Mga Taga-Efeso

Ang mosunod nga impormasyon naghatag sa mga magtutudlo og mga ideya kon unsa ang mahimong kinahanglan nga andamon nang daan alang sa kada leksiyon:

Katuyoan sa leksiyon: Kini nga leksiyon gituyo aron matabangan ang mga estudyante nga makat-on unsaon pagpangita sa mga kamatuoran gikan sa mga kasulatan nga makatabang kanila sa ilang mga kinabuhi ug magdala kanila nga mas maduol ngadto sa Manluluwas.

• Pagpangandam sa estudyante: Dapita ang mga estudyante sa pagtuon sa mga kasulatan tali sa karon ug sa sunod nga klase, nga mangita sa mga kamatuoran nga gitudlo sa mga kasulatan. Dapita sila sa pagpamalandong sa lainlaing mga paagi diin sila makaila niini nga mga kamatuoran.

• Sugyot sa pagtudlo pinaagi sa videoconference: Human ang mga estudyante makahimo sa ilang poster, dapita sila sa pagpili sa gallery view aron sila makakita sa tanan nilang mga klasmeyt. Dapita ang tanang mga estudyante sa pagpakita sa ilang mga poster aron ang tibuok klase makakita kanila. Paghangyo og usa ka estudyante nga mopili og usa ka poster nga murag nakapaikag kanila, ug dayon dapita ang estudyante nga naghimo sa poster nga ipasabot kini. Samtang nagpasabot ang estudyante, mahimong makatabang alang sa mga estudyante ang pagpili sa speaker view aron ilang makita og klaro ang poster. Dayon dapita ang estudyante nga bag-o lang mipaambit sa pagpili og lahi nga poster nga nakapaikag kanila ug awhaga ang estudyante nga naghimo niini nga mopaambit og sunod. Sublia sumala sa gusto.

Katuyoan sa leksiyon: Kini nga leksiyon gituyo aron matabangan ang mga estudyante nga maila og magtinguha sa mga panalangin nga anaa tungod kay si Jesukristo nagdumala sa Iyang Simbahan karon pinaagi sa mga propeta ug apostoles.       

• Pagpangandam sa estudyante: Dapita ang mga estudyante sa pagpamalandong sa pangutana nga “Maunsa kaha ang akong kinabuhi kon walay mga propeta ug apostoles kinsa gitawag ni Jesukristo nga mangulo sa Iyang Simbahan?”

• Mga Materyal alang sa klase: Alang sa kalihokan D, pagkuha og pipila ka mga kopya sa Alang sa Kalig-on sa mga Kabatan-onan nga booklet (2011) anaa alang sa mga estudyante nga dili maka-access sa digital nga bersiyon sa Gospel Library.

• Sugyot sa pagtudlo pinaagi sa videoconference: Ang mga estudyante mahimong mogamit sa usa ka app o program nga anaa na sa ilang telepono [phone] o kompyuter aron makamugna og digital nga representasyon sa Mga Taga-Efeso 2:19–21 .Dayon mahimo nilang i-share ang ilang mga screen aron ipakita ug ipasabot unsa ang ilang namugna ug ipaambit unsa ang matabang sa ilang representasyon kanila sa pagsabot mahitungod kang Jesukristo ug sa Iyang Simbahan.

Katuyoan sa leksiyon: Kini nga leksiyon gituyo aron madugangan ang kahanas sa mga estudyante sa mga pagtulun-an sa Mga Taga-Efeso 2 diha sa ilang pagsag-ulo sa pakisayran ug sa mahinungdanong hugpong sa pulong sa kasulatan alang sa Mga Taga-Efeso 2:19–20 , ipasabot ang doktrina, ug gamiton ang doktrina ug ang mga baroganan sa pag-angkon og espirituhanong kahibalo sa tinuod nga sitwasyon sa kinabuhi.

• Pagpangandam sa estudyante: Ikonsiderar ang pagsulti sa mga estudyante sa pagbansay sa paggamit sa senaryo gikan niini nga leksiyon ug dapiton sila sa pagpamalandong unsaon nila paggamit sa mga baroganan sa pag-angkon og espirituhanong kahibalo aron matabangan ang ilang higala.

• Content nga ipakita: Ang tsart sa pagbansay sa paggamit, o paghatag og usa ka papel alang sa mga estudyante nga adunay mga pangutana gikan sa tsart.

• Sugyot sa pagtudlo pinaagi sa videoconference: Aron matabangan ang mga estudyante sa pagpasabot sa Mga Taga-Efeso 2:19–20 , sunda ang mga lakang A ug B gikan sa leksiyon. Inay nga ang mga estudyante magsulat sa mga tubag sa lakang C, mahimong bahinon ang klase ngadto sa gagmayng mga breakout nga grupo ug i-assign sa matag grupo ang usa ka pihong pangutana gikan sa lakang C. Dapita ang matag grupo sa paghisgot unsaon nila pagtubag sa pangutana ug sa pag-andam og usa ka drama-drama [role play] sa senaryo nga ipakita sa tibuok klase. Dasiga ang mga grupo sa paglakip sa matag estudyante sa pagdrama-drama.

Katuyoan sa leksiyon: Kini nga leksiyon gituyo aron tabangan ang mga estudyante nga makasunod sa ehemplo sa Manluluwas nga mapalambo ang ilang mga relasyon sa uban.

• Pagpangandam sa estudyante: Dapita ang mga estudyante sa paghunahuna mahitungod sa mga sakop sa ilang pamilya ug sa pag-ila og usa ka butang nga ilang ganahan mahitungod sa matag usa kanila.

• Content nga ipakita: Mga hulagway sa Manluluwas nga nagpakita Kaniya nga nagtratar sa mga sakop sa iyang pamilya nga adunay paghigugma ug pagtahod.

• Sugyot sa pagtudlo pinaagi sa videoconference: Aron matabangan ang mga estudyante sa pagkompleto sa pagpangandam sa estudyante nga kalihokan, mahimo silang dapiton sa pagdala og usa ka miyembro sa pamilya ngadto sa videoconference call o sa pagpakita og hulagway sa ilang miyembro sa pamilya panahon sa tawag ug mopaambit og usa ka butang nga ilang ganahan mahitungod niana nga miyembro sa pamilya.

Katuyoan sa leksiyon: Kini nga leksiyon gituyo aron tabangan ang mga estudyante nga makasabot unsa ang gihatag sa Dios aron protekhanan sila gikan sa mga daotan sa kalibotan, sutaon ang ilang kasamtangan nga espirituhanong pagpangandam, ug mohimo og plano sa pagpalambo sa ilang espirituhanong mga proteksiyon.

• Pagpangandam sa estudyante: Dapita ang mga estudyante sa pagrebyo ug pagkompleto sa kalihokan nga may ulohan “Ang hinagiban sa Dios motabang sa pagpanalipod kanako gikan sa daotan” diha sa Dali Sunod Kanako—Alang sa mga Indibidwal ug mga Pamilya ug motambong nga andam sa pagpaambit kon unsa ang ilang nakat-onan mahitungod sa hinagiban sa Dios (tan-awa sa “Oktubre 2–8. Mga Taga-Efeso: ‘Alang sa Pagkasangkap sa mga Balaan,’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2023).

• Handout: Hulagway sa tawo nga nagsul-ob og hinagiban

• Sugyot sa pagtudlo pinaagi sa videoconference: Ikonsiderar ang pagpadala o pag-email nang daan og kopya sa handout ngadto sa mga estudyante. Kon kahibalo ka nga ang usa ka estudyante sa klase malingaw og drowing, mahimong sultihan siya daan nga idrowing ang hinagiban. Dayon himoa ang iyang drowing ngadto sa usa ka handout alang sa klase. Isip alternatibo, mahimong ipakita ang handout sa screen. Dayon, human mabasa sa mga estudyante ang Mga Taga-Efeso 6:14–18 , dapita sila sa paggamit sa annotate nga feature aron ilhon ang lainlaing mga piraso sa hinagiban.