Lucas 22; Juan 18

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Katuyoan sa leksiyon: Kini nga leksiyon makatabang sa mga estuydante nga makamatikod sa ilangpanginahanglan nga mosalig kang Jesukristo ug padayon nga maglig-on sa ilang hugot nga pagtuo Kaniya.

• Pagpangandam sa estudyante: Dapita ang mga estudyante sa pag-adto nga andam mopaambit og usa ka kasinatian nga makatabang sa pagpalambo sa ilang hugot nga pagtuo kang Jesukristo.

• Hulagway: Pag-andam nga ipakita ang usa ka hulagway ni Pedro nga nanghimakak ni Kristo.

• Sugyot alang sa videoconference nga pagtudlo: Ikonsiderar ang padapit og mga estudyante nga gamiton ang chat nga feature sa kinatibuk-an sa leksiyon aron sa pagtubag sa mga pangutana nga matubag sa usa ka pulong o hugpong sa pulong. Pananglitan, ang mga estudyante mahimong maglista og usa ka kahanas o abilidad nga posibleng mawala kon dili kini ipadayon sa paggamit o palig-onon. Ang paggamit sa chat nga feature usa ka dali nga paagi sa pagpaapil sa daghang mga estudyante. Kini makapamenos usab sa panahon nga inyong magahin sa pagsulti panahon sa klase, nga magbilin og mas daghang panahon sa mga pangutana nga magtugot sa mga estudyante nga makapaambit og mga kasinatian ug pagpamatuod.

Katuyoan sa leksiyon: Kini nga leksiyon makatabang sa mga estudyante nga makasabot sa mga detalye mahitungod sa kon unsa ang giantos sa Manluluwas didto sa Tanaman sa Gethsemani ug sa unsang paagi kadto usa ka buhat sa gugma alang kanila.

• Pagpangandam sa estudyange: Dapita ang mga estudyante sa paghimo og butang nga makatabang nila sa pagpamalandong kang Jesukristo ug sa Iyang Pag-ula. Ang mga pananglitan puwede nga mao ang pagrebyo og usa ka himno, pagpamalandong sa usa ka hulagway ni Jesukristo, pagbasa og usa ka tudling sa kasulatan, o uban pa.

• Hulagway: Pangandam sa pagpakita og hulagway sa Tanaman sa Getsemani.

• Tsart: Pagpakita og kopya sa tsart nga gilakip niini nga leksiyon.

• Sugyot alang sa videoconference nga pagtudlo: Pagpatukar og himno mahitungod sa Pag-ula ni Jesukristo, sama sa “Ako Nagpabilin nga Natingala” o “Ginoo Ikaw Matuman” (Mga Himno, nos. 114, 110). Samtang gitukar ang kanta, dapita ang mga estudyante sa paggamit sa ilang mga phone sa pagbasa sa mga teksto sa maong himno, o ipakita ang mga teksto diha sa screen aron mabasa sa mga estudyante.

Katuyoan sa leksiyon: Kini nga leksiyon makatabang sa mga estudyante nga mobati og mas dakong panginahanglan alang sa paglig-on ug sa tabang nga ikatanyag ni Jesukristo kanila pinaagi sa Iyang Pag-ula.

• Pagpangandam sa estudyante: Dapita ang mga estudyante sa paghunahuna mahitungod sa kon giunsa ni Jesukristo pagpanalangin kanila tungod sa Iyang Pag-ula.

• Tsart: Pagpakita og kopya sa tsart nga gilakip niini nga leksiyon.

Katuyoan sa leksiyon: Kini nga leksiyon makatabang sa mga estudyante nga mosunod sa mga ehemplo ni Jesukristo pinaagi sa pagpili sa kabubut-on sa Langitnong Amahan sa ilang mga kinabuhi.

• Pagpangandam sa estudyante: Dapita ang mga estudyante sa paghunahuna og panahon diin ilang gipili nga mobuhat sa unsay gusto sa Langitnong Amahan imbis sa ilang personal nga ganahan. Hangyoa ang mga estudyante sa paghunahuna kon unsay lisod ug nganong ilang gihimo kana nga pagpili.

• Mga hulagway: Lain-laing mga hulagway ni Jesus nga gigapos, gibunalan, nagpas-an sa Iyang krus, ug gilansang sa krus

• Sugyot alang sa videoconference nga pagtudlo: Sa dili pa ang klase, mahimong dapiton ang mga estudyante sa pagpangita og mga sanglitanan gikan sa kinabuhi sa Manluluwas nga nagpakita sa Iyang mga tinguha nga mobuhat sa kabubut-on sa Langitnong Amahan. Kadtong mga estudyante mahimong dapiton sa pagpaambit sa unsay ilang nakaplagan human maila ang gipabaga nga kamatuoran diha sa leksiyon.

Katuyoan sa leksiyon: Kini nga leksiyon makahatag sa mga estudyante og mga kahigayonan aron mabansay sa paggamit sa pipila ka tudling sa doktrinal nga kahanas nga ilang natun-an niining tuiga.

Pahinumdom:Ang tudling sa doktrinal nga kahanas tingali kinahanglan nga itudlo isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

• Pagpangandam sa estudyante: Dapita ang mga estudyante nga irebyo ang upat ka tudling sa doktrinal nga kahanas nga gipakita sa tsart nga gilakip niini nga leksiyon. Hangyoa sila nga mangandam sa pagpaambit og pipila ka pihong paagi nga ilang magamit ang mga kamatuoran dinhi niini nga mga tudling.

• Tsart: Ipakita ang tsart sa mga tudling sa doktrinal nga kahanas ug ang mahinungdanon nga hugpong sa mga pulong sa kasulatan.

• Sugyot alang sa videoconference nga pagtudlo: Ikonsiderar ang pagdapit sa ward o full-time nga mga misyonaryo gikan sa inyong lugar aron moapil sa videoconference ug mohatag og pipila ka “tinuod nga kinabuhi” nga mga kasinatian nga magamit sa mga estudyante aron mabansay sa paggamit sa mga tudling sa doktrinal nga kahanas imbis mogamit sa mga senaryo nga gihatag niini nga leksiyon.