Մատթեոս 1.18–25, Ղուկաս 1.26-35

• Ձեր կարծիքով, ամենից հաճախ ի՞նչ մարտահրավերների են հանդիպում ձեր տարիքի մարդիկ:

• Երիտասարդներն ինչի՞ն են ապավինում՝ այդ մարտահրավերները հաղթահարելու համար:

Տասներկու Առաքյալների Քվորումից երեց Ռոնալդ Ա. Ռասբանդը կիսվել է Հիսուս Քրիստոսի մասին հետևյալ վկայությամբ․

Միշտ էլ Հիսուս Քրիստոսն է պատասխանը։ Հասկանալով Նրա առաքելությունը և Նրա ավետարանը, մեր սերը Նրա հանդեպ և Նրա հանդեպ մեր հավատքն ու վստահությունը, մենք ուժ ենք ստանում։

(Ռոնալդ Ա. Ռասբանդ, «Հիսուս Քրիստոսն է պատասխանը» [երեկո Բարձրագույն Իշխանության հետ, փետրվարի 8, 2019թ․], broadcasts.ChurchofJesusChrist.org)

• Ինչո՞ւ եք կարծում, որ միշտ էլ Հիսուս Քրիստոսն է պատասխանը, երբ մեր կյանքում հանդիպում ենք մարտահրավերների կամ խնդիրների:

Մի պահ մտածեք Հիսուս Քրիստոսի հանդեպ ձեր հավատքի և վստահության մասին: Հաճա՞խ եք դիմում Նրան, երբ ձեզ ուժ և աջակցություն է պետք:Այսօր ուսումնասիրելիս փորձեք Սուրբ Հոգուց ոգեշնչում ստանալ, որպեսզի կարողանաք սովորել Հիսուս Քրիստոսի մասին այն ճշմարտությունները, որոնք կամրապնդեն ձեր հավատքը Նրա հանդեպ և կխրախուսեն ձեզ ավելի հաճախ դիմել Նրան՝ խաղաղություն և ուժ ստանալու համար:

Հիսուս Քրիստոսն Իր բացառիկ առանձնահատկությամբ կարողունակ է օգնել մեզ հաղթահարել մահկանացու կյանքի դժվարություններն ու խնդիրները՝ մասամբ Իր ծնողներից ժառանգած հատկանիշների շնորհիվ:

Ուսումնասիրեք հետևյալ սուրբ գրությունները՝ փնտրելով այն ուսմունքները, որոնք պատմում են, թե ովքեր են եղել Փրկիչի ծնողները.

• Ղուկաս 1.30-35

• Մատթեոս 1.18–23

• Ալմա 7.10

• Ի՞նչ սովորեցիք Հիսուս Քրիստոսի Հոր և մոր մասին:

Այս հատվածներից սովորած ճշմարտություններից մեկն այն է, որ Հիսուս Քրիստոսը Հայր Աստծո և Մարիամի աստվածային Որդին է:

Կարդացեք նախագահ Ռասսել Մ. Նելսոնի հետևյալ հայտարարությունը՝ փնտրելով, թե Հիսուս Քրիստոսը ինչ հատկանիշներ էր ժառանգել Երկնային Հորից և Մարիամից:

Իր անմահ Հորից Հիսուսը ժառանգել էր հավերժ ապրելու զորությունը: Իր մահկանացու մորից Նա ժառանգել էր ֆիզիկական մահվան ճակատագիրը:Այդ առանձնահատկությունները կարևոր էին ողջ մարդկության մեղքերը քավելու Իր առաքելության համար: Այսպես, Հիսուս Քրիստոսը ծնվել էր մահանալու համար (տես 3 Նեփի 27.13-15): Նա մահացավ, որ մենք կարողանանք ապրել: Նա ծնվեց, որ ողջ մարդկությունը կարողանա ապրել մահից հետո:

(Ռասսել Մ․ Նելսոն, «Քրիստոս Փրկիչը ծնվեց», New Era, դեկտեմբեր 2006, 5)

• Մենք ի՞նչ ենք սովորում Հիսուս Քրիստոսի մասին այս հայտարարությունից:

Իր մորից՝ Մարիամից, ով մահկանացու կին էր, Հիսուսը ժառանգեց մահկանացությունը, ինչը ենթադրում է ֆիզիկական մահ: Աստծուց՝ մեր Երկնային Հորից, Հիսուսը ժառանգեց անմահությունը՝ հարության միջոցով հավերժ ապրելու կարողությունը: Նա նույնպես ընդունակ էր զգալ մահկանացության հետ կապված ցավեր, գայթակղություններ ու վշտեր, բայց կարողացավ տանել Քավության այնպիսի ցավ ու տանջանք, որ ոչ մի մահկանացու չէր կարող տանել (տես Մոսիա 3.7):

Կարդացեք Մոսիա 7.33-ը ՝ փնտրելով գաղափարներ այն մասին, թե մենք ինչպես կարող ենք ստանալ Փրկիչի օգնությունն ընդդեմ մեր մահկանացու մարտահրավերների:

• Ի՞նչ սովորեցիք այս հատվածից այն մասին, թե մենք ինչպես կարող ենք ստանալ Փրկիչի օգնությունը:

Դիտեք «Նրա շնորհիվ» տեսաֆիլմը (2:36)՝ փնտրելով, թե Փրկիչն ինչ էր ընդունակ կատարել՝ երկիր գալու, մահկանացու կյանք ապրելու և բոլոր դժվարությունները հաղթահարելու շնորհիվ: Այս տեսաֆիլմը մատչելի է ChurchofJesusChrist.org կայքում:

2:36

Ստեղծեք Փրկիչի մասին ձեր սեփական ուղերձը, որը կսկսվի «Նրա շնորհիվ» խոսքերով: Դուք կարող եք լրացնել այս արտահայտությունը մեկ կամ մի քանի նախադասությամբ այն մասին, թե Փրկիչի որ առանձնահատուկ կարողություններն են օգնում կամ օգնել ձեզ կյանքում: Ժամանակի և նյութերի առկայության դեպքում կարող եք օգտագործել արվեստի պարագաներ՝ ձեր ստեղծագործությունն ավելի արտահայտիչ դարձնելու համար:

Նախագահ Էզրա Թավտ Բենսոնն (1899–1994) ուսուցանել է.

Նշանակված վկաների վկայությունները միանշանակ են Հիսուս Քրիստոսի ծագման վերաբերյալ: Աստված Նրա մարմնական խորանի Հայրն էր, իսկ Մարիամը՝ մահկանացու կինը, Նրա մայրն էր: …

… Նա Հովսեփի որդին չէր, ոչ էլ Սուրբ Հոգուց ծնված: Նա հավերժական Հոր Որդին է:

(Էզրա Թավտ Բենսոն, Հիսուս Քրիստոսի աստվածայնության հինգ նշանները, Ensign, դեկտեմբեր 2001, 10, 11)

Նախագահ Հարոլդ Բ. Լին (1899–1973) զգուշացրել է նրանց, ովքեր փորձում են բացատրել Փրկիչի հրաշալի ծնունդի բոլոր մանրամասները:

Եթե ուսուցիչներն իմաստուն լինեին [Հիսուս Քրիստոսի արարման մասին] խոսելիս, որի մասին Տերը շատ քիչ բան է ասել, նրանք կավարտեին իրենց քննարկումը այս թեմայի վերաբերյալ միայն Ղուկաս 1.34-35 հատվածներում այս թեմայի մասին գրված բառերով: … Եկեք թույլ տանք Տիրոջն ավարտել Իր այս պատմությունն այս հայտարարությամբ և սպասենք, մինչև Նա հարկ համարի մեզ ավելին ասել:

(Հարոլդ Բ. Լիի ուսմունքները, խմբագրված՝ Քլայդ Ջ. Ուիլիամսի կողմից [1996], 14)

Նախագահ Էզրա Թավտ Բենսոնն (1899–1994) ուսուցանել է.

Երբ Տիեզերքի Մեծ Աստվածը բարեհաճեց ծնվել մահկանացու կնոջից, Նա Իրեն հանձնեց մահկանացության թուլություններին և «տարավ փորձություններ և մարմնի ցավ, քաղց, ծարավ և հոգնածություն, նույնիսկ ավելին, քան մարդ կարող է տանել և չմահանալ» ( Մոսիա 3.7): Այդ թուլությունները Նա ժառանգել էր Իր մահկանացու մորից: Բայց քանի որ Նրա հայրն Աստված էր, Հիսուս Քրիստոսն ուներ այնպիսի զորություն, որ ոչ մի մարդ երբևէ չէր ունեցել ու երբեք չի ունենա: Նա մարմնի մեջ ապրող Աստված էր. ավելին՝ նա Աստծո Որդին էր: Այդ զորությունը Նրան հնարավորություն տվեց հրաշքներ գործել, մեծ Քավություն միջով անցնել և Հարություն առնել: Եվ դրանք բոլորը Նրա աստվածայնության լրացուցիչ նշաններն են:

(Էզրա Թավտ Բենսոն, Հիսուս Քրիստոսի աստվածայնության հինգ նշանները, Ensign, դեկտեմբեր 2001, 10)

Աստվածաշնչում իմանալ կամ ճանաչել եզրույթը կարող է վերաբերել սեռական հարաբերությանը (տես Ծննդոց 4.1): Հիսուսի ծնվելուց առաջ Հովսեփը սեռական հարաբերություն չէր ունեցել Մարիամի հետ: Այդ հանգամանքը ապացուցում է այն փաստը, որ նա չէր կարող լինել Հիսուսի հայրը, և որ Հիսուսի ծնունդը հրաշք էր:

Կարող եք ուսումնասիրել Մատթեոս 1 և Ղուկաս 1 գլուխներում նշված Փրկիչի անուններն ու տիտղոսները: (Տեղեկությունների համար տես Աստվածաշնչի բառարանը, Թեմաների ուղեցույցը կամ Սուրբ գրքերի ուղեցույցը:) Ի՞նչ կարող ենք իմանալ Հիսուս Քրիստոսի մասին այս տիտղոսներից:Հիսուս ( Մատթեոս 1.21 , Ղուկաս 1.31)Էմմանուել ( Մատթեոս 1․23)Բարձրյալի Որդի ( Ղուկաս 1.32)Աստծո Որդի ( Ղուկաս 1.35)

Հովսեփի հնազանդությունը

Կարող եք ուսումնասիրել Հովսեփի մտորումներն այն բանից հետո, երբ նա իմացավ, որ Մարիամը հղի է: Հովսեփը Տիրոջ խորհրդին հավատքով հետևելու լավ օրինակ է (տես Մատթեոս 1.18-24):Ուսանողները կարող են դիտել «Առաջին Սուրբ ծնունդի ոգին» տեսաֆիլմը (6:41)՝ փնտրելով, թե Հովսեփը ինչ կարող էր զգալ՝ իմանալով, որ մեծացնելու է Աստծո Որդուն: Այս տեսաֆիլմը մատչելի է ChurchofJesusChrist.org կայքում:

6:42