu o loo sasaa mai mala eseese i luga o e amioleaga i aso e gata ai. O nei mala na aofia ai papala, o le vai na liu toto, o le mu tele, pogisa, tiga, faititili ma uila, o se mafuie, ma se uatoa tetele (tagai i le Faaaliga 16).

Mafaufau loloto i fesili nei:

  • O a ni isi mea ua e iloa e uiga i tofotofoga ma le amioleaga o aso amuli? O le a sou lagona e uiga i nei tofotofoga?

  • O le a lou mautinoa e mafai e le Alii ona fesoasoani ia te oe i soo se tofotofoga e ono feagai ma oe? Aisea?

A o lei tusi Ioane e uiga i le faatafunaga ma tofotofoga o le a malaia ai tagata o le lalolagi i aso e gata ai, sa ia faamatalaina se isi mea. Faitau le Faaaliga 15:2–4 ma taumafai e vaai faalemafaufau i mea na vaai i ai Ioane.

E ono mafai ona fesoasoani i tagata aoga le faatusatusa o mea o loo aoao mai e Ioane e uiga i le “sami tioata” i le fuaiupu 2 i mea o loo aoao mai e Iosefa Samita e uiga i ai i le Mataupu Faavae ma Feagaiga 130:6–7 .

  • Aisea e ono fesoasoani ai le aoao e uiga i le Au Paia faaeaina o loo nonofo i le afioaga o le Atua a o lei faitau e uiga i mala na faamatalaina e Ioane?

A o faaauau lau suesuega, saili le taitaiga a le Agaga Paia e fesoasoani ia te oe ia iloa ma malamalama e mafai ona e liliu atu i le Alii mo se fesoasoani i le taimi o luitau o aso e gata ai. Ina ia fesoasoani ia e malamalama atili i mea o loo aoaoina i mataupu taitasi o le a e suesueina, mafaufau e faitau faaulutala o mataupu a o lei faitauina ia fuaiupu.

Color Handouts Icon

Mafaufau e kopi ma tufatufa atu i tagata aoga pepa e tufa atu nei. E le o faamoemoe e faamaea e tagata aoga gaoioiga fautuaina uma. E mafai ona atofa atu i tagata aoga ni gaoioiga e faamaea pe mafai foi ona latou filifili gaoioiga e sili ona latou fiafia i ai. E mafai e tagata aoga ona galulue na o i latou pe i ni vaega toalaiti, e tusa ai ma manaoga o lo latou aoaoina.

A o suesue tagata aoga, mafaufau e fealuai solo i le potu ina ia e avanoa e fesoasoani ai i tagata aoga i fuaiupu po o fesili faigata. Manatua tatou te le iloa le faauigaina uma o mea na vaai i ai Ioane. A o e fealuai solo i le potu, suesue faatasi ma le vasega ma mafaufau e fai atu fesili e pei o nei: “E ui atonu tatou te le malamalama i faamatalaga uma, o le a sou manatu o le a se manatu lautele po o se mataupu faavae atonu o loo taumafai Ioane e faailoa mai i nei fuaiupu?” “O le a se isi mea ua e aoaoina i le tusi o Faaaliga e ono fesoasoani i lenei fesili?” Mafaufau e saili ni isi faamatalaga i mataupu 55 ma le 56 o le New Testament Student Manual [2014].

Filifiliga A: Agelu ma mala

O le mafaufau ai e uiga i mala na vaai i ai Ioane i le Faaaliga 16 e mafai ona mafua ai ona tatou popole. Peitai, o le faateleina o lo tatou faatuatua ia Iesu Keriso e mafai ona fesoasoani ia i tatou e faatoilalo ai o tatou popolega. E taua le maitau faapea a o liligi mai e agelu o latou mala, sa latou molimau mai i uiga o le Alii. O le iloaina o Ona uiga e mafai ona fesoasoani ia i tatou e faateleina ai lo tatou faatuatua ia te Ia.

Faitau le Faaaliga, 16:5, 7 , ma vaavaai pe na faapefea ona faamatala e agelu le Alii ma Ana faamasinoga. Tusi i le lio o faamatalaga mea e te lagona na fai mai ai agelu.

  • Aisea e ono fesoasoani ai mo i tatou le malamalama i uiga o le Alii a o tatou aoao e uiga i Lana faamasinoga?

  • O le a se taimi o lou olaga sa fesoasoani ai e te malamalama pe faape’i le Atua? E mafai faapefea e le manatuaina o uiga o Iesu Keriso ona fesoasoani ia te oe e faalagolago ai ia te Ia?

New Testament Seminary Teacher Manaul - 2023

Filifiliga E: O le amioleaga ma le mana o le Faaola

Mafaufau i ni faataitaiga o le amioleaga i le lalolagi ma pe faapefea ona aafia ai i tatou.

  • Afai e te mafaufau i se mea e faatusa i ai le amioleaga o le lalolagi, mata o le a lena mea? Aisea?

  • Afai e te mafaufau i se faatusa migao po o se faalagiga e fai ma sui o le Faaola ma le ala e mafai ai ona Ia fesoasoani ia i tatou e faatoilalo lenei amioleaga, o le a lena mea? Aisea?

Vaelua tutusa se itulau o lau api talaaga. Faitau le Faaaliga 17:3–7, 14 , ma vaai faalemafaufau i faatusa na faaaoga e Ioane i nei fuaiupu. I le tasi itu o le itulau ua vaevaeina i lau api talaaga tusi ai i lalo upu autu po o fasifuaitau na faaaoga e faamatala ai le amioleaga. I le isi itu, tusi ai faailoga e faatusa ia Iesu Keriso ma e amiotonu. Atonu e aoga upu fesoasoani nei:

Faitaaga ( Faaaliga 17:4): amioga feusuai le mama. E mafai foi ona avea “o se faatusa mo le liliuese” (O Le Taiala i Tusitusiga Paia, “ Faitaaga ,” scriptures.ChurchofJesusChrist.org)

Papelonia ( Faaaliga 17:5): o le igoa o se aai ua lauiloa mo lona amioleaga, sa faaaoga o se faatusa mo le amioleaga ma mea faalelalolagi

Fafine talitane ( Faaaliga 17:5): o se tasi e faia amioga le mama faalefeusuaiga mo tupe po o fefaatauaiga

Faamemelo ( Faaaliga 17:6): ofo, faagaeetia (tagai i le fuaiupu 6 , vaefaamatalaga i)

  • O a mea na e aoao mai i faatusa sa e faitau i ai?

  • O a mea o fesoasoani atu ai faalagiga mo Iesu Keriso i le fuaiupu 14 e te malamalama ai e uiga ia te Ia?

  • O a mea o e iloa e uiga i le ala na manumalo ai le Tamai Mamoe, po o Iesu Keriso i amioleaga uma? (Tagai i le Taiala i Tusitusiga Paia, “ Tamai Mamoe a le Atua ,” scriptures.ChurchofJesusChrist.org.) O le a le uiga o lenei mea ia te oe?

New Testament Seminary Teacher Manaul - 2023

Filifiliga I: Faaipoipoga a le Tamai Mamoe

  • O a ni isi o mafuaaga e masani ona faamanatu ai e aiga ia faaipoipoga?

Sa faaaoga e Ioane le faatusa o se faaipoipoga e aoao ai i tatou e uiga i aso e gata ai. O lenei faaipoipoga na ia tusia e uiga i ai e faatusaina i le Afio Mai Faalua o le Faaola.

Tusi se ata faigofie o se tamaitai ma se alii faaipoipo ma tusi mea ua e aoaoina e uiga ia i laua taitoatasi a o e suesue.

Faitau le Faaaliga 19:7–9 e iloa ai pe o faapefea ona uunaia i tatou e le Alii ia lagona e uiga i lenei faaipoipoga. O le tamaitai faaipoipo i nei fuaiupu o se faatusa o tagata o le Ekalesia a le Alii o e o loo sauniuni i latou lava mo le toe afio mai o Keriso.

  • E tusa ma le fuaiupu 8 , e faapefea ona tatou saunia mo lenei faaipoipoga? Mata o le a le uiga o lena mea mo oe?

  • O a auala ua avea ai se faaipoipoga o se faatusa talafeagai mo la tatou sootaga i feagaiga ma Iesu Keriso?

  • E faapefea ona avea le toe afio mai o le Faaola o se taimi o le olioli mo oe?

Faitau mau nei ma mafaufau e uiga i mea e mafai ona e faia e saunia ai mo le taimi e toe afio mai ai Iesu Keriso. Atonu e te manao e faailoga mea e te maua i au tusitusiga paia pe tusi e uiga i ai i lau api talaaga.

Faaaliga 7:13–14

3 Nifae 27:19–21

  • O a ni ou lagona e uiga ia Iesu Keriso ma mea ua Ia faia e saunia ai oe mo Lona afio mai?

New Testament Seminary Teacher Manaul - 2023

Fai atu i tagata aoga e faasoa mai mea na latou aoaoina, aemaise lava e uiga ia Iesu Keriso. Afai latou te lei malamalama i itu faatatau o mea sa latou suesueina, faamautinoa atu ia i latou ma valaaulia i latou e faasoa mai mea na latou aoaoina. Faamalosiau i le vasega e faaauau pea ona suesue i tusitusiga paia i aso taitasi ma ia fausia le faalagolago i lo latou Faaola. Fesoasoani ia latou iloa o faatusa, faalagiga, ma uiga latou te suesueina i tusitusiga paia ua faapupula mai ai e mafai e Iesu Keriso ona fesoasoani ia i tatou e faatoilalo le amioleaga o aso e gata ai.

  • O le a se mea e te manao e manatua pe faia?

  • E te manatu e ono fesoasoani faapefea lenei mea ia te oe i taimi o tofotofoga o aso e gata ai?

Tala Auiliili ma Faamatalaga o Talaaga

Gaoioiga Faaopoopo e Aoao Ai

Taofiofia o faatosinaga a Papelonia ia i tatou

Afai o le a manuia tagata aoga mai se faamamafa sili atu i le faatoilaloina o Papelonia, mafaufau e faaaoga le saunoaga a Elder David R. Stone o le Fitugafulu, “Siona i le Totonugalemu o Papelonia,” Ensign po o le Liahona, Me 2006, 90–93. O lana talafaatusa i le malumalu o Manhattan e mafai ona faaaoga e fesoasoani ai i tagata aoga ia iloa le taua o le faateleina o lo latou taimi ma le Faaola a o taofiofia faatosinaga a Papelonia ia i latou. E mafai foi ona aoga i tagata aoga le suesueina ma le talanoaina o tulaga faatonuina a le Alii mo i latou i le Mo Le Malosi o le Autalavou (tamaitusi, 2011).

Faaaliga 19:10 . “O le agaga o le valoaga, o le mau lea ia Iesu”

E mafai ona manuia tagata aoga mai le malamalama i le mana o se molimau ia Iesu Keriso. Valaaulia tagata aoga e faitau le Faaaliga 19:10 mo se faauigaga o “le mau lea ia Iesu.” Fesoasoani i tagata aoga ia iloa o le “agaga o le valoaga” ( fuaiupu 10) e faatatau i le meaalofa o faaaliga ma musumusuga mai le Atua, lea e mafai ai e i tatou ona maua ma tautala atu i Lana afioga (tagai i le Taiala i Tusitusiga Paia, “ Valoaga, Vavalo ,” scriptures.ChurchofJesusChrist.org). Valaaulia tagata aoga e mafaufau pe mafai faapefea ona latou faamanuiaina isi ma saunia le lalolagi mo le Afio Mai Faalua o Iesu Keriso e ala i a latou molimau ia Iesu Keriso.

O faatusa o Iesu Keriso i Lona Afio Mai Faalua

Ina ia fesoasoani i tagata aoga e aoao e uiga i le Afio Mai Faalua o Iesu Keriso, mafaufau e faaali atu le ata lenei ma valaaulia tagata aoga e faitau le Faaaliga 19:11–16 . Valaaulia i latou e talanoa i faatusa na latou maua.

Book of Revelation Transparencies

O fesoasoaniga mo suesuega ma isi mau e mafai ona fesoasoani e faaalia ai le uiga o faatusa. Mo se faataitaiga, ina ia malamalama atili pe aisea e sau ai se pelu mai le fofoga o Iesu Keriso po o le mafuaaga foi Na te “pule … i le tootoo uamea” ( Faaaliga 19:15), faitau le Mataupu Faavae ma Feagaiga 11:2 ma le 1 Nifae 11:25 .