Mateo 21–23; Marcos 11; Lucas 19–20; Juan 12

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglanon aron makaandam daan para sa kada leksiyon.

Katuyoan sa leksiyon: Kini nga leksiyon makatabang sa mga estudyante nga mobati og mas dako nga respeto ug balaang pagtahod kang Jesukristo ug sa Iyang misyon sa pagluwas kanato.

• Pagpangandam sa estudyante: Dapita ang mga estudyante sa pag-adto nga andam mopaambit mahitungod sa panahon diin sila nanginahanglan og tabang sa uban aron makalingkawas sa malisod nga kahimtang. Aron makakita og sanglitanan niini nga matang sa sitwasyon, mahimo silang motan-aw sa “Asa ang Hustisya, Gugma, ug Kalooy Mag-ab[o]t,” nga anaa makit-an sa https://folky.shop/study/general-conference/2015/04/where-justice-love-and-mercy-meet?lang=ceb.

• Content nga ipasundayag: Infographic gilakip niini nga leksiyon; mga hulagway sa kataposang mga hitabo sa kinabuhi sa Manluluwas

• Sugyot alang sa videoconference nga pagtudlo: Ikonsiderar ang paggamit sa screen sharing nga feature aron mapakita ang infographic. Ang mga estudyante makagamit sa chat aron makapaambit og mga pangutana nga gusto nilang matubag o mopaambit mahitungod sa unsay ilang mas gusto pang makat-onan.

Katuyoan sa leksiyon: Kini nga leksiyon makatabang sa mga estudyante aron mobati og dugang nga tinguha sa pagtagad sa templo isip usa ka sagrado nga dapit ug aron makakuha sa makaayo nga gahom sa Manluluwas pinaagi sa paghimo sa buhat sa templo.

• Pagpangandam sa estudyante: Dapita ang mga estudyante nga pamalandongan ang ilang pinakabag-o nga pagbisita sa templo. Kon wala sila sukad makaadto sa templo, awhaga sila nga mamalandong unsa kaha ang pagbati kon makaadto sa templo.

• Sulod [Content] nga ipakita: Mga hulagway sa templo, lakip ang mga hulagway sa nagkalainlaing lawak sulod sa templo

• Sugyot alang sa videoconference nga pagtudlo: Ikonsiderar ang paghimo og usa ka presentasyon nga naglakip sa mga hulagway sa nagkalainlaing lawak sulod sa templo, sa mga kinutlo ni Presidente Nelson ug Elder Renlund, ug sa pipila ka pangutana alang sa panaghisgot sa klase.

Katuyoan sa leksiyon: Kini nga leksiyon makatabang sa mga estudyante aron makasabot unsaon pagsunod ang duha ka dagkong sugo.

• Pagpangandam sa estudyante: Awhaga ang mga estudyante sa pag-adto nga andam mopaambit nga sila tinuod nga nahigugma sa Ginoo ug sa uban.

• Personal nga mga sanglitanan ug mga kasinatian: Pag-andam aron makapaambit og personal nga mga kasinatian ug uban pang mga sanglitanan sa mga tawo nga nagpakita pinaagi sa pulong ug buhat nga sila nahigugma sa Dios ug sa ilang mga silingan.

• Sugyot alang sa videoconference nga pagtudlo: Ikonsiderar ang pagdapit sa mga estudyante sa paghunahuna og usa ka tawo nga nagpakita nga siya nahigugma sa Dios ug sa uban. Dapita ang mga estudyante, kon mahimo, sa paghisgot kauban sa maong tawo kon giunsa niya sa pagpakita og gugma sa Dios ug sa uban. Paadtoa ang mga estudyante sa klase nga andam mopaambit.

Katuyoan sa leksiyon: Kini nga leksiyon makatabang ninyo sa pagbansay gamit ang doktrina nga gitudlo niini nga tudling ug sa mga baroganan sa pag-angkon og espirituhanong kahibalo aron masabtan kon unsaon sa pagsunod ang duha ka sugo nga paghigugma sa Dios ug paghigugma sa inyong silingan.

• Pagpangandam sa estudyante: Awhaga ang mga estudyante sa pagrebyo sa mga pakisayran sa doktrinal nga kahanas ug sa mga mahinungdanon nga mga hugpong sa kasulatan diha sa ilang panimalay pinaagi sa paghangyo sa uban nga eksaminon sila o gamiton ang app sa Doktrinal nga Kahanas. Ang mga estudyante mahimo usab nga dapiton sa paglihok sa ilang mga plano sa pagtuman sa duha ka dagkong sugo.

• Sugyot alang sa videoconference nga pagtudlo: Panahon sa pagbansay sa paggamit [practice application] nga porsiyon sa leksyon, i-enable ang paggamit sa whiteboard ug screen sharing alang sa mga estudyante. Ibutang ang mga estudyante ngadto sa mga grupo sa breakout room, ug pagtawag og usa ka lider. Ang lider mahimong mo-share sa ilang whiteboard kauban sa grupo, ug ang grupo mahimong magmugna og senaryo ug mosulat sa ilang mga hunahuna diha sa whiteboard sa tibuok nga leksiyon. Ang matag lider sa grupo mahimong mo-share og usa ka screenshot sa ilang kataposang mga resulta sa whiteboard ug mopasabot sa daklit unsa ang nasulat sa ilang grupo.

Katuyoan sa leksiyon: Kini nga leksiyon makatabang sa mga estudyante aron malikayan ang pagpakaaron-ingnon ug mahimong mapaubsanong mga sumusunod ni Jesukristo.

• Pagpangandam sa estudyante: Dapita ang mga estudyante sa paghunahuna og mga tawo nga naningkamot sa pagsunod sa Manluluwas uban sa kasinsero ug tiunay nga katuyoan samtang sila nagserbisyo sa uban.

• Content nga ipakita: Ang hulagway sa usa ka lalaking Judeo nga nagsul-ob og pilakterya

• Sugyot alang sa videoconference nga pagtudlo: Gamita ang whiteboard nga feature aron paglista sa mga baroganan nga nakita sa mga estudyante panahon sa leksiyon. Hatagi ang mga estudyante og panahon sa pagsulat og usa ka pakigpulong mahitungod sa usa niining mga baroganan. Ikonsiderar ang pagpatukar og background nga musika samtang nagsulat sila. Paghuman nila og sulat, dapita ang andam nga mga estudyante sa pagpaambit og pipila sa ilang mga hunahuna ngadto sa klase.